| e-texts navigator |
| Wylie |
207a1 པ་རྫོགས་སྷོ། ། གླེང་གཞི་ནི་མཉན་ཡོད་ནའོ། །གང་གི་ཚེ་བཅོམ་ལྡན་འདས་ཀྱིས་དགེ་སློང་རྣམས་ཀྱིས་བླ་གབ་མེད་པའི་གནས་མལ་རབ་ཏུ་མང་པོ་གཟིགས་ནས་བསླབ་པའི་གཞི་བཅའ་བ་མཛད་པ་དང་། དེ་ན་རང་བཞིན་དུ་གནས
207a2 པའི་དགེ་སློང་མ་གང་དག་ཡིན་པ་དེ་དག་ནི་བསླབ་པའི་གཞི་དེའི་རྗེས་སུ་སྒྲུབ་པར་བྱེད་དོ། །དེ་ནས་དགེ་སློང་མ་བཅུ་གཉིས་སྡེ་རྣམས་ཀྱིས་བླ་གབ་མེད་པའི་གནས་མལ་རྣམས་མ་བརྟུལ་བར་མཚམས་ཀྱི་ཕྱི་རོལ་དུ་དོང་ངོ་། །དེ་ནས་དགེ་སློང་མ
207a3 གནས་བརྟན་གནས་བརྟན་དེ་དག་གིས་བཅུ་གཉིས་སྡེ་དེ་རྣམས་ལ་འདི་སྐད་ཅེས་སྨྲས་སོ། །ཀྱེ་ཕུ་ནུ་མོ་དག་བཅོམ་ལྡན་འདས་ཀྱིས་བསླབ་པའི་གཞི་མ་བཅས་སམ། དེ་དག་གིས་འདི་སྐད་ཅེས་བསླབ་པའི་གཞི་བཅའ་བ་མཛད་པ་དེ་ནི་དགེ་སློང
207a4 རྣམས་ཀྱི་ཡིན་གྱི། དགེ་སློང་མ་རྣམས་ཀྱི་ནི་མ་ཡིན་ནོ། །ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། ངས་བསླབ་པའི
207a5 གཞི་བཅའ་བ་མཛད་པ་དེ་ནི་གཉི་གའི་ཐུན་མོང་ཡིན་ནོ། །བཅོམ་ལྡན་འདས་ཀྱིས་དེ་ལྟར་བླ་གབ་མེད་པར་གནས་མལ་གཞག་པར་མི་བྱའོ་ཞེས་བཅའ་བ་མཛད་པ་དང་། དེ་ནས་དུས་གཞན་ཞིག་ན་དགེ་སློང་མ་རྣམས་དོན་འཐུན་དང་ལྷན་ཅིག་འགྲོགས
207a6 ཏེ་རི་བོར་ཞིག་ཏུ་ཕྱིན་པ་དང་། དེ་རྣམས་ཀྱིས་གཙུག་ལག་ཁང་དེར་གནས་མལ་རྙེད་ནས་ཕྱི་དེ་ཉིན་པར་གནས་མལ་གཏོད་པ་ན་དོན་འཐུན་དང་ཡང་བྲལ་ནས། དེ་དག་འབའ་ཞིག་དོང་བ་ལས་ཆོམ་རྐུན་པ་རྣམས་ཀྱིས་བཏོགས་པའི་སྐབས་དེ་དགེ
207a7 སློང་མ་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། བཅོལ་ཏེ་འདོང་བར་བྱའོ། །བཅོམ་ལྡན་འདས་ཀྱིས་གསུངས་པ་མ་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། གལ་ཏེ
207a8 གཙུག་ལག་ཁང་ན་གནས་ན་དགེ་སློང་ལ་བཅོལ་བར་བྱའོ། །དབྱར་ཁང་ན་གནས་ན་དགེ་སློང་མ་ལ་བཅོལ་བར་བྱའོ། །དེ་དག་དེ་རྣམས་ལ་འཆོལ་བ་ན་ཡང་ཐོགས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ།
iiif viewer powered by OpenSeadragon
