| e-texts navigator |
| Wylie |
201b1 ས་བོན་དུ་འགྱུར་བ་གང་ཡིན་པ་འདི་ནི་སྡོང་བུའི་ས་བོན་ཞེས་བྱའོ། །ཐོར་ཏོའི་ས་བོན་གང་ཞེ་ན། བུ་རམ་ཤིང་དང་། འདམ་བུ་དང་། སྨྱིག་མ་དང་། རྒྱ་མཚོ་བ་དང་རྩཝ་ཀ་ཤ་དང་གཞན་ཡང་དེ་ལྟ་བུའི་ཐོར་ཏོ་སྟེ་ཐོར་ཏོ་ཉིད་ས་བོན་དུ་འགྱུར་བ
201b2 གང་ཡིན་པ་ནི་ཐོར་ཏོའི་ས་བོན་ཞེས་བྱའོ། །འགས་པའི་ས་བོན་གང་ཞེ་ན། ཨརྫ་ཀ་དང་། སརྫ་ཀ་དང་། སེ་ཡབ་དང་། རྩཝ་མཁྲིས་དང་། བྷུ་དྲི་ན་ཀ་དང་། གཞན་ཡང་དེ་ལྟ་བུ་འགས་ཤིང་ས་བོན་དུ་འགྱུར་བ་གང་ཡིན་པ་འདི་ནི
201b3 འགས་པའི་ས་བོན་ཞེས་བྱའོ། །ས་བོན་གྱི་ས་བོན་གང་ཞེ་ན་ནས་དང་གྲོ་དང་། ས་ལུ་དང་། མོན་སྲན་སྡེའུ་ལ་སོགས་པ་དང་། གཞན་ཡང་ས་བོན་གྱི་ས་བོན་དུ་འགྱུར་བ་གང་ཡིན་པ་འདི་ནི་ས་བོན་གྱི་ས་བོན་ཞེས་བྱ་སྟེ་ལྔ་པ་ཉིད་ཡིན་ནོ། །
201b4 འབྱུང་པོའི་གནས་ཤེས་བྱ་བ་ལ་འབྱུང་པོའི་ཞེས་བྱ་བ་ནི་སྦྲུལ་དང་། སྡིག་སྦྲུལ་དང་། ཏྲཻ་མ་བུ་ཀ་དང་། ཏྲཻ་ལ་ཏ་དང་། སྲིན་བུ་དང་། ཕྱེ་མ་ལེབ་དང་། ཏིལ་གྱི་ཕུབ་མ་ཟ་བ་སྟེ། དེ་དག་གི་ཤིང་གང་ཡིན་པ་ནི་འབྱུང་པོའི་གནས་ཤེས་བྱའོ། །
201b5 གཅོད་དམ་ཞེས་བྱ་བ་ནི་རང་གིས་སོ། །གཅོད་དུ་འཇུག་ན་ཞེས་བྱ་བ་ནི་གཞན་ནོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་རྩ་བའི་ས་བོན་ལ་རྩ་བའི་ས་བོན་དུ་འདུ་ཤེས་ཤིང་སྔོན་པོ་ལ་སྔོན་པོར
201b6 འདུ་ཤེས་ནས་གཅོད་དམ་གཅོད་དུ་འཇུག་ན་ལྟུང་བྱེད་དོ། །དགེ་སློང་མས་རྩ་བའི་ས་བོན་ལ་རྩ་བའི་ས་བོན་དུ་འདུ་ཤེས་ཤིང་སྔོན་པོ་ལ་ཡིད་གཉིས་ཟ་ན་ལྟུང་བྱེད་དོ། །དགེ་སློང་མས་རྩ་བའི་ས་བོན་ལ་རྩ་བའི་ས་བོན་དུ་འདུ་ཤེས་ཤིང
201b7 སྐམ་པོ་ལ་རློན་པར་འདུ་ཤེས་ན་ཉེས་བྱས་སོ། །དགེ་སློང་མས་རྩ་བའི་ས་བོན་ལ་རྩ་བའི་ས་བོན་དུ་འདུ་ཤེས་ཤིང་སྐམ་པོ་ལ་ཡིད་གཉིས་ཟ་ན་ཉེས་བྱས་སོ། །དགེ་སློང་མས་སྡོང་བུའི་ས་བོན་ལ་སྡོང་བུའི་ས་བོན་དུ་འདུ་ཤེས་ཤིང་སྔོན
201b8 པོ་ལ་སྔོན་པོར་འདུ་ཤེས་ནས་གཅོད་དམ། གཅོད་དུ་འཇུག་ན་ལྟུང་བྱེད་དོ། །དེ་བཞིན་དུ་ཡིད་གཉིས་ཟ་ན་ལྟུང་བྱེད་དོ། །དགེ་སློང་མས་སྡོང་བུའི་ས་བོན་ལ་སྡོང་བུའི་ས་བོན་དུ་འདུ་ཤེས་ཤིང་སྐམ་པོ་ལ་སྔོན་པོར་འདུ་ཤེས་ན་ཉེས་བྱས
iiif viewer powered by OpenSeadragon
