| e-texts navigator |
| Wylie |
12b1 ཡང་དགེ་སློང་མ་གང་དགེ་སློང་མའི་དགེ་འདུན་གྱི་ཕྱིར་སྦྱོར་དུ་བཅུག་པའི་རྙེད་པ་གང་ཟག་དག་ལ་ཡོངས་སུ་སྒྱུར་ན་སྤང་བའི་ལྟུང་བྱེད་དོ། །ཡང་དགེ་སློང་མ་གང་ཆགས་པར་གྱུར་པས་ཐུམ་པོ་བཅིངས་ཤིང་བཅིངས་ཤིང་འགྲོལ་དུ་བཅུག་ན་སྤང་བའི་ལྟུང་བྱེད་དོ་ཡང་དགེ
12b2 སློང་མ་གང་གོས་ལྕིད་དང་རིན་ཐང་ལྕི་བ་འཆང་ན་སྤང་བའི་ལྟུང་བྱེད་དོ། །ཡང་དགེ་སློང་མ་གང་ལྕིད་ཡང་བ་རིན་ཐང་ལྕི་བ་འཆང་ན་སྤང་བའི་ལྟུང་བྱེད་དོ། །སྡོམ་ལ། སྲིན་བལ་འབའ་ཞིག་ཆ་གཉིས་དང་། །དྲུག་དང་མཐོ་གང་ལམ་དང་ནི། །འཁྲུ་དང་འཆང
12b3 དང་རྟ་དང་དགོན། །རས་ཆེན་མ་གཏོགས་ལྷག་མ་ཡིན། །འཕགས་མ་དག་བདག་གིས་སྤང་བའི་ལྟུང་བྱེད་ཀྱི་ཆོས་སུམ་ཅུ་རྩ་གསུམ་པོ་དག་བཏོན་ཟིན་ཏོ། །དེ་ལ་བདག་གིས་འཕགས་མ་དག་ལ་ཅི་འདི་ལ་ཁྱེད་ཡོངས་སུ་དག་གམ་ཞེས་དྲིའོ།
12b4 ཅི་འདི་ལ་ཁྱེད་ཡོངས་སུ་དག་གམ་ཞེས་ལན་གཉིས་ལན་གསུམ་དུ་དྲིའོ། །འདི་ལ་འཕགས་མ་དག་ཡོངས་སུ་དག་ན་འདི་ལྟར་ཅང་མི་སྨྲ་བས་དེ་དེ་བཞིན་དུ་འཛིན་ཏོ།། །།དགེ་སློང་མའི་སོ་སོར་ཐར་པའི་མདོ། ། བམ་པོ་གཉིས་པ་སྟེ་ཐ་མའོ། །
12b5 སྤྱི་སྡོམ་ལ། བརྫུན་དང་ས་བོན་འདུག་གནས་དང་། །སྲོག་ཆགས་བདེ་དང་དུད་འགྲོ་དང་། །རྐུ་བ་དང་ནི་ཟས་བཅས་པ། །དེ་དག་ཐུན་མོང་ཡིན་པར་འདོད། ། སྡོམ་ལ། བརྫུན་སྐྱོན་དགེ་སློང་ཕྲ་མ་དང་། །སྐྱོ་སྔོགས་བྱེད་དང་སྟོན་པ་དང་། །འདོན་དང་གནས་ངན
12b6 ལེན་དང་ཆོས། །བཤེས་ངོར་བྱེད་དང་ཁྱད་ཏུ་གསོད། །འཕགས་མ་དག་ལྟུང་བྱེད་ཀྱི་ཆོས་བརྒྱ་བརྒྱད་བཅུ་པོ་འདི་དག་ནི་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་ལས་འབྱུང་ངོ་། །ཤེས་བཞིན་དུ་རྫུན་དུ་སྨྲ་ན་ལྟུང་བྱེད་དོ། །མིའི་སྐྱོན་ནས་སྨྲ
12b7 ན་ལྟུང་བྱེད་དོ། །དགེ་སློང་མ་ལ་ཕྲ་མ་བྱེད་ན་ལྟུང་བྱེད་དོ། །ཡང་དགེ་སློང་མ་གང་དགེ་འདུན་འཐུན་པས་ཆོས་བཞིན་དུ་རྩོད་པ་སྦྱངས་པ་ཤེས་བཞིན་དུ་ཡང་ལས་ཀྱིས་སྐྱོ་སྔོགས་བྱེད་ན་ལྟུང་བྱེད་དོ། །ཡང་དགེ་སློང་མ་གང་སྐྱེས་པའི་ཡུལ་ལ་ཚིག་ལྔ་འམ་དྲུག་ལས
12b8 ལྷག་པར་ཆོས་སྟོན་ན་རིག་པའི་བུད་མེད་མ་གཏོགས་ཏེ་ལྟུང་བྱེད་དོ། །ཡང་དགེ་སློང་མ་གང་ཟག་བསྙེན་པར་མ་རྫོགས་པ་དང་ཚིག་གིས་ཆོས་འདོན་ན་ལྟུང་བྱེད་དོ། །ཡང་དགེ་སློང་མ་གང་གང་ཟག་བསྙེན་པར་མ་རྫོགས་པ་ལ་གནས་ངན་ལེན་གྱི་ལྟུང་བ
iiif viewer powered by OpenSeadragon
