| e-texts navigator |
| Wylie |
190a1 གིས་གཅིག་སྲོག་དང་ཕྲལ་ལོ་ཞེས་བྱ་བའི་བར་རོ། །ཇི་ཙམ་ན་ལྷས་ཚིགས་སུ་བཅད་དེ་སྨྲས་པ། སྐྱེ་བོ་སྡིག་ཅན་འགྲོགས་པ་ལས། །མི་ཡིས་བཟང་པོ་མཐོང་མི་འགྱུར། །སེང་གེ་ཁྱུ་མཆོག་མཛའ་བ་ལས། །ཝ་ཡིས་ཐ་དད
190a2 ཕྱེ་ལ་ལྟོས། །དགེ་སློང་མ་དག་རེ་ཤིག་དུད་འགྲོའི་སྐྱེ་གནས་སུ་སོང་བའི་སྲོག་ཆགས་དེ་དག་ཀྱང་ཕྲ་མས་ཀུན་དུ་སྤྱད་པ་ན་ཇི་ཙམ་ན་གཅིག་ལ་གཅིག་བསོད་པར་བྱེད་ན་བུད་མེད་ལྷག་པར་ཁྲོ་བ་ལྟ་སྨོས་ཀྱང་ཅི་དགོས་ཤེས་སྔོན་གྱི་སྦྱོར་བ་འདི
190a3 རྒྱས་པར་བརྗོད་པར་བྱའོ། །གཞན་ཡང་སྔོན་གྱི་སྦྱོར་བ་ནི་དགེ་སློང་མ་དག་སྔོན་བྱུང་བ་སེང་གེ་ཕྲུ་གུ་བཙས་ནས་རིང་པོ་མ་ལོན་པ་ཞིག་མ་སྤྱོད་ཡུལ་དུ་སོང་བ་དང་ལྟོགས་ཤིང་འཕྱན་པ་ན། དེ་དང་ཧ་ཅང་ཡང་མི་རིང་བ་ཞིག་ན་སྟག་མོ་ཞིག
190a4 འབྲངས་སོ། །དེ་འཕྱན་པ་ན་སྟག་མོ་ཞིག་དང་ཕྲད་ནས་ནུ་མ་བསྣུན་པར་བརྩམས་སོ་ཞེས་བྱ་བ་ནས། གནས་གཅིག་ཏུ་འཁོད་དོ་ཞེས་བྱ་བའི་བར་རོ། །དེ་ལ་ཡང་སེང་གེའི་མིང་ནི་མཆེ་བཟངས་ཞེས་བྱའོ། །སྟག་གི་མིང་ནི་དཔུངས
190a5 བཟངས་ཞེས་བྱའོ་ཞེས་བྱ་བ་ནས། དེ་གཉིས་ལ་ཡང་ཝ་ཞིག་གིས་དབྱེན་བྱ་བར་བརྩམས་སོ་ཞེས་བྱ་བའི་བར་རོ། །ཇི་ཙམ་ན་སེང་གེས་ཚིགས་སུ་བཅད་དེ་སྨྲས་པ། ཆུ་ཞེང་ཕུན་སུམ་ཚོགས་པ་དང་། །རྩལ
190a6 དང་ཤུགས་དང་ལྡན་པ་ཡི། །མཆེ་བཟངས་ལ་ནི་རྒོལ་བྱེད་པ། །དཔུང་བཟངས་དེ་ནི་ལེགས་པ་མིན། །དཔུངས་བཟངས་ཀྱིས་སྨྲས་པ། ཆུ་ཞེང་ཕུན་སུམ་ཚོགས་པ་དང་། །རྩལ་དང་ཤུགས་སུ་ལྡན་པ་ཡི། །དཔུང
190a7 བཟངས་ལ་ནི་རྒོལ་བྱེད་པ། །མཆེ་བཟངས་དེ་ནི་ལེགས་པ་མིན། །དེ་གཉིས་ཀྱིས་གཅིག་ལ་གཅིག་དྲིས་ནས་ཞེས་བྱ་བ་ནས་ཝ་བསད་དོ་ཞེས་བྱ་བའི་བར་རོ། །ཇི་ཙམ་ན་ལྷས་ཚིགས་སུ་བཅད་དེ་སྨྲས་པ། གཞན་གྱི་ཚིག་གིས་གྲོགས
190a8 པོ་མི་སྤང་སྟེ། །གཞན་གྱིས་སྨྲས་པ་དག་ནི་བརྟག་པར་བྱ། །དབྱེ་བར་འདོད་པ་རྣམས་ནི་གླགས་ཚོལ་བྱེད། །དེ་བས་སྐྱེ་བོ་ཕྲ་མ་ཡིད་མ་རྟོན། །གྲོགས་པོ་འབྱེད་པའི་ཕྲ་མ་ཅན། །བརྫུན་དུ་སྨྲ་བའི་ཝ་སྐྱེས་པོ། །གྲོང་རྒྱུན
iiif viewer powered by OpenSeadragon
