| e-texts navigator |
| Wylie |
115a1 བཞུད་བཞུད་དེས་སྨྲས་པ། དེང་ཁོ་མོ་གྲོང་ཁྱེར་ཆེན་པོ་དྲུག་པོ་དག་གིས་ལམ་དུ་སོན་ཏོ། །དེ་དག་གིས་སྨྲས་པ། ཁྱེད་ཀྱི་ཕྱི་བཞིན་འབྲང་བའི་དགེ་སྦྱོང་མ་སུ་དང་ལྷན་ཅིག་ཕྱིན། དེས་སྨྲས་པ། ཁོ་མོ་གཅིག་པུའོ། །དེ་དག་གིས་སྨྲས་པ།
115a2 གལ་ཏེ་འགའ་ཞིག་གིས་ཁྱོད་བརྟུལ་ཞུགས་དང་ཕྲལ་ན་ཁྱོད་ཀྱིས་ཅི་བྱར་ཡོད། དེས་འདི་སྐད་ཅེས་གལ་ཏེ་བུ་ཟན་མོའི་བུ་དག་ང་ལ་རེག་ཏུ་འོང་ན་ངས་ལྷུང་བཟེད་ནག་པོས་སོ་བཅག་ཏུ་ཟད་མོད་ཅེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས
115a3 སོ། །ཞེས་བྱ་བ་ནས་བསླབ་པ་བཅས་པའི་བར་དུའོ། །ཡང་དགེ་སློང་མ་གང་གཅིག་པུ་འདྲོན་ལམ་དུ་ཞུགས་ཤིང་འགྲོ་བར་བྱེད་ན་ཆོས་འདི་ཡང་དང་པོ་ཉིད་ཀྱིས་ལྟུང་བར་འགྱུར་ལ། ངེས་པར་འབྱུང་བ་དང་བཅས་པ་སྟེ་དགེ་འདུན
115a4 ལྷག་མར་འགྱུར་རོ། །དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ། །གཅིག་པུ་ཞེས་བྱ་བ་ནི་གཉིས་པ་མེད་པར་རོ། །འདྲོན་ལམ་ཞེས་བྱ་བ་ནི་དགོན་པའི་ལམ་མོ། །གཞན་ནི་སྔ་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང
115a5 མ་གཅིག་པུ་འདྲོན་ལམ་དུ་འགྲོ་བར་བྱེད་ན་ཇི་ལྟར་ཡང་རུང་སྟེ་དགེ་འདུན་ལྷག་མར་འགྱུར་རོ། །གཞན་ནི་སྔ་མ་བཞིན་ནོ། །དགེ་སློང་མའི་རྣམ་པར་འབྱེད་པ་ལས་དགེ་འདུན་ལྷག་མ་བརྒྱད་པ་རྫོགས་སྷོ།། །།
115a6 གླེང་གཞི་ནི་མཉན་ཡོད་ནའོ། །དེ་ནས་དགེ་སློང་མ་མང་པོ་ལྗོངས་རྒྱུ་བ་རྒྱུ་ཞིང་ཆུ་འགྲམ་ཞིག་ཏུ་ཕྱིན་ཏོ། །དེ་དག་བྱ་བ་ཅུང་ཟད་ཙམ་གྱིས་ཕྱི་རོལ་དུ་འགྲོ་བར་འདོད་ནས་གྲུ་བཙལ་བ་དང་། མཉན་པས་ཕ་རོལ་གྱི་འགྲམ
115a7 དུ་ཕུར་པ་ལ་གྲུ་བཏགས་ཏེ་འདུག་གོ། །རེ་ཤིག་ན་དགེ་སློང་མ་རྣམས་ཀྱིས་མཐོང་ནས། དེ་དག་གིས་འདི་སྐད་ཅེས་སྨྲས་སོ། །གལ་ཏེ་བདག་ཅག་ལས་རྐྱལ་ཤེས་པ་འགའ་ཞིག་ཡོད་ན་དེ་སོང་ལ་གྲུ་བླང་བར་གྱིས་ཤིག་།དེའི
115a8 ཚེ་ན་སྔོན་མཉན་པ་མོ་བྱེད་བྱེད་པ་དགེ་སློང་མ་ནག་མོ་ཞེས་བྱ་བ་དེས་འདི་སྐད་ཅེས་སྨྲས་སོ། །འཕགས་མ་དག་བདག་སོང་ལ་གྲུ་བླང་བར་བགྱིའོ་ཞེས་སྨྲས་ནས་དེས་ཆོས་གོས་བརྟུལ་ཏེ་ཆུའི་ནང་དུ་ཞུགས་སོ། །དེ་ཡང་སྔོན་གྱི་གོམས
iiif viewer powered by OpenSeadragon
