| e-texts navigator |
| Wylie |
190b1 སྐྱེས་ཏེ་རོ་འདི་ནི། །བསད་ནས་བདེ་བས་དགའ་བར་བྱེད། །དགེ་སློང་མ་དག་རེ་ཤིག་དུད་འགྲོའི་སྐྱེ་གནས་སུ་སོང་བའི་སྲོག་ཆགས་དེ་དག་ཀྱང་གཅིག་ལ་གཅིག་ཕྲ་མས་ཀུན་ཏུ་སྤྱད་པ་ན། སྡུག་བསྔལ་དང་ཡིད་མི་བདེ་བ་མང་པོ
190b2 གནས་པར་བྱེད་ན། བུད་མེད་ལྷག་པར་ཁྲོ་བ་ལྟ་སྨོས་ཀྱང་ཅི་དགོས། དགེ་སློང་མ་དག་དེ་ལྟ་བས་ན་ཕྲ་མས་ཀུན་དུ་སྤྱད་པར་མི་བྱའོ། །ཀུན་དུ་སྤྱོད་ན་ལྟུང་བྱེད་དོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ
190b3 པ་བཅའ་བའི་བར་དུ་མཛད་དེ། དགེ་སློང་མས་ཕྲ་མ་སྨྲས་ན་ལྟུང་བྱེད་དོ། །ཕྲ་མའི་བསམ་པ་ཅན་གྱི་གང་ཞེས་བྱ་བ་ནས་ངག་དང་། ཚིག་དང་ཞེས་བྱ་བའི་བར་སྔ་མ་བཞིན་ནོ། །ལྟུང་བྱེད་དོ་ཞེས་བྱ་བ་ནི་ལྟུང་བར་བྱེད་ཅེས་བྱ་བའི་བར
190b4 སྔ་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་བྲམ་ཟེ་ལས་རབ་ཏུ་བྱུང་བའི་དྲུང་དུ་སོང་སྟེ་འདི་སྐད་ཅེས་འཕགས་མ་ཁྱོད་ལ་དགེ་སློང་མ་ཆེ་གེ་མོ་ཞིག་འདི་སྐད་ཅེས་ཁྱོད་ལ་དགེ་སྦྱོང་གི་ཚུལ་དང་། ཚངས་པའི་ཚུལ་གྱིས
190b5 ཅི་ཞིག་བྱ། ཁྱོད་ནི་བྲམ་ཟེ་ལས་རབ་ཏུ་བྱུང་བ་ཡིན་ནོ་ཞེས་ཟེར་རོ། །ཞེས་སྨྲ་ཞིང་རིགས་སྒྲོགས་པར་བྱེད་ན་ཉེས་བྱས་སོ། །རུས་སྒྲོགས་པར་བྱེད་ན་ཡང་ཉེས་བྱས་སོ། །དེ་བཞིན་དུ་རྒྱལ་རིགས་ལས་རབ་ཏུ་བྱུང་བ་ཞེས་བྱ་བ་ནས།
190b6 ཉེས་བྱས་སོ་ཞེས་བྱ་བའི་བར་རོ། །དེ་བཞིན་དུ་རྗེའུ་རིགས་ལས་རབ་ཏུ་བྱུང་བ་ཞེས་བྱ་བ་ནས། ལྟུང་བྱེད་དོ་ཞེས་བྱ་བའི་བར་རོ། །དེ་བཞིན་དུ་དམངས་རིགས་ལས་རབ་ཏུ་བྱུང་བ་ལ་ཞེས་བྱ་བ་ནས། ལྟུང་བྱེད་དོ་ཞེས་བྱ་བའི་བར་ཏེ། འདི་ནི་རིགས
190b7 ཤེས་བྱ་བ་ཡིན་ནོ། །དགེ་སློང་མས་བྲམ་ཟེ་ལས་རབ་ཏུ་བྱུང་བའི་དྲུང་དུ་སོང་སྟེ་འདི་སྐད་ཅེས་འཕགས་མ་ཁྱོད་ལ་དགེ་སློང་མ་ཆེ་གེ་མོ་ཞིག་འདི་སྐད་ཅེས་ཁྱོད་ལ་དགེ་སྦྱོང་གི་ཚུལ་དང་། ཚངས་པའི་ཚུལ་གྱིས་ཅི་ཞིག་བྱ། ཁྱོད་ནི་བྲམ་ཟེ
190b8 ལས་རབ་ཏུ་བྱུང་བ་ཡིན་པས་ཁྱོད་ནི་རང་གི་གཞུང་ལུགས་ལ་བསླབ་དགོས་སོ་ཞེས་ཟེར་རོ་ཞེས་སྨྲ་ཞིང་བཟོ་སྒྲོགས་པར་བྱེད་ན་ཉེས་བྱས་སོ། །དེ་བཞིན་དུ་རྒྱལ་རིགས་ལས་རབ་ཏུ་བྱུང་བ་ལ་ཞེས་བྱ་བ་ནས། ཉེས་བྱས་སོ་ཞེས་བྱ་བའི་བར་རོ། །
iiif viewer powered by OpenSeadragon
