| e-texts navigator |
| Wylie |
126b1 སོ་སོར་རོ། །ཁྱེད་འདྲེས་པར་གནོས་ཤིག་ཅེས་བྱ་བ་ནི་ཆོལ་བར་རོ། །ཁྱེད་འདྲེས་པར་གནས་ན་ཞེས་བྱ་བ་ནི་ཆོལ་བར་རོ། །དགེ་བའི་ཆོས་རྣམས་འཕེལ་བ་ཁོ་ནར་འགྱུར་གྱི་ཉམས་པ་ནི་མ་ཡིན་པར་རིག་པར་བྱའོ་ཞེས་བྱ་བ་ནི་དགེ་བའི་ཕྱོགས་འཕེལ་བ
126b2 ཁོ་ནར་འགྱུར་གྱི་ཉམས་པ་ནི་མ་ཡིན་པའོ། །དགེ་སློང་མ་དེ་ལ་ཞེས་བྱ་བ་ནི་སྦོམ་དགའ་མོ་ལའོ། །དགེ་སློང་མ་རྣམས་ཀྱིས་ཞེས་བྱ་བ་ནི་ཆོས་འདི་པ་རྣམས་ཀྱིས་སོ། །འདི་སྐད་ཅེས་བརྗོད་པར་བྱ་སྟེ་ཞེས་བྱ་བ་ནི་བཞམས་ཏེ་ཇི་སྐད་སྔར་བསྒོ་བ
126b3 བཞིན་དུ་བསྒོ་བར་བྱའོ། །གཞི་དེ་གཏོང་ན་དེ་ལྟ་ན་ལེགས་ཞེས་བྱ་བ་ནི་དེ་ལྟ་ན་བཟང་པོའོ། །གལ་ཏེ་མི་གཏོང་ན་གཞི་དེ་གཏོང་བར་བྱ་བའི་ཕྱིར་ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ་ཞེས་བྱ་བ
126b4 ནི་གསོལ་བ་དང་བཞིའི་ལས་ཀྱིས་ཇི་ལྟར་སྔར་བསྒོ་བ་ལྟར་རོ། །དེ་ལ་ལྟུང་བར་ཇི་ལྟར་འགྱུར་ཞེ་ན། ཇི་ཙམ་དུ་ཅུང་ཟད་དགེ་སློང་མས་དགེ་སློང་མ་གང་དག་འདྲེས་པར་གནས་ཤིང་། རྒོད་པ་དང་། རྩེ་བ་དང་། ལུས་ཀྱི་ཙབ་ཧྲལ་བྱེད་པར་ཤེས་བཞིན་དུ་དེ་དག
126b5 ཐ་དད་དུ་གནས་པ་ལ་འདི་སྐད་ཅེས་ཁྱེད་ཐ་དད་དུ་མ་གནས་པར་ཁྱེད་འདྲེས་པར་གནོས་ཤིག་ཅེས་སྨྲ་ན་ཐམས་ཅད་དུ་ཉེས་བྱས་སུ་འགྱུར་རོ། །དགེ་སློང་མའི་རྣམ་པར་འབྱེད་པ་ལས་དགེ་འདུན་ལྷག་མ་བཅུ་དྲུག་པ་རྫོགས་སྷོ།། །།
126b6 བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་མུ་གེ་མི་བཟད་པ་དགོན་པ་སློངས་མོ་པས་ཟས་རྙེད་པར་དཀའ་བར་བྱུང་སྟེ། དགེ་སློང་གང་ཞིག་རྫུ་འཕྲུལ་ཐོབ་པ་དེ་ནི་གང་གི་མིང་འཛམ་བུ་ཞེས་བྱ་བས
126b7 འཛམ་བུ་གླིང་དུ་ཤེས་པ་དེར་སོང་ནས་ཤིང་འཛམ་བུའི་སྙེ་མ་ཁ་དོག་དང་དྲི་དང་། རོ་དང་ལྡན་པ་རྣམས་ཀྱིས་ལྷུང་བཟེད་བཀང་སྟེ་ཁྱེར་ནས། བདག་ཉིད་ཀྱང་ཡོངས་སུ་ལོངས་སྤྱོད། ཚངས་པ་མཚུངས་པར་སྤྱོད་པ་མཁས་པ་ཡོད་པ་དག་ལ་ཡང་བགོ་བཤའ
126b8 བྱེད་དོ། །ཤིང་འཛམ་བུའི་སྙེ་མ་ཇི་ལྟ་བ་དེ་བཞིན་དུ་ཤིང་བིལ་བ་དང་། སྐྱུ་རུ་ར་དང་། ཀ་པིད་ཐའི་སྙེ་མ་རྣམས་ཀྱིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད། ཚངས་པ་མཚུངས་པར་སྤྱོད་པ་ཡོད་པ་དག་ལ་ཡང་བགོ་བཤའ་བྱེད
iiif viewer powered by OpenSeadragon
