| e-texts navigator |
| Wylie |
170b1 སྔ་མ་བཞིན་ནོ། །དེ་བཞིན་དུ་གཉི་གའི་དགེ་འདུན་ལ་བསྔོས་པ་དགེ་འདུན་སྡེ་གཅིག་ལ་སྒྱུར་བར་བྱེད་ན་ཡང་སྤང་བའི་ལྟུང་བྱེད་དོ། །དེ་བཞིན་དུ་དགེ་འདུན་སྡེ་གཅིག་ལ་བསྔོས་པ་གཉི་གའི་དགེ་འདུན་ལ་སྒྱུར་བར་བྱེད་ན་ཡང་སྤང་བའི
170b2 ལྟུང་བྱེད་དོ། །དེ་བཞིན་དུ་མཆོད་རྟེན་རྣམས་ཀྱི་མེ་ཏོག་གི་གནས་ནས་བཟུང་སྟེ་བུམ་པའི་བར་མེ་ཏོག་གི་གནས་དང་། སྒོ་ཁང་ལ་སོགས་པ་དང་། དེ་བཞིན་དུ་རིམ་གྲོའི་ཁང་པར་བསྔོས་པ་དྲོད་ཁང་དུ་སྒྱུར་བར
170b3 བྱེད་པ་དང་། དེ་བཞིན་དུ་བསྲོ་ཁང་དང་། དགེ་འདུན་གྱི་ཀུན་དགའ་ར་བ་དང་། ཀ་བ་དང་། གདུང་དང་། ས་ལ་ཡང་བརྗོད་པར་བྱའོ། །ཐ་ན་མུ་ལྟོ་བ་གཅིག་ལ་བསྔོས་པ་གཉིས་པ་ཤོས་ལ་སྒྱུར་བར་བྱེད་ན་ཡང
170b4 ཉེས་བྱས་སོ། །གལ་ཏེ་བཙལ་བ་ལས་མ་རྙེད་དམ་གནང་བ་སྦྱིན་ན་ཉེས་པ་མེད་དོ། །སྤང་བའི་ལྟུང་བྱེད་བཅཝ་བརྒྱད་པ་རྫོགས་སྷོ།། །། དགེ་སློང་མའི་འདུལ་བ་རྣམ་པར་འབྱེད་པ། བམ་པོ་བཅུ་བཞི་པ།
170b5 གླེང་གཞི་ནི་རྒྱལ་པོའི་ཁབ་ནའོ། །གང་གི་ཚེ་བཅོམ་ལྡན་འདས་ཀྱིས་པི་ལིན་དའི་བུའི་ལྷན་ཅིག་གནས་པ་དང་། ཉེ་གནས་རྣམས་ལ་བརྟེན་ཏེ་གཉི་གའི་ཐུན་མོང་བའི་ནད་ཀྱི་སྨན་གྱི་བསླབ་པའི་གཞི་བཅའ་བ་མཛད
170b6 པ་དེའི་ཚེ། དགེ་སློང་མ་བཅུ་གཉིས་སྡེ་རྣམས་ཀྱིས་ནད་ཀྱི་སྨན་དེ་ལས་བྱིན་ལེན་བྱས་ཤིང་ཟ་བར་བྱེད་མྱུར་བར་བྱིན་ལེན་བྱས་ནས་དེ་ལས་བྱིན་ལན་བྱས་པ་དག་ཕན་ཚུན་དུ་སྲེ་བར་བྱེད། ཟས་ཀྱི་ཕྱེ་མ་དང་འདྲེས་ཤིང
170b7 ཤན་འབགས་པར་དབྱེར་ཡང་མི་མངོན་པ་དེ་དག་དུས་དང་དུས་མ་ཡིན་པར་ཟ་བར་བྱེད་པའི་སྐབས་དེ། དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །
170b8 དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་བཅོམ་ལྡན་འདས་ཀྱིས་དགེ་སློང་མ་ནད་པ་རྣམས་ལ་འཕྲོད་པ་སོ་སོར་བསྟེན་པར་བྱ་བའི་སྨན་རྗེས་སུ་གནང
iiif viewer powered by OpenSeadragon
