| e-texts navigator |
| Wylie |
203b1 ས་བོན་གྱི་ས་བོན་གྱིས་འགས་པའི་ས་བོན་ལ་ཡང་དེ་བཞིན་སྦྱར་རོ།། །།དགེ་སློང་མའི་འདུལ་བ་རྣམ་པར་འབྱེད་པ། བམ་པོ་བཅུ་བདུན་པ། བར་སྡོམ་ལ། རྩ་བའི་ས་བོན་ལྔ་དག་དང་། །ལྗོན་ཤིང་རྩཝ་གཅོད་དེ་བཞིན་དུ། །འཆག་དང་རྩཝ་རྒྱུན་ཉ
203b2 ལྕིབས་དང་། །ཆུ་དྲེགས་མེ་ཏོག་རྒྱས་པའོ། །དགེ་སློང་མས་ས་བོན་རྣམས་ཉམས་པར་གྱུར་ཅིག་སྙམ་པའི་བསམ་པས། ས་བོན་གྱི་རིགས་ལྔ་གཏུན་སྐྱུར་བླུགས་ནས་གཏུན་མགོས་རྡུང་ཞིང་ས་བོན་ཉམས་པར་གྱུར་ཅིག་།རྣམ་པར་ཉམས་པར་གྱུར
203b3 ཅིག་ཅེས་དྲག་ཏུ་བརྡུངས་པ་ལས་ས་བོན་ཉམས་ན་ལྟུང་བྱེད་དུ་འགྱུར་རོ། །ས་བོན་མ་ཉམས་ཤིང་ས་བོན་རྣམ་པར་མ་ཉམས་ན་ཉེས་བྱས་སུ་འགྱུར་རོ། །དེ་བཞིན་དུ་མེ་དང་། ཐབ་དང་། ཞུགས་ལིང་དང་། སླ་ང་དང་། མེ་ཐབ་དང་།
203b4 མེ་དོང་དང་། མེ་དོང་ཆེན་པོ་དང་། ས་དང་། ཐུག་པ་དང་། ཁུ་ཚན་དང་། འབྲས་ཁུར་ལྡུགས་པ་དང་། དེ་བཞིན་དུ་ས་བོན་ཉམས་པར་གྱུར་ཅིག་།རབ་ཏུ་ཉམས་པར་གྱུར་ཅིག་ཅེས་མཚོ་ཆེན་པོ་དང་། འབབ་ཆུ་ཆེན་པོ་དང་ཞེས་བྱ་བ་ནས
203b5 ཆུ་ཉུང་ངུ་དང་། ལྕི་བ་དང་། ཚ་རྒོད་དང་། འགྱུར་བྱེད་དང་། ས་དང་ལྷན་ཅིག་བསྲེས་པ་ལས་དེ་ཡང་ཉམས་ན་ལྟུང་བྱེད་དོ། །མ་ཉམས་ན་ཉེས་བྱས་སོ་ཞེས་བྱ་བའི་བར་རོ། །དགེ་སློང་མས་སྦྱོར་བ་གཅིག་གིས་ཤིང་ལྗོན་པ་གཅིག་གཅོད་དམ
203b6 གཅོད་དུ་འཇུག་ན་ཉེས་བྱས་གཅིག་དང་། ལྟུང་བྱེད་གཅིག་གོ། །དེ་བཞིན་དུ་སྦྱོར་བ་གཉིས་ཀྱིས་ཤིང་ལྗོན་པ་གཅིག་གཅོད་ན་དེ་ལ་ཉེས་བྱས་གཉིས་དང་། ལྟུང་བྱེད་གཅིག་གོ། །དེ་བཞིན་དུ་སྦྱོར་བ་མང་པོས་ཤིང་ལྗོན་པ
203b7 གཅིག་གཅོད་ན་དེ་ལ་ཉེས་བྱས་མང་པོ་དང་། ལྟུང་བྱེད་གཅིག་གོ། །དགེ་སློང་མས་སྦྱོར་བ་གཅིག་གིས་ཤིང་ལྗོན་པ་གཉིས་གཅོད་ན་དེ་ལ་ཉེས་བྱས་གཅིག་དང་། ལྟུང་བྱེད་གཉིས་སོ། །དེ་བཞིན་དུ་སྦྱོར་བ་གཉིས་ཀྱིས་ཤིང
203b8 ལྗོན་པ་གཉིས་གཅོད་ན་དེ་ལ་ཉེས་བྱས་གཉིས་དང་། ལྟུང་བྱེད་གཉིས་སོ། །དགེ་སློང་མས་སྦྱོར་བ་མང་པོས་ཤིང་ལྗོན་པ་གཉིས་གཅོད་ན་དེ་ལ་ཉེས་བྱས་མང་པོ་དང་། ལྟུང་བྱེད་གཉིས་སོ། །དགེ་སློང་མས་སྦྱོར་བ་གཅིག
iiif viewer powered by OpenSeadragon
