| e-texts navigator |
| Wylie |
150a1 སྙམ་དུ་རེ་བ་ཡོད་ཅིང་དེས་དེ་འཇོག་པར་བྱེད་དོ། །སྔོན་པོ་ལ་ཇི་ལྟ་བ་དེ་བཞིན་དུ་སེར་པོ་དང་། དམར་པོ་དང་། སྟུག་པོ་དང་། སྲབ་མོ་ལ་ཡང་བརྗོད་པར་བྱའོ། །སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ
150a2 སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། དགེ་སློང་མ་ཆོས་གོས་ཟིན་པས་སྲ་བརྐྱང་ཕྱུང་ན་དུས་མ་ཡིན་པར་གོས་ཤིག་རྙེད་ལ་འདོད་ན་དགེ
150a3 སློང་མ་དེས་གོས་དེ་བླང་བར་བྱའོ། །བླངས་ནས་གལ་ཏེ་ལངས་ན་མྱུར་བ་ཁོ་ནར་བྱས་ཏེ་བཅང་བར་བྱའོ། །གལ་ཏེ་ཆོས་གོས་ལ་རེ་བ་ཡོད་པ་འམ། ཁ་མ་ལངས་པ་ཁ་སྐོང་བར་བྱེད་ན་དགེ་སློང་མ་དེས་གོས་དེ་ཟླ་བ་གཅིག་གི་མཐའི་བར་དུ་བཅང
150a4 བར་བྱའོ། །དེ་ལས་འདས་པར་འཇོག་ན་སྤང་བའི་ལྟུང་བྱེད་དོ། །དགེ་སློང་མ་ཆོས་གོས་ཟིན་པས་ཞེས་བྱ་བ་ནི་སྔ་མ་བཞིན་ནོ། །རྙེད་ལ་ཞེས་བྱ་བ་ནི་གཞན་ལས་སོ། །དུས་མ་ཡིན་པའི་གོས་ཞེས་བྱ་བ་ལ། གོས་ཀྱི་དུས་ནི་གང་ཡིན།
150a5 དུས་མ་ཡིན་པའི་གོས་ནི་གང་ཡིན་ཞེ་ན། སྲ་བརྐྱང་གཏིང་བའི་གནས་ན་ནི་སྟོན་ཟླ་འབྲིང་པོའི་ཉ་ནས་བཟུང་སྟེ། དཔྱིད་ཟླ་ར་བ་ཉའི་བར་གྱི་ཟླ་བ་ལྔ་པོ་དེ་དག་ནི་གོས་ཀྱི་དུས་ཡིན་ནོ། །ལྷག་མ་ཟླ་བ་བདུན་པོ་དག་ནི་དུས་མ་ཡིན་ནོ། །གོས
150a6 བདུན་པོ་གང་ཡང་རུང་བ་ཞེས་བྱ་བ་ལ། བདུན་པོ་དེ་དག་གང་ཞེ་ན། བལ་གྱི་དང་། རས་དང་རས་བལ་གྱི་དང་། མོན་དར་དང་། དུ་གུ་ལའི་རས་དང་། ཀོ་ཏམ་པའི་རས་དང་། ཉི་འོག་གི་གོས་སོ། །འདོད་ན་ཞེས་བྱ་བ་ནི་གལ་ཏེ་དོན་དུ་གཉེར
150a7 ནའོ། །བླངས་ནས་གལ་ཏེ་བླངས་ན་མྱུར་བ་ཁོ་ནར་བྱས་ཏེ་བཅང་བར་བྱའོ། །གལ་ཏེ་མ་ལངས་ན་ཞེས་བྱ་བ་ནི་ལྔ་པོ་གང་ཡང་རུང་བའོ། །དགེ་སློང་མ་དེས་གོས་དེ་ཟླ་བ་གཅིག་གི་མཐར་བཅང་བར་བྱའོ་ཞེས་བྱ་བ་ནི་ཉིན་ཞག་སུམ
150a8 བཅུའི་མཐར་རོ། །གོས་དེའི་རེ་བ་ཞེས་བྱ་བ་ལ་གོས་ཀྱི་རེ་བ་གང་ཞེ་ན། བདག་ལ་མས་སྦྱིན་པར་འགྱུར་བ་འམ། བདག་ལ་ཕས་སྦྱིན་པར་འགྱུར་བ་འམ། བདག་ལ་མིང་པོ་དང་ཕུ་ནུ་མོས་སྦྱིན་པར་འགྱུར་བ་འམ།
iiif viewer powered by OpenSeadragon
