| e-texts navigator |
| Wylie |
231a1 བཞི་པའི་བཅུ་གཅིག་པ་རྫོགས་སྷོ། ། །།དགེ་སློང་མའི་འདུལ་བ་རྣམ་པར་འབྱེད་པ། བམ་པོ་ཉི་ཤུ་པ། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་བཞུགས་སོ། །དེའི་ཚེ་བཅུ་གཉིས་སྡེ་རྣམས་ཀྱིས་འཆི་ལྟས་དེ་དང་ལྷན་ཅིག་གཏམ་འདྲེ
231a2 བར་བྱེད། ཕེབས་པར་སྨྲ་བར་བྱེད། ཀུན་ཏུ་ལོངས་སྤྱོད་པར་བྱེད། །གནས་གཅིག་ཏུ་ཉལ་བར་བྱེད་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ
231a3 ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཤེས་བཞིན་དུ་དེ་སྐད་ཟེར་བའི་དགེ་སློང་མ་ཆོས་བཞིན་མ་བྱས་པ་སྡིག་པ་ཅན་གྱི་ལྟ་བར་སོང་བ་དེ་མ་སྤངས་པ་དང་གཏམ་འདྲེ་བར་བྱེད། ཕེབས་པར་སྨྲ་བར་བྱེད་ཀུན་དུ་ལོངས་སྤྱོད་པར
231a4 བྱེད། ཀུན་དུ་གནས་པར་བྱེད། གནས་གཅིག་ཏུ་ལྷན་ཅིག་ཉལ་བར་བྱེད་ན་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་གོ། །ཆོས་བཞིན་མ་བྱས་པ་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་མ་ཕྱུང་བའོ། །གཏམ་འདྲེ
231a5 བར་བྱེད་ཅེས་བྱ་བ་ནི་ལུང་དབོག་པ་སྦྱིན་པར་བྱེད་པའོ། །ཕེབས་པར་སྨྲ་བར་བྱེད་ཅེས་བྱ་བ་ནི་བརྗེད་པ་དྲན་པ་སྦྱིན་པར་བྱེད་པའོ། །ཀུན་དུ་ལོངས་སྤྱོད་པར་བྱེད་ཅེས་བྱ་བ་ནི་བསྙེན་བཀུར་རང་གི་བྱེད་པའོ། །ཀུན་ཏུ་གནས་པར་བྱེད། གནས་གཅིག
231a6 ཏུ་ཉལ་བར་བྱེད་ཅེས་བྱ་བ་ནི་གནས་བཞི་པོ་དག་ཏུ་སྐྱ་རེང་འཆར་བ་བྱེད་པའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ལྷན་ཅིག་གནས་གཅིག་ཏུ་ཉལ་བར་བྱེད་ན་ཐམས
231a7 ཅད་དུ་ལྟུང་བྱེད་དུ་འགྱུར་རོ། །གལ་ཏེ་ལྟ་བར་སོང་བ་དེ་དང་དབྲལ་བར་འདོད་པར་གྱུར་ན་ལྟུང་བ་མེད་དོ། །ལྟུང་བྱེད་བཞི་པའི་བཅུ་གཉིས་པ་རྫོགས་སྷོ།། །། གླེང་གཞི་ནི་རྒྱལ་པོའི་ཁབ་ནའོ། །སྦོམ་དགའ་མོ་ལ་དགེ་ཚུལ་མ་མཛེས་མ་དང་།
231a8 རྒྱལ་མ་གཉིས་ཡོད་དེ། དེ་གཉིས་ལ་སྡིག་པ་ཅན་གྱི་ལྟ་བའི་རྣམ་པར་སོང་བ་འདི་ལྟ་བུ་འདི་བྱུང་སྟེ། ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པ་ཡིན་ནོ་ཞེས་བཅོམ་ལྡན་འདས་ཀྱིས་གསུངས་པ་གང་ཡིན་པ་དེ་ལ
iiif viewer powered by OpenSeadragon
