| e-texts navigator |
| Wylie |
220a1 སྦྱིན་པར་བྱའོ། །ལྟུང་བྱེད་གསུམ་པའི་དགུ་པ་རྫོགས་སྷོ།། གླེང་གཞི་ནི་མཉན་ཡོད་ནའོ། །གང་གི་ཚེ་བཅོམ་ལྡན་འདས་ཀྱིས་དྲུག་སྡེ་རྣམས་ལས་བརྟེན་ནས་དམག་ཤོམ་པའི་བསླབ
220a2 པའི་གཞི་བཅའ་བ་མཛད་པ་དང་། དེ་ནས་བཅུ་གཉིས་སྡེ་དག་དམག་ཤོམ་པ་ལ་ལྟ་བའི་ཕྱིར་དོང་བ་དང་ཞེས་བྱ་བ་ནས། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ
220a3 ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དམག་ཤོམ་པ་ལ་བལྟ་བའི་ཕྱིར་འགྲོ་བར་བྱེད་ན་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ
220a4 དག་གོ། །ཤོམ་པ་ཞེས་བྱ་བ་ནི་དམག་ལ་མངོན་པར་དགའ་བའོ། །དམག་ཅེས་བྱ་བ་ལ་དམག་ནི་བཞི་སྟེ། དམག་ཡན་ལག་གཅིག་པ་ཡང་ཡོད། དམག་ཡན་ལག་གཉིས་པ་དང་། ཡན་ལག་གསུམ་པ་དང་།
220a5 ཡན་ལག་བཞི་པ་ཡང་ཡོད་དོ། །དམག་ཡན་ལག་གཅིག་པ་ནི་གླང་པོ་ཆེ་བའི་འོ། །ཡན་ལག་གཉིས་པ་ནི་གླང་པོ་ཆེ་བ་དང་རྟ་པའི་འོ། །ཡན་ལག་གསུམ་པ་ནི་གླང་པོ་ཆེ་བ་དང་། རྟ་པ་དང་། ཤིང་རྟའི་འོ། །
220a6 ཡན་ལག་བཞི་པ་ནི་གླང་པོ་ཆེ་པ་དང་། རྟ་པ་དང་། ཤིང་རྟ་པ་དང་། དཔུང་བུ་ཆུང་གི་དམག་གོ། །བལྟ་བའི་ཕྱིར་ཞེས་བྱ་བ་ནི་བལྟ་བའི་ཕྱིར་རོ། །འགྲོ་ན་ཞེས་བྱ་བ་ནི་འགྲོ་བར་བྱེད་ནའོ། །ལྟུང་བྱེད་དོ་ཞེས་བྱ་བ
220a7 ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དམག་ཤོམ་པ་བལྟ་བའི་ཕྱིར་འགྲོ་ན་ཐམས་ཅད་དུ་ལྟུང་བྱེད་དུ་འགྱུར་རོ། །དབྱར་ཁང་ལམ་ཀ་ན་འདུག་ན་ལྟུང་བ
220a8 མེད་དོ། །ལྟུང་བྱེད་གསུམ་པའི་བཅུ་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །གང་གི་ཚེ་རྒྱལ་པོ་གསལ་རྒྱལ་ལ་རི་འོར་པ་དག་ལོག་པ་དེའི་ཚེ་ཁྱིམ་བདག་མགོན་མེད་ཟས་སྦྱིན་ལ་སོགས་ཏེ་དགེ་བསྙེན་རྣམས་ཀྱང་རྒྱལ
iiif viewer powered by OpenSeadragon
