| e-texts navigator |
| Wylie |
115b1 པ་གང་ཡིན་པ་དེ་བྲི་ཞིང་ལུས་ཀྱང་ལྕི་བར་གྱུར་པས་དབུས་སུ་ཕྱིན་པ་དང་གཏིང་དུ་བྱིང་ལ་ཐུག་པར་གྱུར་ཏོ། །དེ་ནས་དགེ་སློང་མ་འགྲམ་ན་འདུག་པ་རྣམས་ཀྱིས་འདི་སྐད་ཅེས་སྨྲས་སོ། །ནག་མོ་རྐྱོལ་ཅིག་ནག་མོ་རྐྱོལ་ཅེས
115b2 སྨྲས་ནས། དེ་ཡང་ངལ་ཆད་དེ་འགྲམ་དུ་ཕྱིན་ཏེ་ཉི་མ་ནུབ་པ་དང་དབྱར་ཁང་དུ་འོངས་སོ། །དགེ་སློང་མ་རྣམས་ཀྱིས་ཅུང་ཟད་བདེ་བར་བསྒྱུས་སམ་ཞེས་དྲིས་པ་དང་། དེས་ཇི་ལྟར་གྱུར་པ་དེ་དག་རྒྱས་པར་སྨྲས་པ་ན། དེ་དག་གིས་འདི་སྐད་ཅེས་སྨྲས
115b3 སོ། །ཁྱད་གཅིག་པུ་ཆུར་ཞུགས་སམ། དེས་སྨྲས་པ། གཅིག་པུའོ། །དེ་དག་གིས་འདི་སྐད་ཅེས་གལ་ཏེ་འགའ་ཞིག་གིས་ཁྱོད་བརྟུལ་ཞུགས་དང་ཕྲལ་ན་ཁྱོད་ཀྱིས་ཅི་བྱར་ཡོད་ཅེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ
115b4 སྨྲས་སོ་ཞེས་བྱ་བ་ནས་བསླབ་པ་བཅས་པའི་བར་དུའོ། །ཡང་དགེ་སློང་མ་གང་གཅིག་པུ་ཆུ་ཀླུང་གི་ཕ་རོལ་དུ་རྐྱལ་བར་བྱེད་ན་ཆོས་འདི་ཡང་དང་པོ་ཉིད་ཀྱིས་ལྟུང་བར་འགྱུར་ལ་ངེས་པར་འབྱུང་བ་དང་བཅས་པ་སྟེ་དགེ་འདུན་ལྷག
115b5 མར་འགྱུར་རོ། །ཡང་དགེ་སློང་མ་གང་ཞེས་བྱ་བ་ནི་དགེ་སློང་མ་ནག་མོའོ། །གཅིག་པུ་ཞེས་བྱ་བ་ནི་གཉིས་པ་མེད་པར་རོ། །ཆུ་ཀླུང་གི་ཕ་རོལ་དུ་རྐྱལ་བར་བྱེད་ན་ཞེས་བྱ་བ་ནི་ཆུ་བོ་རྒལ་བར་བྱེད་ནའོ། །གཞན་ནི་སྔ་མ་བཞིན་ནོ། །
115b6 དེ་ལ་ལྟུང་བར་ཇི་ལྟར་འགྱུར་ཞེ་ན། ཡང་དགེ་སློང་མ་གང་གཅིག་པུ་ཆུ་ཀླུང་གི་ཕ་རོལ་དུ་རྐྱལ་བར་བྱེད་ན་དགེ་འདུན་ལྷག་མར་འགྱུར་རོ། །རྩང་ལག་རྒལ་བར་བྱེད་ན་ཉེས་པ་སྦོམ་པོར་འགྱུར་རོ། །ཆུ་བྲན་རྒལ་བར་བྱེད་ན
115b7 ཉེས་པ་སྦོམ་པོར་འགྱུར་རོ། །ཡུར་ཆུ་རྒལ་བར་བྱེད་ན་ཉེས་བྱས་སོ། །དགེ་སློང་མའི་རྣམ་པར་འབྱེད་པ་ལས་དགེ་འདུན་ལྷག་མ་དགུ་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །དེའི་ཚེ་ན་རྒྱལ་པོ་གསལ་རྒྱལ་ལ
115b8 དམག་ཚོགས་མཐུ་སྟོབས་རྡུལ་དུ་ཀློག་པ་ཞེས་བྱ་བ་དང་། རིགས་བཟང་པོ་ཞེས་བྱ་བ་གཉིས་ཡོད་དེ་དེ་དག་རྒྱལ་པོ་གསལ་རྒྱལ་གྱི་མདུན་དུ་འགྲོ་ཞིང་རི་བྲགས་པ་གང་ཡང་རུང་བ་ལོག་པར་གྱུར་ན་དེ་དག་དེར་སོང་ནས་གཡུལ་འགྱེད་པར་བྱེད་དོ། །དེ་དག་དེར
iiif viewer powered by OpenSeadragon
