| e-texts navigator |
| Wylie |
180b1 སྨྲས་སོ། །ལྷའི་ཕམ་ཕབས་སུ་མི་འཚལ། དེ་ནས་ཆོས་སྦྱིན་གྱི་སེང་རས་གཙུག་དགའ་མོ་ལ་བྱིན་ནོ། །དེས་དེ་བགོས་ནས་སྲང་དུ་ཞུགས་ན་དེའི་ལུས་གཡོགས་ཀྱང་སྒྲེན་མོ་འདྲ་བར་སྣང་ངོ་། །དེ་ནས་བྲམ
180b2 ཟེ་དང་། ཁྱིམ་བདག་རྣམས་ཀྱིས་གཙུག་དགའ་མོ་རྒྱང་རིང་པོ་ཁོ་ན་ནས་འོང་བ་མཐོང་ནས་འདི་སྐད་ཅེས་སྨྲས་སོ། །ཕ་བི་སུ་ཞིག་ཡིན། ནོར་ཅན་གྱི་འམ། ཚོང་དཔོན་གྱི་འམ། དེད་དཔོན་གྱི་བུ་མོ་ཞིག་འོངས་པར་གྱུར་ཏམ། གཞན་དག
180b3 གིས་འདི་སྐད་ཅེས་སྨྲས་སོ། །དགེ་སློང་མ་གཙུག་དགའ་མོ་ཡིན་ནོ། །དེ་རྣམས་ཀྱིས་བལྟས་ནས་འདི་སྐད་ཅེས་སྨྲས་སོ། །འདི་ལྟ་སྟེ། སེང་རས་གྱོན་པ་འདི་ནི་དགེ་སློང་མ་རྣམས་ལ་མཛེས་པ་མ་ཡིན་ནོ་ཞེས་སྨོད་པར་བྱེད། ཕྱར་ཀ
180b4 གཏོང་བར་བྱེད། ཁ་ཟེར་བར་བྱེད་པ་ན་དོན་ཉུང་བའི་དགེ་སློང་མ་རྣམས་སྨོད་པར་བྱེད་པའི་སྐབས་དེ། དགེ་སློང་མ་རྣམས་ཀྱིས་རྒྱས་པར་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ
180b5 ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་ངའི་ཉན་ཐོས་མ་རྣམས་ཀྱིས་རྣམ་པར་ཤེས་པར་འགྱུར་བ་དང་། ངས་བསླབ་པའི་གཞི་ལེགས་པར་བཅས་པར་འགྱུར་བར་བྱ་བའི་ཕྱིར་གཉི་གའི་དགེ་འདུན་བསྡུ་བར་མཛད
180b6 དོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ། མི་མཁྱེན་པ་མ་ཡིན་གྱི་མཁྱེན་བཞིན་དུ་རྨེད་པ་ཡིན་པས་ཞེས་བྱ་བ་ནས། དགེ་སློང་མ་ཁྱོད་ཀྱིས་མཛེས་པ་མ་ཡིན་པ་འདི་ལྟ་བུ་བྱས་པ་བདེན་ནམ་ཞེས་བྱ་བའི
180b7 བར་རོ། །བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་སྨད་པར་མཛད་དེ། དགེ་སློང་མ་དག་བུད་མེད་ནི་ལེགས་པར་སྦས་ཀྱང་མཛེས་པ་མ་ཡིན་ན། མ་སྦས་ན་ལྟ་སྨོས་ཀྱང་ཅི་དགོས་ཞེས་རྣམ་གྲངས་དུ་མར་རྣམ་པར་སྨད་ནས།
180b8 དགེ་སློང་མ་རྣམས་ལ་བཀའ་སྩལ་པ། དགེ་སློང་མ་དག་ངས་ཕན་ཡོན་བཅུ་ཡང་དག་པར་རྗེས་སུ་གཟིགས་ནས་འདུལ་བ་ལ་ཉན་ཐོས་མ་རྣམས་ཀྱིས་བསླབ་པའི་གཞི་བཅའ་བར་མཛད་དེ། འདི་ལྟ་སྟེ། དགེ་འདུན་ཡང་དག
iiif viewer powered by OpenSeadragon
