| e-texts navigator |
| Wylie |
191a1 དེ་བཞིན་དུ་རྗེའུ་རིགས་ལས་རབ་ཏུ་བྱུང་བ་ལ་ཞེས་བྱ་བ་ནས། ལྟུང་བྱེད་དོ་ཞེས་བྱ་བའི་བར་རོ། །དེ་བཞིན་དུ་དམངས་རིགས་ལས་རབ་ཏུ་བྱུང་བ་ལ་ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་སྟེ། དེ་ལྟར་བར་སྡོམ་དེ་ཇི་ལྟར་གོང་དུ
191a2 བཤད་པ་བཞིན་དུ་རྒྱས་པར་བརྗོད་པར་བྱའོ། །དེ་ལ་སྐུད་རིས་མཁན་དང་བཟང་མཁན་དང་། །ལྕགས་མགར་དང་ནི་ལྷམ་མཁན་དང་། །རྫ་མཁན་འདྲེག་མཁན་ཤིང་མཁན་དང་། །སྨིག་མ་མཁན་དང་བྲན་མོའོ། །འདི་ནི་བཟོ་ཞེས་བྱ་བ་ཡིན
191a3 ནོ། །དགེ་སློང་མས་བྲམ་ཟེ་ལས་རབ་ཏུ་བྱུང་བའི་དགེ་སློང་མའི་དྲུང་དུ་སོང་སྟེ་འདི་སྐད་ཅེས། འཕགས་མ་ཁྱོད་ལ་དགེ་སློང་མ་ཆེ་གེ་མོ་ཞིག་འདི་སྐད་ཅེས་ཁྱོད་ལ་དགེ་སྦྱོང་གི་ཚུལ་དང་། ཚངས་པའི་ཚུལ་གྱི་ཅི་ཞིག་བྱ། ཁྱོད་ནི་བྲམ
191a4 ཟེ་ལས་རབ་ཏུ་བྱུང་བ་ཡིན་པས་ཁྱོད་ཀྱིས་རང་གི་གཞུང་ལུགས་ཀྱི་ལས་བྱ་དགོས་སོ་ཞེས་ཟེར་རོ་ཞེས་སྨྲ་ཤིང་། ལས་སྒྲོགས་པར་བྱེད་ན་ཉེས་བྱས་སོ། །དེ་བཞིན་དུ་རྒྱལ་རིགས་ལས་རབ་ཏུ་བྱུང་བ་ལ་ཞེས་བྱ་བ་ནས
191a5 ཉེས་བྱས་སོ་ཞེས་བྱ་བའི་བར་རོ། །དེ་བཞིན་དུ་རྗེའུ་རིགས་ལས་རབ་ཏུ་བྱུང་བ་ལ་ཞེས་བྱ་བ་ནས། ལྟུང་བྱེད་དོ་ཞེས་བྱ་བའི་བར་རོ། །དེ་བཞིན་དུ་དམངས་རིགས་ལས་རབ་ཏུ་བྱུང་བ་ལ་ཞེས་བྱ་བ་ནས། ལྟུང་བྱེད་དོ་ཞེས་བྱ་བའི
191a6 བར་ཏེ། ཇི་ལྟར་གོང་དུ་བཤད་པ་བཞིན་བར་སྡོམ་དེ་རྒྱས་པར་བྱའོ། །རིགས་དང་བཟོ་དང་ལས་དང་ནི། །རྟགས་དང་ནད་ནི་ལྔ་པ་ཡིན། །ལྟུང་བ་དང་ནི་ཉེ་ཉོན་མོངས། །སྤྱོ་བར་བྱེད་པ་ཐ་མ་ཡིན། །ལྟུང་བྱེད་གསུམ་པ་རྫོགས
191a7 སྷོ། ། །། གླེང་གཞི་ནི་མཉན་ཡོད་ནའོ། །དེའི་ཚེ་བཅུ་གཉིས་སྡེ་རྣམས་ཀྱི་རྩོད་པ་ཉེ་བར་ཞི་བར་བྱས་པ་རྣམས་རྩོད་པ་འདི་ནི་ཤད་ཀྱིས་མ་བྱང་སྟེ། ཡང་ཤད་ཀྱིས་སྦྱངས་པར་བྱའོ། །རྩོད་པ་འདི་ནི་ངེས་པར་མ་བརྟགས་ཏེ་ཡང
191a8 ངེས་པར་བརྟག་པར་བྱའོ། །རྩོད་པ་འདི་ནི་ལེགས་པར་གཏན་ལ་མ་ཕབ་སྟེ་ཡང་ལེགས་པར་གཏན་ལ་དབབ་པར་བྱའོ། །རྩོད་པ་འདི་ནི་ཉེ་བར་ཞི་བར་བྱས་སྟེ་ཡང་ཉེ་བར་ཞི་བར་བྱའོ་ཞེས་ཡང་དང་ཡང་དུ་སྐྱོ་སྔོག་བྱེད་དོ་དེ་ནས་དགེ་སློང་མ་དེ་རྣམས་ཐབ་མོ་དང་། མཚང་འབྲུ་བ
iiif viewer powered by OpenSeadragon
