| e-texts navigator |
| Wylie |
204b1 ནས་ཇི་སྲིད་མ་བཏོན་པ་དེ་སྲིད་དུ་ཉེས་བྱས་སོ། །བཏོན་ན་ལྟུང་བྱེད་དོ། །རྩ་བ་མེད་པའི་ས་བོན་གྱི་ཁམས་འབྱིན་ན་ཉེས་བྱས་སོ། །ཉ་ཚང་དང་། ཕ་བ་ལྒོ་ལྒོ་དང་། ཤ་མོ་འབྱིན་ན་ཉེས་བྱས་སོ། །བུམ་པའི་མདམ་སྐྱ་བོ་འཕྱི་ན་ཉེས་བྱས
204b2 སོ། །ཁ་ཟས་འདམ་སྐྱ་བ་ཟ་ན་ཉེས་བྱས་སོ། །གལ་ཏེ་རུང་བར་བྱས་པ་ཡིན་ན་ལྟུང་བ་མེད་དོ། །ལྟུང་བྱེད་གཉིས་པའི་དང་པོ་རྫོགས་སྷོ།། །། གླེང་གཞི་ནི་རྒྱལ་པོའི་ཁབ་ནའོ། །གང་གི་ཚེ་མཛའ་བོ་དང་། ས་ལ་སྐྱེས་ཀྱིས་དྲུག་སྡེ
204b3 རྣམས་ཀྱི་མདུན་དུ་ཚེ་དང་ལྡན་པ་གྱད་བུ་ནོར་ལ་འཕྱ་བར་བྱེད་པ་ན་དེ་བཞིན་དུ་དགེ་སློང་མ་མཛའ་མོ་ཞེས་བྱ་བ་ཡང་བཅུ་གཉིས་སྡེ་རྣམས་ཀྱི་མདུན་དུ་གྱད་བུ་ནོར་ལ་འཕྱ་བར་བྱེད་དོ། །དེ་ནས་དགེ་སློང་མ་གནས་བརྟན་གནས་བརྟན་དག་གིས་འདི་སྐད་ཅེས
204b4 སྨྲས་སོ། །མཛའ་མོ་འཁོར་གྱིས་གཙོ་བོ་ལ་མ་འཕྱ་ཤིག་།དེ་ལ་དེ་སྐད་དུ་བསྒོ་བ་ན་འོན་ཀྱང་འཕྱ་བར་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང
204b5 མས་དགེ་སློང་མ་མཛའ་མོ་ངོར་འཕྱ་བའི་གྲངས་སུ་ཆུག་ཤིག་། གྲངས་སུ་གཞུག་པ་ནི་འདི་ལྟར་བྱ་སྟེ། གནས་མལ་བཤམས་པ་བྱས་ནས་ཞེས་བྱ་བ་ནས། འཕགས་མའི་དགེ་འདུན་ཕུ་ནུ་མོ་དག་བདག་ལ་གསན་དུ་གསོལ།
204b6 དགེ་སློང་མ་མཛའ་མོ་འདི་ཚེ་དང་ལྡན་པ་གྱད་བུ་ནོར་ལ་ངོར་འཕྱ་ལགས་ཀྱིས། གལ་ཏེ་འཕགས་མའི་དགེ་འདུན་གྱིས་དུས་ལ་བབ་ཅིང་བཟོད་ན་འཕགས་མའི་དགེ་འདུན་གྱིས་གནང་བར་མཛོད་ཅིག་དང་། དགེ་སློང་མ་མཛའ
204b7 མོ་ངོར་འཕྱ་བའི་གྲངས་སུ་སྩལ་ཏོ། །འདི་ནི་གསོལ་བའོ། །དེ་བཞིན་དུ་ལས་ཀྱང་བརྗོད་པར་བྱའོ། །འོན་ཀྱང་གཞོག་འཕྱས་ཀྱིས་འཕྱ་བར་བྱེད་པ་ནས་ཞེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་དག
204b8 དགེ་སློང་མ་མཛའ་མོ་གཞོག་འཕྱས་བྱེད་པའི་གྲངས་སུ་ཆུག་ཤིག་ཅེས་བྱ་བའི་བར་ཏེ། འདི་ནི་གསོལ་བའོ། །ལས་ཀྱང་བརྗོད་པར་བྱའོ། །ཕྱི་ནས་གཞོག་འཕྱས་དང་། ངོར་འཕྱ་བ་གཉིས་ཀ་བྱེད་ནས་ཞེས་བྱ་བ་ནས། བཅོམ
iiif viewer powered by OpenSeadragon
