| e-texts navigator |
| Wylie |
116a1 སོང་བ་ན་ཆུང་མ་རྣམས་གཡོན་ཅན་དང་། འཕྱོན་མ་དང་། ཟོལ་པ་རྣམས་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ནས་དེ་དག་གིས་འདི་སྙམ་དུ་བདག་ཅག་གིས་ནི་རི་བྲགས་པ་ལོག་པའི་རྣམས་འདུལ་བར་བྱེད་ན་རང
116a2 གི་ཆུང་མ་དག་གདུལ་བར་མི་ནུས་སམ་ཁྲིམས་བཅའ་གོར་མ་ཆག་སྙམ་དུ་བསམས་ནས། བདག་ཅག་གི་ཆུང་མ་གང་ཞིག་སྐྱེས་པ་གཞན་དང་ལྷན་ཅིག་མི་རིགས་པ་བྱེད་པར་གྱུར་པ་དེའི་མགོ་སྐེར་བཅད་ནས་དོར་བར་བྱའོ། །དེ་དག་ཁ
116a3 ཅིག་གིས་སྨྲས་པ། ཁྲིམས་འདི་ཧ་ཅང་བརླང་ཆེས་ཀྱིས་རྒྱལ་པོ་ལ་བདག་ཅག་གིས་ཞུ་བར་བྱའོ། །དེ་ནས་དམག་དཔོན་དཔོག་བྱེད་དམག་གི་ཚོགས་དང་ལྷན་ཅིག་རྒྱལ་པོ་གསལ་རྒྱལ་ག་ལ་བ་དེར་སོང་སྟེ་ཕྱིན་ནས་སྐབས་དེ་དག་རྒྱས
116a4 པར་རྒྱལ་པོ་ལ་བསྙད་པ་དང་། རྒྱལ་པོས་ཀྱང་མ་ཉེས་སོ་ཞེས་བྱས་སོ། །དེ་ནས་དམག་དཔོན་དཔོག་བྱེད་ཀྱི་བུ་མོ་སྡེ་ཅན་མ་ཞེས་བྱ་བ་དེས་ཁྲིམས་དང་འགལ་བར་བྱས་པ་ན་བུད་མེད་ཕལ་དག་གིས་འདི་སྐད་ཅེས་གལ་ཏེ་འདི་ཆད་པས་མ
116a5 བཅད་པར་གྱུར་ན་བདག་ཅག་གིས་ཀྱང་ཁྲིམས་བྲལ་བར་བྱའོ་ཞེས་སྨྲས་པ་དམག་མི་རྣམས་ཀྱིས་ཐོས་ནས་དེ་དག་གིས་དཔོག་བྱེད་ལ་སྨྲས་སོ། །དམག་དཔོན་དཔོག་བྱེད་ཀྱིས་འདི་སྙམ་དུ་བདག་གིས་ཁྲིམས་བཅས་ལ་བདག་གིས་དྲལ་དུ
116a6 ག་ལ་རུང་སྙམ་དུ་བསམས་ནས་དམག་དཔོན་དཔོག་བྱེད་ཀྱིས་སྡེ་ཅན་མ་ཡོངས་སུ་བཏང་ནས་དམག་མི་རྣམས་ལ་སོད་ཅིག་ཅེས་བསྒོའོ། །དེ་ན་སྡེ་ཅན་མས་ཐོས་ནས་རིངས་པ་རིངས་པར་སོང་སྟེ་དམག་མི་རྣམས་ཀྱི་རྐང་པ་ལ་གཏུགས
116a7 ནས་བཟོད་པ་གསོལ་ལོ། །དེ་དག་གིས་སྨྲས་པ། ཁོ་བོ་ཅག་གིས་འདི་ལྟ་བུའི་མི་རིགས་པ་བྱེད་པ་ལ་བཟོད་པར་མི་ནུས་མོད་ཀྱི། འོན་ཀྱང་དམག་མི་ལ་བལྟས་པ་དོན་མེད་པར་མི་འགྱུར་བར་བྱ་བའི་ཕྱིར་དེའི་ལན་ཞག་བདུན་ན་སྦྱིན་པར་བྱའོ། །དེས
116a8 ཀྱང་ཞག་བདུན་ན་ལན་ཐོབ་ནས་ངུ་ཞིང་སྦྱིན་པ་ནི་སྦྱིན། བསོད་ནམས་ནི་བྱེད་པ་ན་དགེ་སློང་མ་ཕྱར་མོས་སྡེ་ཅན་མ་ལ་ཅི་སྟེ་ངུ་ཞེས་དྲིས་སོ། །དེས་འདི་སྐད་ཅེས་སྨྲས་སོ། །ཁོ་མོ་ཕས་ཡོངས་སུ་བཏང་ངོ་། །ཁོ་མོ་མས་ཡོངས་སུ་བཏང་ངོ་། །ཁོ་མོ་ཁྱོས
iiif viewer powered by OpenSeadragon
