| e-texts navigator |
| Wylie |
135a1 སྡེ་རྣམས་ཀྱིས་བསམས་པ། བཅོམ་ལྡན་འདས་དང་དགེ་སློང་གི་དགེ་འདུན་དང་། དགེ་སློང་མའི་དགེ་འདུན་ལ་བཟོད་པ་གསོལ་དུ་འདོང་ངོ་སྙམ་མོ། །དེ་ནས་བཅུ་གཉིས་སྡེ་རྣམས་མཉན་ཡོད་ག་ལ་བ་དེར་རྒྱུ་ཞིང་སོང་སྟེ། མཐར་གྱིས
135a2 རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་པ་དང་། དགེ་སློང་མ་རྣམས་ཀྱིས་དགེ་སློང་མ་བཅུ་གཉིས་སྡེ་རྣམས་མཐོང་ངོ་། །མཐོང་ནས་ཀྱང་བཅོམ་ལྡན་འདས་ལ་གསོལ་པ། བཅོམ་ལྡན་འདས་བཅུ་གཉིས་སྡེ་འདི་རྣམས་བསྐྲད་པའི་ལས་བགྱིས་ན
135a3 བདག་ཅག་གིས་ཇི་ལྟར་བསྒྲུབ་པར་བགྱི། མི་སྨྲ་བར་བྱ་ཞིང་ལག་བརྡས་གཙུག་ལག་ཁང་ཐ་མ་བསྟན་པར་བྱའོ། །དེ་རྣམས་ཀྱིས་དེ་བཞིན་དུ་བྱས་སོ། །དེ་ནས་དེ་དག་གི་ལྷན་ཅིག་གནས་པ་དང་། ཉེ་གནས་དེ་རྣམས་ཀྱང་སྨྲ་བར་མི་བྱེད། ཀུན་དུ
135a4 སྨྲ་བར་མི་བྱེད། ཀུན་དུ་དགའ་བར་མི་བྱེད་པ་དང་། དེ་རྣམས་ཀྱིས་ལྷན་ཅིག་གནས་པ་དང་། ཉེ་གནས་རྣམས་ལ་འདི་སྐད་ཅེས་སྨྲས་སོ། །ཕུ་ནུ་མོ་དག་གང་ཁྱེད་ཀྱིས་མ་སྨྲས་མ་བརྗོད་མ་བསྐྱོད་པ་ལས་ངེད་ཀྱིས་སྨྲས། བརྗོད་བསྐྱོད་པ་ཅི
135a5 ཞིག་ཡོད་ཀྱེ་དགེ་སློང་མའི་གནས་བརྟན་གནས་བརྟན་རྣམས་མི་སྨྲ་ཞིང་ཀུན་དུ་མི་སྨྲ་བ་ནི་རུང་སྟེ། དེར་ཟད་ན་ཁྱེད་ཀོ་ཅིའི་ཕྱིར་མི་སྨྲ། དེ་རྣམས་ཀྱིས་དགེ་སློང་མ་དག་བར་དུ་བཞག་ནས་འདི་སྐད་ཅེས་སྨྲས་སོ། །ཇི་སྐད་ཟེར་བ་དེ་ནི་དེ་ལྟ་ཡང
135a6 ཡིན་ན་འོན་ཀྱང་བདག་ཅག་གིས་ནི་བཤགས་པར་བྱ་བ་གང་ཡིན་པ་དེ་ཡང་བཤགས། བསྡམ་པར་བྱ་བ་གང་ཡིན་པ་དེ་ཡང་བསྡམས་ནས་བདག་ཅག་གསོལ་བ་དང་བཞིའི་ལས་ཀྱི་བར་ཉམས་སུ་མྱོང་ངོ་། །དེ་ནས་དགེ་སློང་མ་བཅུ་གཉིས
135a7 སྡེ་དེ་དག་གིས་དགེ་སློང་མ་གནས་བརྟན་གནས་བརྟན་རྣམས་ལ་འདི་སྐད་ཅེས་སྨྲས་སོ། །འདི་ན་དགེ་སློང་མ་ཁ་ཅིག་འདུན་པས་འགྲོ་བ་དང་། ཞེ་སྡང་གིས་འགྲོ་བ་དང་། གཏི་མུག་གིས་འགྲོ་བ་དང་། འཇིགས་པས་འགྲོ་བ་དག་ཡོད་དེ།
135a8 གང་དུ་ལྟུང་བ་འདྲ་བ་ཁོ་ན་ལས་དགེ་སློང་མ་ཁ་གཅིག་ནི་སྐྲོད་པར་བྱེད། ཁ་གཅིག་ནི་སྐྲོད་པར་མི་བྱེད་དོ། །དེ་ནས་དགེ་སློང་མ་རྣམས་ཀྱིས་དགེ་སློང་མ་བཅུ་གཉིས་སྡེ་ལ་སྨྲས་པ། སུ་ལ་འདུན་པས་འགྲོ་བའོ་ཞེས་གཤེ། དེ་དག་གིས་སྨྲས་པ།
iiif viewer powered by OpenSeadragon
