| e-texts navigator |
| Wylie |
189a1 སྟ་རེ་དང་། སོག་ལེ་དང་། སོག་ཆུང་དང་། གསོར་བུ་དང་ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་རོ། །དེ་བཞིན་དུ་སྨྱུག་མཁན་ལས་རབ་ཏུ་བྱུང་བ་ལ་སྨྱུག་མ་དང་། སྐུད་པ་དང་། གཤེག་གྲི་དང་། ཚོན་རྩི་དང་། ལྷང་ཚེར་དང་ཞེས
189a2 བྱ་བ་ནས་ལྟུང་བྱེད་དོ་ཞེས་བྱ་བའི་བར་རོ། །དེ་བཞིན་དུ་བྲན་མོའི་རིགས་ལས་རབ་ཏུ་བྱུང་བ་ལ་ཐག་པ་དང་། བུམ་པ་དང་། འབྲུ་མར་དང་། བསྐུ་མཉེ་དང་། ཁྲུས་དང་ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་ཏེ། འདི་ནི་ལས་ཤེས་བྱ་བ་ཡིན་ནོ། །
189a3 དགེ་སློང་མས་དགེ་སློང་མའི་དྲུང་དུ་སོང་སྟེ་འདི་སྐད་ཅེས། ཐེང་མོ་ཞེས་སྨྲས་ན་ལྟུང་བྱེད་དོ། །སྒུར་མོ་དང་། མི་ཐུང་མོ་དང་། རྐང་ཞ་མོ་དང་། ལྦ་བ་ཅན་མོ་དང་། ལྐུག་མ་དང་། ཐེང་མོ་དང་། འོན་མ་དང་། རྟེན་འཕྱེ་མོ་དང་། རྐང་བམ་མོ་ཞེས
189a4 སྨྲས་ན་ཐམས་ཅད་དུ་ལྟུང་བྱེད་དུ་འགྱུར་ཏེ། འདི་ནི་རྟགས་ཞེས་བྱ་བ་ཡིན་ནོ། །དགེ་སློང་མས་དགེ་སློང་མའི་དྲུང་དུ་སོང་སྟེ་འདི་སྐད་ཅེས། མཛེ་ཅན་མ་ཞེས་སྨྲས་ན་ལྟུང་བྱེད་དོ། །ཤུ་བ་དང་། འབྲུམ་བུ་ཕྲ་མོ་དང་། ངལ་རྐྱེན་པ་དང་། གཡའ་བ་དང་།
189a5 ཁྱི་རྔོ་དང་། གཡན་པ་དང་ཤུ་ཆག་བ་གཡའ་བ་དང་། རྐང་ཤུ་དང་། སྐྱིགས་བུ་དང་། སྐྱུག་བྲོ་བ་དང་། རིམས་དང་། ཁོང་སྐེམ་དང་། ལུ་བ་དང་། དབུག་མི་བདེ་བ་དང་། ཁ་སྐམ་པ་དང་། བརྗེད་བྱེད་དང་། བཀྲེས་ངབ་དང་། སྐྱ་རྦབ་ཆག་དང་། སྐྲན་དང་།
189a6 ཁྲག་ནད་དང་། མཁྲིས་ནད་དང་། མཚན་པར་རྡོལ་མ་ཞེས་དེ་ལ་སོགས་པ་སྨྲས་ན་ཐམས་ཅད་དུ་ལྟུང་བྱེད་དུ་འགྱུར་ཏེ། འདི་ནི་ནད་ལས་ཞེས་བྱ་བ་ཡིན་ནོ། །དགེ་སློང་མས་དགེ་སློང་མའི་དྲུང་དུ་སོང་སྟེ། འདི་སྐད་ཅེས་ཁྱོད་ནི་ཕས་ཕམ་པར་འགྱུར་བ་དང་། དགེ་འདུན
189a7 ལྷག་མ་ཅན་ཡིན་ནོ་ཞེས་སྨྲས་ན་ལྟུང་བྱེད་དོ། །སོ་སོར་བཤགས་པ་དང་། ཉེས་བྱས་ཅན་ཡིན་ནོ་ཞེས་སྨྲས་ན་ཐམས་ཅད་དུ་གཞི་ཇི་ལྟ་བ་བཞིན་དུ་འགྱུར་རོ། །དགེ་སློང་མས་དགེ་སློང་མའི་དྲུང་དུ་སོང་སྟེ། འདི་སྐད་ཅེས་ཁྲོ་བ་དང་། ཁོན་དུ་འཛིན་པ་དང་། འཆབ
189a8 པ་དང་། འཚིག་པ་དང་། ཕྲག་དོག་དང་། སེར་སྣ་དང་། གཡོ་དང་། སྒྱུ་མཁན་མ་ཞེས་སྨྲས་ན་ཐམས་ཅད་དུ་ལྟུང་བྱེད་དུ་འགྱུར་ཏེ། འདི་ནི་ཉེ་བའི་ཉོན་མོངས་པ་ཞེས་བྱ་བ་ཡིན་ནོ། །དགེ་སློང་མས་དགེ་སློང་མའི་དྲུང་དུ་སོང་སྟེ། སྤྱོ་བ་ན་རྒྱ་ཞེས་བྱ་བ་དང་།
iiif viewer powered by OpenSeadragon
