| e-texts navigator |
| Wylie |
219b1 ཡོད་པ་ན་འགྲེང་ན་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ། །ཤེས་བཞིན་དུ་ཞེས་བྱ་བ་ནི་རང་ཉིད་ཀྱིས་སམ། གཞན་གྱིས་སྨྲས་པར་གྱུར་པའོ། །གཞན་ནི་སྔ་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཉལ
219b2 པོ་བྱེད་པར་ཤོམ་པའི་ཁྱིམ་དུ་དབེན་པ་སྐྱབས་ཡོད་པ་ན་འགྲེང་ན་ཐམས་ཅད་དུ་ལྟུང་བྱེད་དུ་འགྱུར་རོ། །གལ་ཏེ་སྐྲག་པར་གྱུར་པ་འམ། བར་ཆད་ཡོད་པ་ཡིན་ན་ལྟུང་བ་མེད་དོ། །ལྟུང་བྱེད་གསུམ་པའི་བརྒྱད་པ་རྫོགས་སྷོ།། །། གླེང་གཞི་ནི་རྒྱལ་པོའི
219b3 ཁབ་ནའོ། །གང་གི་ཚེ་བཅོམ་ལྡན་འདས་ཀྱིས་ཀུན་དགའ་བོ་ལ་བརྟེན་ནས་གཅེར་བུ་པ་དང་། གཅེར་བུ་མའི་བསླབ་པའི་གཞི་བཅའ་བ་མཛད་པ་དེའི་ཚེ་བཅུ་གཉིས་སྡེ་རྣམས་རང་གི་ལག་གིས་བཟའ་བ་དང་། བཅའ་བ་གཅེར་བུ་པ་དང་། གཅེར་བུ
219b4 མ་རྣམས་ལ་སྦྱིན་པར་བྱེད་པ་དང་། དོན་ཉུང་བའི་དགེ་སློང་མ་རྣམས་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ
219b5 གང་རང་གི་ལག་གིས་བཟའ་བ་དང་། བཅའ་བ་གཅེར་བུ་པ་འམ། གཅེར་བུ་མ་འམ། ཀུན་ཏུ་རྒྱུ་འམ། ཀུན་ཏུ་རྒྱུ་མོ་ལ་སྦྱིན་པར་བྱེད་ན་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་གོ། །གཅེར་བུ་པ་ཞེས་བྱ་བ་ནི་གོས་མེད་པའོ། །གཅེར་བུ
219b6 མ་ཞེས་བྱ་བ་ཡང་གོས་མེད་པའོ། །དེ་བཞིན་དུ་ཀུན་ཏུ་རྒྱུ་ཞེས་བྱ་བ་ནི་གྲངས་ཅན་ནོ། །ཀུན་དུ་རྒྱུ་མོ་ཡང་དེ་བཞིན་ནོ། །རང་གི་ལག་གིས་ཞེས་བྱ་བ་ནི་ལག་པས་ལག་པར་རོ། །བཟའ་བ་དང་བཅའ་བ་ཞེས་བྱ་བ་ནས། ལྟུང་བྱེད་དོ་ཞེས་བྱ་བའི
219b7 བར་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་རང་གི་ལག་གིས་བཟའ་བ་དང་། བཅའ་བ་གཅེར་བུ་པ་འམ་ཞེས་བྱ་བ་ནས། ཀུན་ཏུ་རྒྱུ་མོའི་བར་ལ་སྦྱིན་པ་བྱེད་ན་ལྟུང་བྱེད་དོ། །གལ་ཏེ་ཕ
219b8 དང་མ་ཡིན་ན་ལྟུང་བ་མེད་དོ། །གལ་ཏེ་ལྟ་བར་སོང་བ་ཞིག་དབྲལ་བར་འདོད་ན་ལྟུང་བ་མེད་དོ། །གལ་ཏེ་སློང་ན་དེ་ལ་འདི་སྐད་ཅེས་སློང་ཕོར་ས་ལ་ཞོག་ཤིག་ཅེས་བརྗོད་པར་བྱའོ། གལ་ཏེ་བཞག་ན་སྦྱིན་པར་བྱའོ། །འོན་ཏེ་མ་བཞག་ན
iiif viewer powered by OpenSeadragon
