| e-texts navigator |
| Wylie |
206b1 བྱེད་ཅིང་བསྒོ་བ་གཅོག་པའི་བསམ་པས་ཡིན་ན་ལྟུང་བྱེད་དུ་འགྱུར་རོ། །དགེ་སློང་མ་དགེ་སློང་མའི་དྲུང་དུ་སོང་ནས་འདི་སྐད་ཅེས་ཁྱོད་ཀྱིས་ལམ་འདི་ནས་ཁྱིམ་པ་མོ་ཐམས་ཅད་སྔོ་བ་འམ། ཐམས་ཅད་སེར་བ་འམ། ཐམས་ཅད་དམར་བ་འམ།
206b2 ཐམས་ཅད་དཀར་བ་དགོས་པས་འགྲོ་བ་མཐོང་ངམ་ཞེས་འདྲི་བ་ན་དེ་འདི་སྐད་ཅེས་ཁོ་མོས་ཁྱིམ་པ་མོ་རྐང་གིས་འགྲོ་བ་ཞིག་མཐོང་ངོ་ཞེས་ཟེར་ཏེ། གཞན་དྲིས་ན་ལན་གཞན་ལྡོན་པར་བྱེད་ཅིང་བསྒོ་བ་གཅོག་པའི་བསམ་པས་ཡིན་ན
206b3 ལྟུང་བྱེད་དུ་འགྱུར་རོ། །གལ་ཏེ་གཤེད་མའི་དྲུང་ནས་བྲོས་པ་ཞིག་གཤེད་མས་རྗེས་ཐོགས་ལ་དེ་དགེ་སློང་མའི་དྲུང་དུ་སོང་ནས་འདི་སྐད་ཅེས་འཕགས་མ་ཁྱོད་ཀྱིས་ལམ་འདི་ནས་གསད་པ་ཞིག་བྲོས་པ་གཟིགས་སམ་ཞེས་དྲིས་ན
206b4 དེས་དེ་ལ་གསོད་པའི་གཤེད་མ་ལ་རིགས་པས་བརྗོད་པར་བྱ་སྟེ། གལ་ཏེ་ཚ་བའི་དུས་ཡིན་ན་བཞིན་བཟངས་རེ་ཤིག་ཡུད་ཙམ་ཞིག་ངལ་སོ་ཤིག་།རེ་ཤིག་ཆུ་གྲང་མོ་དག་འཐུང་ཤིག་ཅེས་བསིལ་ཡབ་དག་གིས་གཡབ་པར་བྱའོ། །
206b5 གལ་ཏེ་གྲང་བའི་དུས་ཡིན་ན། འདི་སྐད་ཅེས་བཞིན་བཟངས་རེ་ཤིག་བསྲོ་ཁང་དུ་ཞུགས་ཤིག་།ཡུད་ཙམ་ཞིག་གནས་དྲོན་པོར་ངལ་སོ་ཞིག་ཅེས་བརྗོད་པར་བྱའོ། །གལ་ཏེ་གཤེད་མ་དེ་འདི་སྐད་ཅེས་བདག་རིངས་ཀྱིས་ཐོང་ཤིག
206b6 ཅེས་ཟེར་ན་དེ་ལ་འདི་སྐད་ཅེས་ནམ་མཁའ་ལ་བལྟས་ཏེ། ནམ་མཁའ་མཐོང་ངོ་ཞེས་བརྗོད་པར་བྱའོ། །དེ་བཞིན་དུ་སེན་མོ་ལ་བལྟས་ཏེ་སེན་མོ་མཐོང་ངོ་ཞེས་བརྗོད་པར་བྱའོ། །གལ་ཏེ་གཤེད་མ་ཟིན་པོ་ཞིག་སྟེ། འདི་སྐད་ཅེས་བདག
206b7 རྣམ་པ་འདི་དག་མི་འདྲིའོ། །བདག་ནི་གསད་པ་འདྲིའོ་ཞེས་ཟེར་ན་དགེ་སློང་མ་དེས་འདུ་བྱེད་ཐམས་ཅད་སྟོང་པ་ཉིད་དུ་ལྷག་པར་མོས་པར་བྱས་ལ་ཅུང་ཟད་ཀྱང་མཐོང་བ་མེད་དོ་ཞེས་བརྗོད་པར་བྱའོ། །དགེ་སློང་མ་དགེ་སློང་མའི་དྲུང་དུ
206b8 སོང་སྟེ་དེ་སྐད་ཅེས་འདྲི་བ་ལ་གལ་ཏེ་དགེ་སློང་མས་ཅང་མི་སྨྲ་བས་གཅོག་ན་ལྟུང་བྱེད་དུ་འགྱུར་རོ། །གལ་ཏེ་ན་བའི་སྨན་ཁར་བཅུག་པར་གྱུར་པ་འམ། ཁའི་ནད་ཀྱིས་ཐེབས་པ་ལ་ལྟུང་བ་མེད་དོ། །ལྟུང་བྱེད་གཉིས་པའི་གསུམ
iiif viewer powered by OpenSeadragon
