| e-texts navigator |
| Wylie |
222b1 སྨྲས་སོ། །ཁྱིམ་གྱི་བྱ་བ་དག་ལེགས་པར་སྦོས་ཤིག་།དེས་ལེགས་པར་སྦས་ནས་འཆར་ཀ་དང་རྒྱལ་པོའི་ཁབ་ཏུ་སོང་སྟེ་དབྱར་གནས་སོ། །དེ་ནས་སྦེད་མ་རྒྱལ་བྱེད་ཀྱི་ཚལ་དུ་སོང་བ་དང་ཉེ་དགས་འདི་སྐད་ཅེས་སྨྲས་སོ། །དགོས་པ་ཅི་ཞིག
222b2 ལ་འོངས། དེ་ནས་སྦེད་མས་འདི་སྐད་ཅེས་སྨྲས་སོ། །རབ་ཏུ་བྱུང་ངོ་། །ཉེ་དགས་འདི་སྐད་ཅེས་སྨྲས་སོ། །འཆར་ཀ་ནི་ཡུལ་ཀོ་ས་ལའི་སྤུ་གྲི་རྟུལ་བས་ཡུལ་མ་ག་དྷར་སྤུ་གྲིའི་ཕྱིར་སོང་ངོ་། །དེ་ནས་སྦེད་མ་དེ་བདག་རབ་ཏུ་ཡང་མ
222b3 བྱུང་ལ་ཁྱིམ་ན་གནས་པར་ཡང་མ་གྱུར་ཏོ་སྙམ་དུ་སེམས་ཁོངས་སུ་ཆུད་ཅིང་འདུག་པ་དང་། དགེ་སློང་མ་འཆག་པ་གཞན་ཞིག་གིས་སྦེད་མ་སྐྱེ་དགུའི་བདག་མོ་ལ་གཏད་ནས་ཞེས་བྱ་བ་ནས། རབ་ཏུ་ཕྱུང་ངོ་ཞེས་བྱ་བའི་བར
222b4 རོ། །དེ་ནས་འཆར་ཀ་དབྱར་གྱི་ཟླ་བ་གསུམ་པོ་དག་འདས་ནས་མཉན་ཡོད་དུ་ཕྱིན་པ་དང་། སྦེད་མས་འཆར་ཀ་འོངས་སོ་ཞེས་ཐོས་ནས། དེ་ནས་དགེ་སློང་མ་སྦེད་མ་འཆར་ཀ་གང་ན་བ་དེར་སོང་སྟེ་སོན་པ་དང་གནས་ཁང་གི་སྒོ་ལ
222b5 བརྡེགས་སོ། །དེ་ནས་འཆར་ཀས་འདི་སུ་ཞིག་ཅེས་དྲིས་སོ། །དེས་འདི་སྐད་ཅེས་སྨྲས་སོ། །བདག་སྦེད་མ་ལགས་སོ། །དེ་ནས་འཆར་ཀས་འདི་སྐད་ཅེས་སྨྲས་སོ། །ཁྱིམ་བདག་གི་ཆུང་མ་ནང་དུ་ཞུགས་ཤིག་།
222b6 དེས་འདི་སྐད་ཅེས་སྨྲས་སོ། །བདག་ཁྱིམ་བདག་གི་མཆིས་བྲང་མ་ལགས་ཏེ། བདག་རབ་ཏུ་བྱུང་བ་ལགས་སོ། །དེས་ཁྱོད་སུས་གནང་ན་འདི་ལྟར་ཁྱེད་རབ་ཏུ་བྱུང་ཞེས་སྤྱོས་པ་དང་། དེ་ནས་སྦེད་མས་འཆར་ཀ་ལ
222b7 བཟོད་པ་གསོལ་ཏོ། །དེ་ནས་དེའི་འོག་ཏུ་འཆར་ཀས་སྦེད་མ་ལ་ཆོས་བཤད་པར་བརྩམས་པ་དང་། ཇི་ཙམ་ན་ཀུན་དུ་ཆགས་པར་གྱུར་ཏོ། །བཅོམ་ལྡན་འདས་ཀྱིས་བུད་མེད་མཁས་པའི་རང་བཞིན་ཅན་ནི་སྐྱེས་པ་ཆགས
222b8 པ་ཤེས་སོ་ཞེས་གསུངས་པ་ཡིན་པས་ཇི་ཙམ་ན་འཕྲིགས་ནས་གཅི་བའི་བརྡའ་བྱས་ཏེ་བྲོས་སོ། །འཆར་ཀ་ཡང་རྐང་པའི་སྒྲ་ལ་མཁས་པ་ཡིན་པས་རིག་ནས་ཕྱི་བཞིན་བརྒྱུགས་པ་དང་། དེའི་བརླ་ལ་རེག་པས་སྨད་གཡོགས་གཤེར་ཏོ། །སྦེད་མས
iiif viewer powered by OpenSeadragon
