| e-texts navigator |
| Wylie |
204a1 གིས་ཤིང་ལྗོན་པ་མང་པོ་གཅོད་ན་དེ་ལ་ཉེས་བྱས་གཅིག་དང་། ལྟུང་བྱེད་མང་པོར་འགྱུར་རོ། །དེ་བཞིན་དུ་སྦྱོར་བ་གཉིས་ཀྱིས་ཤིང་ལྗོན་པ་མང་པོ་གཅོད་ན་དེ་ལ་ཉེས་བྱས་གཉིས་དང་། ལྟུང་བྱེད་མང་པོར་འགྱུར་རོ། །དེ་བཞིན་དུ་སྦྱོར་བ་མང
204a2 པོས་ཤིང་ལྗོན་པ་མང་པོ་གཅོད་ན་དེ་ལ་ཉེས་བྱས་མང་པོ་དང་། ལྟུང་བྱེད་མང་པོར་འགྱུར་རོ། །དགེ་སློང་མས་རྩཝ་སྔོན་པོ་ལ་སྔོན་པོར་འདུ་ཤེས་པས་རྔ་ན་ལྟུང་བྱེད་དོ། །རྔར་འཇུག་ན་ལྟུང་བྱེད་དོ། །སྔོན་པོ་ལ་ཡིད་གཉིས་ཟ་བས་རྔ་ན་ལྟུང་བྱེད་དོ། །
204a3 རྔར་འཇུག་ན་ལྟུང་བྱེད་དོ། །སྐམ་པོ་ལ་སྔོན་པོར་འདུ་ཤེས་པས་རྔ་ན་ཉེས་བྱས་སོ། །རྔར་འཇུག་ན་ཉེས་བྱས་སོ། །སྐམ་པོ་ལ་ཡིད་གཉིས་ཟ་ན་ཉེས་བྱས་སོ། །རྔར་འཇུག་ན་ཉེས་བྱས་སོ། །དགེ་སློང་མས་སྦྱོར་བ་གཅིག་གིས་རྩཝ་གཅིག
204a4 རྔ་ན་དེ་ལ་ཉེས་བྱས་གཅིག་དང་། ལྟུང་བྱེད་གཅིག་གོ། །དེ་བཞིན་དུ་གཉིས་ལ་ཡང་བརྗོད་པར་བྱའོ། །དེ་བཞིན་དུ་མང་པོས་རྩཝ་གཉིས་ལ་ཡང་བརྗོད་པར་བྱའོ། །ཇི་ལྟར་ཤིང་ལྗོན་པ་ལ་བརྗོད་པ་དེ་བཞིན་དུ་རྒྱས་པར་རྩཝ་མང་པོ་ལ
204a5 ཡང་བརྗོད་པར་བྱའོ། །དགེ་སློང་མས་ཤིང་ལྗོན་པའི་རྩཝ་རྒྱུན་འབྱིན་ན་ཉེས་བྱས་སོ། །ཕྱི་ཤུན་འཆུ་ན་ཉེས་བྱས་སོ། །ཕྲི་འཆུ་ན་ཉེས་བྱས་སོ། །ནང་ཤུན་འཆུ་ན་ཉེས་བྱས་སོ། །སྙིང་པོ་འབྱིན་ན་ལྟུང་བྱེད་དོ། །ལོ་མ་སྐྱ་བོ་ན
204a6 ཉེས་བྱས་སོ། །ལོ་མ་རློན་ན་ལྟུང་བྱེད་དོ། །མེ་ཏོག་ཁ་བྱེ་ན་ཉེས་བྱས་སོ། །ཁ་མ་ཕྱེ་ན་ལྟུང་བྱེད་དོ། །འབྲས་བུ་སྨིན་ན་ཉེས་བྱས་སོ། །འབྲས་བུ་མ་སྨིན་ན་ལྟུང་བྱེད་དོ། །རྩཝ་ཉམས་པར་གྱུར་ཅིག་།རྩཝ་རབ་ཏུ་ཉམས་པར་གྱུར་ཅིག་ཅེས
204a7 རྩཝ་སྔོན་པོའི་སྟེང་དུ་འཆག་པར་བྱེད་ན་ལྟུང་བྱེད་དོ། །དེ་བཞིན་དུ་ཁུ་ཚན་ལ་སོགས་པ་ལ་ཡང་ལྟུང་བྱེད་དོ། །ཉམས་པར་གྱུར་ཅིག་།རབ་ཏུ་ཉམས་པར་གྱུར་ཅིག་ཅེས་ཤིང་ངམ། ཡལ་ག་འདྲེན་ན་ལྟུང་བྱེད་དོ། །འདྲེན་པའི་བསམ་པ
204a8 དང་། འཆགས་པའི་བསམ་པ་ཡིན་ན་ལྟུང་བ་མེད་དོ། །ཆུ་དྲེག་ཉམས་པར་གྱུར་ཅིག་ཅེས་འཆག་ན་ཉེས་བྱས་སོ། །ཁུ་ཚན་དང་ཤིང་ལ་སོགས་པ་ལ་ཡང་ངོ་། །འཆག་པའི་བསམ་པས་ཡིན་ན་ལྟུང་བ་མེད་དོ། །ཉ་ལྕིབས་ཆུ
iiif viewer powered by OpenSeadragon
