| e-texts navigator |
| Wylie |
122a1 བསྒོ་བ་ན་གཞི་དེ་གཏོང་བ་དེ་ལྟ་ན་ལེགས་ཞེས་བྱ་བ་ནི་དེ་ལྟ་ན་བཟང་བའོ། །ཇི་སྟེ་གཏོང་བར་མི་བྱེད་ན་ཞེས་བྱ་བ་ནི་སྡིག་པ་ཅན་གྱི་ལྟ་བར་གྱུར་པ་དེའོ། །ལན་གཉིས་ལན་གསུམ་གྱི་བར་དུ་ཡང་དག་པར་བསྒོ་ཡང
122a2 དག་པར་བསྟན་པ་ཞེས་བྱ་བ་ནི་སྔར་གསོལ་བ་དང་བཞིའི་ལས་ཀྱིས་ཇི་སྐད་བསྒོ་བ་བཞིན་དུའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་གང་འཐབ་པ་ན་ཁྲོས་ནས་འདི་སྐད་ཅེས། རེ་ཤིག་ཤཱཀྱའི་བུའི་དགེ་སྦྱོང་འདི
122a3 དག་འབའ་ཤིག་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ་མ་ཡིན་གྱི། དགེ་སྦྱོང་གཞན་ཡང་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ་ཡོད་པས་དེ་དག་གི་དྲུང་དུ་ཚངས་པར་སྤྱོད་པ་སྤྱད་པར་ཟད་ཀྱིས་སངས་རྒྱས་གཏོང་ངོ་། །ཆོས་དང་།
122a4 དགེ་འདུན་གཏོང་ངོ་ཞེས་ཟེར་ན་ཇི་ལྟར་ཡང་རུང་སྟེ་ཐམས་ཅད་དུ་ཉེས་བྱས་སུ་འགྱུར་རོ། །བཞམས་ཏེ་བསྒོ་བ་ན་གལ་ཏེ་གཞི་དེ་གཏོང་ན་དེ་ལྟ་ན་ལེགས་ཇི་སྟེ་གཏོང་བར་མི་བྱེད་ན་ཉེས་པ་སྦོམ་པོར་འགྱུར་རོ། །ལས་དང་པོའི་ཚིག་བརྗོད་པ་མ
122a5 རྫོགས་པར་གལ་ཏེ་གཏོང་ན་དེ་ལྟ་ན་ལེགས། ཇི་སྟེ་གཏོང་བར་མི་བྱེད་ལ་ཚིག་རྫོགས་པར་བྱེད་ན་ཉེས་པ་སྦོམ་པོར་འགྱུར་རོ། །ལས་གཉིས་པའི་ཚིག་བརྗོད་པ་མ་རྫོགས་པར་གལ་ཏེ་གཏོང་བ་དེ་ལྟ་ན་ལེགས། ཇི་སྟེ་གཏོང་བར་མི་བྱེད་ལ་ཚིག་རྫོགས
122a6 པར་གྱུར་ན་ཉེས་པ་སྦོམ་པོར་འགྱུར་རོ། །ལས་གསུམ་པའི་ཚིག་བརྗོད་པ་ཡང་མ་རྫོགས་ལ་འཐུན་པས་ཆོས་མ་ཡིན་པར་བྱས་པ་དང་། མི་མཐུན་པས་ཆོས་མ་ཡིན་པར་བྱས་པ་དང་། མི་མཐུན་པས་ཆོས་བཞིན་དུ་བྱས་པ་དང་། ཆོས་ཇི་ལྟ་བ་དང་འདུལ་བ་ཇི
122a7 ལྟ་བ་དང་། སྟོན་པས་བསྟན་པ་ཇི་ལྟ་བ་བཞིན་དུ་མ་བྱས་ན་ལྟུང་བ་མེད་དོ། །ལས་གསུམ་པའི་ཚིག་བརྗོད་པ་ཡང་རྫོགས་ལ་ཆོས་ཇི་ལྟ་བ་དང་། འདུལ་བ་ཇི་ལྟ་བ་དང་། སྟོན་པས་བསྟན་པ་ཇི་ལྟ་བ་དེ་བཞིན་དུ་བྱས་ཀྱང་གཞི་དེ་གཏོང་བར
122a8 མི་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་མ་དེས་སྟན་དེ་ཉིད་ལ་འདུག་བཞིན་དུ་འདི་སྐད་ཅེས་འཕགས་མ་དག་བདག་ལ་དགེ་འདུན་ལྷག་མ་བྱུང་ངོ་ཞེས་བྱ་བའི་ཚིག་སྨྲ་བར་བྱེད་པ་དེ་ལྟ་ན་ལེགས། ཇི་སྟེ་སྨྲ་བར་མི་བྱེད་ན
iiif viewer powered by OpenSeadragon
