| e-texts navigator |
| Wylie |
223b1 འམ། ཁ་དོག་སྒྱུར་རམ་འཆག་ན་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་སྦེད་མ་འམ་ཉེ་དུ་མ་ཡིན་པ་ཞེས་བྱ་བ་ནི་མ་མེས་དང་། ཕ་མེས་བདུན་རྒྱུད་ཚུན་ཆད་ནི་ཉེ་དུ་ཡིན་ནོ། །དགེ་སློང་མ་ཞེས་བྱ་བ་ནི་ཆོས་འདི་པའོ། །རྙིང་པ་དག་ཅེས་བྱ་བ་ནི་དུས་ཚིགས
223b2 གསུམ་པོ་དགུན་དང་། དཔྱིད་དང་། དབྱར་གང་ཡང་རུང་བའི་དུས་ཚིགས་སུ་ལོངས་སྤྱད་པར་གྱུར་པའོ། །གོས་ཞེས་བྱ་བ་ནི་བདུན་པོ་གང་ཡང་རུང་བའོ། །འཁྲུ་འམ་ཞེས་བྱ་བ་ནི་ཐ་ན་ཆུ་ལན་གཅིག་ལྡུགས་པ་ཡང་ངོ་། །ཁ་བསྒྱུར་རམ་ཞེས་བྱ་བ་ནི་ཐ་ན་ཚོན་གྱི་ནང་དུ་ལན
223b3 ཅིག་འཇུག་པ་ཡང་ངོ་། །འཆག་ན་ཞེས་བྱ་བ་ནི་ཐ་ན་ལག་མཐིལ་གྱིས་ལན་ཅིག་རྡེབས་ན་ཡང་ངོ་། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཉེ་དུ་མ་ཡིན་པའི་འདུ་ཤེས་ཀྱིས་དགེ་སློང་ཉེ་དུ་མ་ཡིན་པའི་འཁྲུ་ན་ལྟུང
223b4 བྱེད་དོ། །ཁ་སྒྱུར་ན་ལྟུང་བྱེད་དོ། །འཆག་ན་ལྟུང་བྱེད་དོ། །དེ་བཞིན་དུ་ཉེ་དུ་མ་ཡིན་པ་ལ་ཡིད་གཉིས་ཀྱིས་ཁྲུ་ན་ལྟུང་བྱེད་དོ། །ཁ་སྒྱུར་ན་ལྟུང་བྱེད་དོ། །འཆག་ན་ལྟུང་བྱེད་དོ། །དགེ་སློང་མས་དགེ་སློང་ཉེ་དུ་ལ་ཉེ་དུ་མ་ཡིན་པའི་འདུ་ཤེས་ཀྱིས་འཁྲུ་ན་ཉེས་བྱས་སོ། །ཁ་སྒྱུར་ན
223b5 ཉེས་བྱས་སོ། །འཆག་ན་ཉེས་བྱས་སོ། །དེ་བཞིན་དུ་ཉེ་དུ་ལ་ཡིད་གཉིས་ཀྱིས་འཁྲུ་ན་ཉེས་བྱས་སོ། །ཁ་སྒྱུར་ན་ཉེས་བྱས་སོ། །འཆག་ན་ཉེས་བྱས་སོ། །ཕ་དང་བུ་དང་མིང་པོ་དག་གི་ལ་ལྟུང་བ་མེད་དོ། །ལྟུང་བྱེད་བཞི་པའི་གསུམ་པ་རྫོགས་སྷོ།། །། གླེང་གཞི་ནི
223b6 མཉན་ཡོད་ནའོ། །གང་གི་ཚེ་བཅུ་བདུན་སྡེ་རྣམས་ལ་བརྟེན་ནས་བཅོམ་ལྡན་འདས་ཀྱིས་དགེ་སློང་རྣམས་ལ་སྦེད་པའི་བསླབ་པའི་གཞི་བཅའ་བ་མཛད་པ་དང་དེ་ནས་བཅུ་གཉིས་སྡེ་རྣམས་རྒོད་པའི་བསམ་པས་དགེ་སློང་མ་རྣམས
223b7 ཀྱི་གོས་དག་སྦེད་པར་བྱེད་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང
223b8 མ་གང་དགེ་སློང་གི་འམ། དགེ་སློང་མའི་འམ། དགེ་སློབ་མའི་འམ། དགེ་ཚུལ་ལམ། དགེ་ཚུལ་མའི་ལྷུང་བཟེད་དམ། ཆོས་གོས་སམ། དྲ་བ་འམ། ཚྭ་ཁུག་གམ། སྐ་རགས་སྦེད་དམ། སྦེད་དུ་འཇུག་ན་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་བཅུ
iiif viewer powered by OpenSeadragon
