| e-texts navigator |
| Wylie |
219a1 འོངས་ནས་ཆུང་མ་ལ་བལྟ་བར་བརྩམས་པ་དང་། དེས་འདི་སྐད་ཅེས་སྨྲས་སོ། །རྗེའི་སྲས་འཕགས་མ་སྡོད་ཅིང་བཞུགས་སོ། །དེ་ནས་ཁྱེའུ་དེས་སྦོམ་དགའ་མོ་མཐོང་ནས་ཤཱཀྱའི་སྲས་ཀྱི་དགེ་སྦྱོང་མ་རྣམས་ཀྱིས
219a2 དགེ་སྦྱོང་གི་ཚུལ་དང་། ཚངས་པའི་ཚུལ་ཚིག་པ་ཡིན་ཏེ། གང་གི་ཕྱིར་འདི་ལྟར་རང་གི་ཆུང་མ་དང་ལྷན་ཅིག་དབེན་པ་ན་འདུག་པའི་སྐབས་ཀྱང་མི་རྙེད་དོ། །ཞེས་འཕྱ་བར་བྱེད་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ
219a3 ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཤེས་བཞིན་དུ་ཉལ་པོ་བྱེད་པར་ཤོམ་པའི་ཁྱིམ་དུ་ཕྱིས
219a4 གནོན་བྱས་ཏེ་སྟན་ལ་འདུག་པར་བྱེད་ན་ལྟུང་བྱེད་དོ། །དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ། །ཉལ་པོ་བྱེད་པར་ཤོམ་པའི་ཞེས་བྱ་བ་ནི་བུད་མེད་ནི་སྐྱེས་པའི་ཉལ་པོ་བྱ་བ་ཡིན་ནོ། །ཁྱིམ་དུ་ཞེས་བྱ་བ་ནི་ཁྱིམ་བདག
219a5 རྣམས་ཀྱི་ཁྱིམ་དུའོ། །ཕྱིས་གནོན་བྱས་ཏེ་ཞེས་བྱ་བ་ནི་འཕྲལ་ལའོ། །འདུག་པར་བྱེད་ན་ཞེས་བྱ་བ་ནི་འདུག་པར་བྱེད་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཅི་ཙམ་ཅུང་ཟད་ཉལ
219a6 པོ་བྱེད་པར་ཤོམ་པའི་ཁྱིམ་རྣམས་སུ་མཐུས་གནན་ཏེ་སྟན་ལ་འདུག་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་གསུམ་པའི་བདུན་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོ་སྔ་དྲོ་ཤམ་ཐབས་བགོས
219a7 ཆོས་གོས་དང་ལྟུང་བཟེད་ཐོགས་ཏེ་སྤྱོད་ཡུལ་དུ་ཞུགས་པ་དང་། སྦོམ་དགའ་མོས་ཡང་སྦོས་འཚོང་གི་ཁྱེའུ་དེ་ཁྱིམ་དུ་འགྲོ་བ་མཐོང་ངོ་། །དེ་ནས་སྦོམ་དགའ་མོས་བསམས་པ། བཅོམ་ལྡན་འདས་ཀྱིས་འདུག་པའི་བསླབ་པའི་གཞི་བཅའ་བ་མཛད་ཀྱིས
219a8 མ་ལ་བདག་གིས་སྒོ་རྒྱབ་ཏུ་འགྲེང་ལ་བསྡད་དོ་སྙམ་ནས་སྤོས་འཚོང་གི་ཁྱེའུ་ཡིས་མཐོང་སྟེ་སྨོད་པར་བྱེད་པ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཤེས་བཞིན་དུ་ཉལ་པོ་བྱེད་པར་ཤོམ་པའི་ཁྱིམ་དུ་དབེན་པ་སྐྱབས
iiif viewer powered by OpenSeadragon
