| e-texts navigator |
| Wylie |
152b1 དེས་དེ་ལས་སྣམ་སྦྱར་ནི་བཞི་རིམ་བྱའོ། །གདིང་བ་དང་། བླ་གོས་དང་། མཐང་གོས་ནི་ཉི་རིམ་དུ་བྱའོ། །རྔུལ་ཟན་དང་། ཤིང་ང་དཔུང་ཆད་ཀྱང་དེ་བཞིན་ནོ། །དགེ་སློང་མས་སྣམ་སྦྱར་བཞི་རིམ་ལ་རིམ་པ་ལྔ་པ་ཀློན་པར་བྱེད་ན་དེ་ཀློན་པར
152b2 བྱེད་པ་ན་ཉེས་བྱས་ལ། ཞག་བཅུ་འདས་ན་སྤང་བའི་ལྟུང་བྱེད་དོ། །འབོགས་པར་བྱེད་ན་ཞེས་བྱ་བའི་བར་གོང་མ་ཇི་ལྟ་བ་བཞིན་ནོ། །དེ་བཞིན་དུ་གདིང་བ་ལ་ཡང་བརྗོད་པར་བྱའོ། །བླ་གོས་དང་མཐང་གོས་ཀྱང་དེ་བཞིན་ནོ། །རྔུལ་ཟན་དང
152b3 ཤིང་ང་དཔུང་ཆད་ལ་ཡང་དེ་བཞིན་དུ་བརྗོད་པར་བྱའོ། །རིམ་པ་གཉིས་པ་ལ་ཞེས་བྱ་བ་ནས། འབོགས་ཤིང་རིམ་པ་གསུམ་པ་ཀློན་པར་བྱེད་ན་དེ་ཀློན་པར་བྱེད་པ་ན་ཉེས་བྱས་ལ། ཞག་བཅུ་འདས་པ་ན་སྤང་བའི་ལྟུང་བྱེད་དོ། །ཞེས་བྱ་བའི་བར་རོ། །
152b4 ཕོག་ལ་གཞན་དུ་གླན་ནོ་སྙམ་ནས་དེ་ཀློན་པར་བྱེད་ན་ཉེས་བྱས་ལ། ཞག་བཅུ་འདས་ན་སྤང་བའི་ལྟུང་བྱེད་དོ་ཞེས་བྱ་བའི་བར་རོ། །བཀོགས་ལ་བཀྲུས་ཤིང་ཁ་བསྒྱུར་ཏེ་ཞེས་བྱ་བ་ནས། འདི་ཉིད་ལ་ཀླན་པར་བྱའོ་སྙམ་ན་ལྟུང་བ
152b5 མེད་ལ། ཞག་བཅུ་འདས་ན་སྤང་བའི་ལྟུང་བྱེད་དོ་ཞེས་བྱ་བའི་བར་རོ། །ཕྱག་དར་ཁྲོད་པའི་ཚེམ་བུ་རྣམས་ལ་ནི་ཇི་ཙམ་འདོད་པ་ཀླན་པར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ
152b6 བཙུན་པ་སྣམ་སྦྱར་དག་གི་སྣམ་ཕྲན་དུ་ལགས། བཅོམ་ལྡན་འདས་ཀྱིས་བཀའ་སྩལ་པ། ཉེ་བར་འཁོར་དགུ་སྟེ། དགུ་གང་ཞེ་ན། དགུ་པ་དང་། བཅུ་གཅིག་པ་དང་། བཅུ་གསུམ་པ་དང་། བཅཝ་ལྔ་པ་དང་། བཅུ་བདུན་པ་དང་། བཅུ་དགུ་པ་དང
152b7 ཉི་ཤུ་རྩ་གཅིག་པ་དང་། ཉི་ཤུ་རྩ་གསུམ་པ་དང་། ཉི་ཤུ་རྩ་ལྔ་པའོ། །ཉེ་བར་འཁོར་སྣམ་ཕྲན་ཅན་དགུ་པོ་འདི་དག་ནི་སྣམ་སྦྱར་ཞེས་བྱའོ། །ཉེ་བར་འཁོར་དེ་ལ་དགུ་པ་གང་ཡིན་པ་དང་། བཅུ་གཅིག་པ་གང་ཡིན་པ་དང་། བཅུ་གསུམ་པ་གང
152b8 ཡིན་པ་དེ་དག་ནི་གླེགས་བུ་ཕྱེད་དང་གསུམ་པར་བྱས་ཏེ་བཅང་བར་བྱའོ། །བཅཝ་ལྔ་པ་གང་ཡིན་པ་དང་། བཅུ་བདུན་པ་གང་ཡིན་པ་དང་། བཅུ་དགུ་པ་གང་ཡིན་པ་དེ་དག་ནི་གླེགས་བུ་ཕྱེད་དང་བཞི་པར་བྱས་སྟེ་བཅང་བར་བྱའོ། །ཉི་ཤུ་རྩ
iiif viewer powered by OpenSeadragon
