| e-texts navigator |
| Wylie |
205a1 བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་མཛའ་མོ་གཉི་གར་འཕྱ་བའི་གྲངས་སུ་ཆུག་ཤིག་ཅེས་བྱ་བའི་བར་ཏེ། གསོལ་བ་དང་ལས་ཀྱང་བརྗོད་པར་བྱའོ། །དེ་དེ་ལྟར་བསྒོ་ཡང་འཕྱ་བར་བྱེད་པ་ན་དོན་ཉུང་བའི་དགེ་སློང་མ
205a2 དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། འཕྱ་འམ་གཞོག་འཕྱས་བྱེད་ན་ལྟུང་བྱེད་དོ། །འཕྱ་འམ་ཞེས་བྱ་བ་ནི་འཕྱ
205a3 བའི་བསམ་པ་ཅན་གྱི་གང་དག་དང་ཚིག་དང་། རྗོད་པ་ཞེས་བྱ་བའི་བར་གོང་མ་བཞིན་ནོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་མ་གྲངས་སུ་བཅུག་པར་གྱུར་པས་ཡང་དགེ་འདུན་གྱིས་བསྐོས་པའི་དགེ་སློང་མ་བཅུ་གཉིས་པོ་སྦྱོར
205a4 བ་མ་བཏང་བ་རྣམས་ལ་འཕྱ་ན་ལྟུང་བྱེད་དོ། །གཞོག་འཕྱས་བྱེད་ན་ལྟུང་བྱེད་དོ། །འཕྱ་བ་དང་གཞོག་འཕྱས་བྱེད་ན་ལྟུང་བྱེད་དོ། །དགེ་སློང་མ་གྲངས་སུ་བཅུག་པར་གྱུར་པས་ཡང་དགེ་འདུན་གྱིས་མ་བསྐོས་པའི་དགེ་སློང་མ་བཅུ་གཉིས
205a5 པོ་སྦྱོར་བ་མ་བཏང་བ་རྣམས་ལ་འཕྱ་ན་ལྟུང་བྱེད་དོ། །གཞོག་འཕྱས་བྱེད་ན་ལྟུང་བྱེད་དོ། །འཕྱ་བ་དང་གཞོག་འཕྱས་བྱེད་ན་ལྟུང་བྱེད་དོ། །དགེ་སློང་མ་གྲངས་སུ་བཅུག་པར་གྱུར་པས་ཡང་དགེ་འདུན་གྱིས་མ་བསྐོས་པའི་དགེ་སློང
205a6 མ་བཅུ་གཉིས་པོ་སྦྱོར་བ་མ་བཏང་བ་རྣམས་ལ་འཕྱ་ན་ལྟུང་བྱེད་དོ། །གཞོག་འཕྱས་བྱེད་ན་ལྟུང་བྱེད་དོ། །འཕྱ་བ་དང་གཞོག་འཕྱས་བྱེད་ན་ལྟུང་བྱེད་དོ། །དགེ་སློང་མ་གྲངས་སུ་བཅུག
205a7 པར་གྱུར་པས་ཡང་དགེ་འདུན་གྱིས་མ་བསྐོས་པའི་དགེ་སློང་མ་བཅུ་གཉིས་པོ་སྦྱོར་བ་བཏང་བ་རྣམས་ལ་འཕྱ་ན་ལྟུང་བྱེད་དོ། །གཞོག་འཕྱས་བྱེད་ན་ལྟུང་བྱེད་དོ། །འཕྱ་བ་དང་གཞོག་འཕྱས་བྱེད་ན་ལྟུང་བྱེད་དོ། །དགེ་སློང
205a8 མ་གྲངས་སུ་བཅུག་པར་མ་གྱུར་པས་ཀྱང་དགེ་འདུན་གྱིས་བསྐོས་པའི་དགེ་སློང་མ་བཅུ་གཉིས་པོ་སྦྱོར་བ་མ་བཏང་བ་རྣམས་ལ་འཕྱ་ན་ཉེས་བྱས་སོ། །གཞོག་འཕྱས་བྱས་ན་ཉེས་བྱས་སོ། །འཕྱ་བ་དང་གཞོག་འཕྱས་བྱེད་ན
iiif viewer powered by OpenSeadragon
