| e-texts navigator |
| Wylie |
213a1 གླེང་གཞི་ནི་མཉན་ཡོད་ནའོ། །གང་གི་ཚེ་བཅོམ་ལྡན་འདས་ཀྱིས། བསོད་ནམས་དག་ནི་བྱ་བ་སྟེ། །བསོད་ནམས་མ་བྱས་སྡུག་བསྔལ་འགྱུར། །འཇིག་རྟེན་འདི་དང་ཕ་རོལ་དུ། །བསོད་ནམས་བྱས་པ་དགའ་བར་འགྱུར། །
213a2 ཞེས་བཀའ་སྩལ་པ་དེའི་ཚེ། དགེ་སློང་མ་དེ་དག་གིས་གནས་ཁང་དང་། ར་བ་དང་། སྒོ་ཁང་ལ་སོགས་པ་བྱ་བར་བརྩམས་སོ། །དེ་ནས་སྦོམ་དགའ་མོས་བསམས་པ། བདག་གིས་འདི་ལྟ་བུའི་བསོད་ནམས་ཀྱི་ཕུང་པོ་ལས་ཡོངས་སུ
213a3 ཉམས་སོ་སྙམ་དུ་བསམས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་། ཆོས་གོས་བླངས་ཏེ། ཚོང་དཔོན་གྱི་ཆུང་མ་ཞིག་གི་དྲུང་དུ་སོང་ནས་སོན་པ་དང་འདི་སྐད་ཅེས་སྨྲས་སོ། །མཚན་བཟངས་མ་ནད་མེད་པར་གྱུར་ཅིག་།དེ་ནས་ཁྱིམ
213a4 བདག་གི་ཆུང་མ་དེས་སྦོམ་དགའ་མོའི་ཕྱིར་སྟན་བཏིང་ངོ་། །དེ་ནས་སྦོམ་དགའ་མོ་སྟན་བཏིང་བ་ལ་འདུག་གོ། །འདུག་ནས་རྫས་ལས་བྱུང་བའི་བསོད་ནམས་བྱ་བའི་དངོས་པོ་བདུན་གྱི་མདོ་རྒྱས་པ་རྣམ་པར་ཕྱེ་བས་ཁྱིམ་བདག་གི་ཆུང
213a5 མ་དེ་དད་པར་བྱས་ནས་སྐབས་འབྱེད་དུ་བཅུག་གོ་ཞེས་བྱ་བ་ནས་དེས་སྨྲས་པ། གཙུག་ལག་གི་རྒྱུ་ཅུང་ཟད་ཅིག་བྱིན་ཅིག་ཅེས་བྱ་བའི་བར་རོ། །དེ་ནས་སྦོམ་དགའ་མོས་དབྱར་ཁང་དེ་ལ་སྟོར་ཁུང་ཡང་མེད། ཆུ་ཁུང་ཡང་མེད་པ
213a6 སྦྱང་གི་དབྱིབས་ལྟ་བུ་ཞིག་བརྩིག་པར་བརྩམས་པ་དང་། དེ་ནས་དགེ་སློང་མ་དེ་རྣམས་ཀྱིས་སྦོམ་དགའ་མོ་ལ་འདི་སྐད་ཅེས་སྨྲས་སོ། །འཕགས་མ་བཅོམ་ལྡན་འདས་ཀྱི་སྒོ་ཁང་དང་། གཏན་པའི་གནས་ཇི་སྲིད་པར་འཇི་བའི
213a7 རིམ་པ་གཉིས་སམ་གསུམ་བརྩིག་པར་བྱའོ་ཞེས་བཀའ་སྩལ་པ་མ་ཡིན་ནམ། དེས་འདི་སྐད་ཅེས་དགེ་སློང་རྣམས་ལ་བཀའ་སྩལ་གྱི་དགེ་སློང་མ་རྣམས་ལ་ནི་མ་ཡིན་ནོ། །དེ་ལྟ་མོད་ཀྱི་བུ་ཟན་གྱི་བུ་མོ་དག་།ཀྱེ་ཁོ་མོ་སྡེ
213a8 སྣོད་གསུམ་པ་ཡིན་པས་གཙུག་ལག་ཁང་ཅི་འདྲ་བར་བརྩིག་པ་ཤེས་སོ་ཞེས་སྨྲས་པ་དང་། དོན་ཉུང་བའི་དགེ་སློང་མ་རྣམས་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་དགེ་སློང་དག
iiif viewer powered by OpenSeadragon
