| e-texts navigator |
| Wylie |
211a1 དེ་དག་འགྱོད་པར་གྱུར་པ་ནས། བཅོམ་ལྡན་འདས་ཀྱིས་བཀའ་སྩལ་པ། གློང་བར་བྱའོ། །གློང་བར་མི་བྱེད་ན་འགལ་ཚབས་ཅན་དུ་འགྱུར་རོ། །དེ་ནས་ཕྱིས་དབྱར་ཁང་དུ་ཚོན་རྩིའི་ལས་དག་བྱེད་པ་ན་དགེ་སློང་མ་རྣམས་ཀྱིས་རྩཝ་དག་བཀྲམ་པར་གྱུར་པ་དང་།
211a2 བསླབ་པ་འདོད་པ་དེ་དག་གིས་རྩཝ་དེ་དག་བསྡུས་ནས་དབྱར་ཁང་གི་ཕྱི་རོལ་དུ་བོར་བ་དང་། གཞན་དག་ཕོངས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་འགའ་ཞིག་སེམས་ལས་ཆུང་བར་གྱིས་ཤིག་ཅེས་ཟེར་ན་མི་དོར་རོ། །
211a3 ལྟུང་བྱེད་གཉིས་པའི་ལྔ་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །དེའི་ཚེ་སྦོམ་དགའ་མོས་དབྱར་གྱི་ཐལ་ནས་རྒྱུ་ཞིང་སོང་བ་དང་། དེ་ནས་དགེ་སློང་མ་གཞོན་ནུ་རྣམས་ཀྱིས་མཁན་མོ་དང་སློབ་དཔོན་མོ་དག་ལ་འདི
211a4 སྐད་ཅེས་སྨྲས་སོ། །འཕགས་མ་དག་བདག་ཅག་ཀྱང་རྒྱུ་ཞིང་མཆི་ལགས་སོ། །དེ་དག་གིས་དྲིས་པ་སུ་དང་ལྷན་ཅིག་།དེ་རྣམས་ཀྱིས་འདི་སྐད་ཅེས་སྨྲས་སོ། །འཕགས་མ་སྦོམ་དགའ་མོ་དང་ངོ་། །དེ་དག་གིས་འདི་སྐད
211a5 ཅེས་སྨྲས་སོ། །མ་འདེང་ཤིག་།ཅིའི་སླད་དུ། དེ་དག་གིས་འདི་སྐད་ཅེས་སྨྲས་སོ། །སྦོམ་དགའ་མོ་ནི་གནས་ངན་ལེན་ཀུན་དུ་སྤྱོད་པ་ཡིན་ནོ། །ཞེས་དེ་དག་གིས་དེ་ལྟར་བཟློག་ཀྱང་དེ་དང་ལྷན་ཅིག་རྒྱུ་ཞིང་དོང་སྟེ། དེ་དག་རྒྱུ
211a6 ཞིང་དོང་བ་ན་རི་འོར་ཞིག་ཏུ་ཕྱིན་ཏོ། །དེ་ནས་གཞོན་ནུ་དེ་རྣམས་ཀྱིས་རྩཝ་དག་བསླངས་ཏེ་གདིང་བ་བཤམས་ནས་དེ་དག་ཉལ་བ་དང་། སྦོམ་དགའ་མོས་དབུས་སུ་མཆོངས་ནས་གནོད་པར་བྱས་ཤིང་ཕུལ་ཏེ་གོ་བཤུགས་ནས
211a7 འདི་སྐད་ཅེས་སུ་ལ་གནོད་པར་འགྱུར་བ་དེ་དག་འདོང་བར་འགྱུར་གྲང་ཞེས་སྨྲས་སོ། །དེ་ནས་དགེ་སློང་མ་དེ་རྣམས་ཕྱི་དེ་ཉིན་པར་སླར་ལོག་པ་དང་། དེ་ནས་དགེ་སློང་མ་སྦོམ་དགའ་མོས་དེ་དག་ལ་འདི་སྐད་ཅེས་སྨྲས་སོ། །
211a8 ཁོ་མོས་ཁྱོད་ལ་ནད་ཀྱི་སྨན་ལ་སོགས་པ་སྦྱར་བར་བྱའོ། །ཞེས་བྱ་བ་ནས། གཞོན་ནུ་མ་དེ་དག་གིས་སྐབས་དེ་མཁན་མོ་དང་། སློབ་དཔོན་མ་དག་ལ་རྒྱས་པར་སྨྲས་སོ། །ཞེས་བྱ་བའི་བར་རོ། །དོན་ཉུང་བའི་དགེ་སློང་མ
iiif viewer powered by OpenSeadragon
