| e-texts navigator |
| Wylie |
148b1 དེ་བཞིན་དུ་བརྗོད་པར་བྱའོ། །མུ་སྟེགས་ཅན་གྱི་ཁྱིམ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། མུ་སྟེགས་ཅན་གྱི་ཁྱིམ་གང་དག་མི་ཐ་དད་པའི་འམ་ཞེས་བྱ་བ་ནས་ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ་ཞེས་བྱ་བའི་བར་རོ། །
148b2 ཤིང་རྟ་ཉེན་ཀོར་གཅིག་པ་གང་ཞེ་ན། འདི་ལྟ་སྟེ། ཤིང་རྟ་མི་གཅིག་གི་འམ། སྤུན་སྒོ་མ་བྱེ་བ་དག་གིའོ། །དེའི་ཉེན་ཀོར་གང་ཞེ་ན། འགྲོ་བ་འམ། འདུག་ཀྱང་རུང་ཉེན་ཀོར་མདོམ་གང་ངམ། གནས་གང་དུ་གླང་འདོགས
148b3 པར་བྱེད་པ་དང་། རྩཝ་མུན་ཛ་དག་རྡུང་བར་བྱེད་པ་དང་། ཐག་གུ་དག་འཁལ་བར་བྱེད་པ་འམ། ཡང་ན་གང་དུ་གཅོད་པར་བྱེད་པ་དང་ཞེས་བྱ་བ་ནས། སྤང་བའི་ལྟུང་བྱེད་དོ་ཞེས་བྱ་བའི་བར་རོ། །ཤིང་རྟ་ཉེན་ཀོར་ཐ་དད་པ་གང་ཞེ་ན། མི
148b4 ཐ་དད་པའི་འམ། སྤུན་སྒོ་བྱེ་བའི་ཤིང་རྟ་གང་ཡིན་པ་ཞེས་བྱ་བ་ནས། ཅི་ཞིག་ཐུན་མོང་ཡིན་ཞེ་ན། ཁ་ལོ་སྒྱུར་བའི་སྟན་ནོ་ཞེས་བྱ་བའི་བར་རོ། །ཤིང་རྟ་རབ་ཏུ་མང་པོ་ཉེན་ཀོར་གཅིག་པ་གང་ཞེ་ན། དང་པོ་པ་ཇི་ལྟ་བ
148b5 དེ་བཞིན་དུ་བརྗོད་པར་བྱའོ། །ཤིང་རྟ་རབ་ཏུ་མང་པོ་ཉེན་ཀོར་ཐ་དད་པ་གང་ཞེ་ན། ཤིང་རྟ་གང་དག་མི་ཐ་དད་པའི་འམ་ཞེས་བྱ་བ་ནས། ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ་ཞེས་བྱ་བའི་བར་རོ།། །།
148b6 དགེ་སློང་མའི་འདུལ་བ་རྣམ་པར་འབྱེད་པ། བམ་པོ་བཅུ་གཉིས་པ། གྲུ་ཉེན་ཀོར་གཅིག་པ་གང་ཞེ་ན། མི་གཅིག་གི་འམ། སྤུན་སྒོ་མ་བྱེ་བ་དག་གི་གྲུ་གང་ཡིན་པའོ། །དེའི་ཉེན་ཀོར་གང་ཞེ་ན། འགྲོ་བའི་ཉེན་ཀོར་མདོམ
148b7 གང་ངམ། གནས་གང་དུ་ཕུར་པ་འདེབས་པར་བྱེད་པ་དང་། གྲུ་རྟོད་པར་བྱེད་པ། རྩཝ་མུན་ཛ་དག་རྡུང་བར་བྱེད་པ་དང་། ཐག་པ་དག་འཁལ་བར་བྱེད་པ་དང་། རུ་སྐྱ་དག་འཇོག་པར་བྱེད་པ་འམ། གང་དུ་གཅོད་པར་བྱེད་པ་དང་ཞེས
148b8 བྱ་བ་ནས། ཁྱེའུ་སུས་བྱེད་པ་ཞེས་བྱ་བའི་བར་རོ། །དགེ་སློང་མས་ནང་དུ་ཆོས་གོས་དག་ཅེས་བྱ་བ་ནས་སྤང་བའི་ལྟུང་བྱེད་དོ་ཞེས་བྱ་བའི་བར་རོ། །གྲུ་ཉེན་ཀོར་ཐ་དད་པ་གང་ཞེ་ན། གྲུ་གང་དག་མི་ཐ་དད་པའི་འམ་ཞེས་བྱ་བ་ནས། ཅི
iiif viewer powered by OpenSeadragon
