| e-texts navigator |
| Wylie |
188b1 བ་ཉིད་དུ་གྱུར་ཀྱང་རུང་མ་གྱུར་ཀྱང་རུང་ལྟུང་བྱེད་དོ། །དེ་བཞིན་དུ་རྗེའུ་རིགས་ལས་རབ་ཏུ་བྱུང་བ་ལ་ཞེས་བྱ་བ་ནས་ཡི་གེ་དང་། རྩིས་དང་། ཞེས་བྱ་བ་ནས་ལྟུང་བྱེད་དོ། །ཞེས་བྱ་བའི་བར་རོ། །དེ་བཞིན་དུ་དམངས་རིགས
188b2 ལས་རབ་ཏུ་བྱུང་བ་ལ་ཞེས་བྱ་བ་ནས་སེལ་བ་དང་། རྨེལ་བ་དང་། འཁལ་བ་ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་རོ། །དེ་བཞིན་དུ་ཐ་ག་པ་ལས་རབ་ཏུ་བྱུང་བ་ལ་ཞེས་བྱ་བ་ནས། འདི་ལྟ་སྟེ།
188b3 ཐགས་བཟང་དང་། སོན་མ་དང་། དྲུ་བུ་དང་། སྣས་དང་། སྣས་གྲི་དང་། སྐུད་པ་དང་། འབྲས་ཐུག་ཏུ་གཞུག་པ་དང་། བརྒྱང་ཐག་གི་ལས་བྱ་དགོས་སོ་ཞེས་སྨྲས་ན་ལྟུང་བྱེད་དོ། །ཞེས་བྱ་བའི་བར་རོ། །
188b4 དེ་བཞིན་དུ་སྐུད་རིས་མཁན་ལས་རབ་ཏུ་བྱུང་བ་ལ་རྒྱང་ཤིང་དང་། ཐགས་བཟངས་དང་། སྤུན་གྱི་སྨྱིག་མ་དང་། སོ་མངས་དང་ཞེས་བྱ་བ་ནས་ལྟུང་བྱེད་དོ། །ཞེས་བྱ་བའི་བར་རོ། །དེ་བཞིན་དུ་བཟང་མཁན
188b5 ལས་རབ་ཏུ་བྱུང་བ་ལ་དྲ་གྲི་དང་། ཁབ་དང་། ལྕིབ་མོ་དང་། འཐེབ་ལྕིབ་དང་། ཞེས་བྱ་བ་ནས། ལྟུང་བྱེད་དོ། །ཞེས་བྱ་བའི་བར་རོ། །དེ་བཞིན་དུ་མགར་བ་ལས་རབ་ཏུ་བྱུང་བ་ལ་སྦུད་རུ་དང་།
188b6 སོ་མལ་དང་། གྲི་དང་། ཐེའུ་དང་། ཐོ་ཆེན་དང་། སྦུད་པ་དང་། སྐམ་པ་དང་ཞེས་བྱ་བ་ནས་ལྟུང་བྱེད་དོ་ཞེས་བྱ་བའི་བར་རོ། །དེ་བཞིན་དུ་རྫ་མཁན་ལས་རབ་ཏུ་བྱུང་བ་ལ་འཁོར་ལོ་དང་། དབྱུག་གུ་དང་། འཁོར་ལོའི
188b7 རྟེན་མ་དང་། གཞག་པ་དང་། དྲ་བའི་ཐེ་གུ་དང་། ཆུ་སྣོད་དང་ཞེས་བྱ་བ་ནས། ལྟུང་བྱེད་དོ། །ཞེས་བྱ་བའི་བར་རོ། །དེ་བཞིན་དུ་འདྲེག་མཁན་ལས་རབ་ཏུ་བྱུང་བ་ལ་ཆན་པ་དང་། སྤུ་གྲི་དང་།
188b8 སྨད་ཚེར་དང་། སེན་མོ་བྲེག་པ་དང་། གདར་དང་ཞེས་བྱ་བ་ནས། ལྟུང་བྱེད་དོ། །ཞེས་བྱ་བའི་བར་རོ། །དེ་བཞིན་དུ་ཤིང་མཁན་ལས་རབ་ཏུ་བྱུང་བ་ལ་སྟེའུ་དང་། གཞི་དང་། གཟོང་དང་།
iiif viewer powered by OpenSeadragon
