| e-texts navigator |
| Wylie |
195a1 དགེ་བ་ཕུན་སུམ་ཚོགས་པར་བྱའོ་ཞེས་སྨྲ་བ་སྟེ། འདི་ནི་ཚིག་ལྷག་པ་ཞེས་བྱའོ། །ཡི་གེ་མཉམ་པ་ཞེས་བྱ་བ་ནི་ཇི་སྲིད་དུ་ཨ་ཞེས་སྨྲས་པ་དེ་སྲིད་དུ་དེ་ཡང་ཨ་ཞེས་སྨྲ་བ་སྟེ། འདི་ནི་ཡི་གེ་མཉམ་པ་ཞེས་བྱའོ། །ཡི་གེ་ལྷག་པ་ཞེས
195a2 བྱ་བ་ནི་ཇི་སྲིད་དུ་ཨ་ཞེས་མ་སྨྲས་པ་དེ་སྲིད་དུ་དེ་ཡང་ཨ་ཞེས་སྨྲ་བའོ། །ཆོས་འདོན་དུ་འཇུག་ན་ཞེས་བྱ་བ་ནི་སངས་རྒྱས་ཀྱིས་གསུངས་པ་འམ། ཉན་ཐོས་ཀྱིས་སྨྲས་པའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར
195a3 ཞེ་ན། དགེ་སློང་མས་ཇི་ཙམ་ཅུང་ཟད་གང་ཟག་བསྙེན་པར་མ་རྫོགས་པ་ལ་ཁ་བསྟམས་ཏེ་ཆོས་འདོན་དུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ། །གལ་ཏེ་ལྡབ་ལྡིབ་ཅན་དང་། སྨྲ་མྱུར་བ་དང་། དྲན་པར་བྱ་བ་དང་།
195a4 འདྲི་བ་གསོལ་བ་ལ་སྦྱིན་པ་ལ་ལྟུང་བ་མེད་དོ། །ལྟུང་བྱེད་དྲུག་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །ཉོན་མོངས་པ་རྣམས་མ་སྤངས་པའི་ཕྱིར་དང་། མི་ཤེས་པའི་ཕྱིར་ལྟུང་བ་དག་འབྱུང་ཞིང་སྔོན
195a5 གྱི་ལྟུང་བ་དག་འཆགས་པར་བྱེད་པས་དེ་རྣམས་བཀུར་སྟི་བྱ་བ་སྤྱོད་དེ། དེ་རྣམས་ནང་པར་སྔར་ལངས་ཤིང་སངས་རྒྱས་དང་། ཆོས་དང་། དགེ་འདུན་ལ་བསྙེན་བཀུར་བྱེད། ཆག་ཆག་དང་། ཕྱག་དར་དང་། ཕྱི་བདར་བྱེད་དོ། །
195a6 བཅུ་གཉིས་སྡེ་དེ་དག་ནི་སེམས་ལས་ཆུང་ངུར་འདུག་ཅིང་འཁོད་དོ། །དེར་ཡང་ཁྱིམ་བདག་ལྷགས་ཏེ་དེ་རྣམས་ཀྱིས་དེ་དག་མཐོང་ནས་འདི་སྙམ་དུ་དགེ་སློང་མ་རྒན་མོ་འདི་དག་ནི་རིན་པོ་ཆེ་ཤེས་ཤིང་རིན་པོ་ཆེ་གསོག་པར་བྱེད
195a7 དོ། །བཅུ་གཉིས་སྡེ་འདི་དག་ནི་རིན་པོ་ཆེ་མི་ཤེས་ཤིང་རིན་པོ་ཆེ། སོགས་པར་མི་བྱེད་དོ་སྙམ་སེམས་སོ། །དེ་ནས་བཅུ་གཉིས་སྡེ་དག་གིས་ཁྱིམ་བདག་ལས་ཐོས་ནས་འདི་སྐད་ཅེས་སྨྲས་སོ། །ཁྱོད་འདི་ལྟ་བུ་རིན་པོ་ཆེ་སོགས
195a8 ཤིག་། དེ་དག་གིས་འདི་སྐད་ཅེས་སྨྲས་སོ། །ཅིའི་ཕྱིར་འདི་དག་སངས་རྒྱས་དང་། ཆོས་དང་། དགེ་འདུན་ལ་སོགས་པ་ལ་མཆོད་པའི་དོན་དུ་བརྩོན་པར་བྱེད། དེ་དག་གིས་འདི་སྐད་ཅེས་སྨྲས་སོ། །ལྟུང་བ་འདི་དང་འདི་དག
iiif viewer powered by OpenSeadragon
