| e-texts navigator |
| Wylie |
114b1 དེས་སྨྲས་པ། སྤོས་འཚོང་གི་ཁྱེའུ་གང་ཡིན་པ་རྡོག་པ་གཅིག་བསྣུན་པས་རྩིབ་མ་གཉིས་བཅག་པ་ཁྱེད་ཅག་གིས་མ་མཐོང་ངམ། དེ་དག་གིས་སྨྲས་པ། ཆུ་རྫ་ཆུའི་དོན་དུ་ཁྲོན་པར་བཅུག་པ་རྟག་ཏུ་མཁྲང་པོར་མི་ལྡོག་གོ། །དེ་ནས་དགེ་སློང་མ་རྣམས
114b2 ཀྱིས་དགེ་སློང་དག་ལ་སྨྲས་སོ་ཞེས་བྱ་བ་ནས་བསླབ་པ་བཅས་པའི་བར་དུའོ། །ཡང་དགེ་སློང་མ་གང་ཉིན་པར་གཅིག་པུ་ཕྱི་རོལ་དུ་གནས་པར་བྱེད་ན་ཆོས་འདི་ཡང་དང་པོ་ཉིད་ཀྱིས་ལྟུང་བར་འགྱུར་ལ། ངེས་པར་འབྱུང་བ་དང་བཅས་པ་སྟེ། དགེ་འདུན
114b3 ལྷག་མར་འགྱུར་རོ། །དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ། །ཉིན་པར་ཞེས་བྱ་བ་ནི་ཉི་མ་ཤར་ནས་སོ། །གཅིག་པུ་ཞེས་བྱ་བ་ནི་གཉིས་པ་མེད་པར་རོ། །ཕྱི་རོལ་ཏུ་གནས་པར་བྱེད་ན་ཞེས་བྱ་བ་ནི་དབྱར་ཁང་ལས་གཞན་དུ་ཉི་མ་ནུབ་པར
114b4 བྱེད་ནའོ། །གཞན་ནི་སྔ་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་ཉིན་པར་གཅིག་པུ་ཕྱི་རོལ་དུ་གནས་པར་བྱེད་ན་ཇི་ལྟར་ཡང་རུང་སྟེ། ཐམས་ཅད་དུ་དགེ་འདུན་ལྷག་མར་འགྱུར་རོ། །དགེ་ཚུལ་མ་དང་ལྷན་ཅིག་ཕྱི་རོལ་དུ
114b5 གནས་པར་བྱེད་ན་ཉེས་པ་སྦོམ་པོར་འགྱུར་རོ། །དགེ་སློང་མ་དང་ཕྱི་རོལ་དུ་ལྷན་ཅིག་གནས་པར་བྱེད་ན་ཉེས་བྱས་སོ། །གལ་ཏེ་ཕྱི་བཞིན་འབྲང་བའི་དགེ་སྦྱོང་མ་ཤི་བར་གྱུར་ཏམ། ཉམས་པར་གྱུར་ཏམ། བྲོས་པར་གྱུར་ཏམ། བབས་པར་གྱུར་ན
114b6 ལྟུང་བ་མེད་དོ། །དགེ་སློང་མའི་རྣམ་པར་འབྱེད་པ་ལས་དགེ་འདུན་ལྷག་མ་བདུན་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོ་གཅིག་པུ་ལམ་པོ
114b7 ཆེའི་བཞི་མདོ་དག་ཏུ་འདུག་ནས་དོན་འཐུན་ཐམས་ཅད་ཆས་ནས་ལམ་དུ་ཞུགས་ཏེ་གྲོང་ཁྱེར་ཆེན་པོ་གང་དང་གང་དུ་འགྲོ་བའི་གྲོང་ཁྱེར་ཆེན་པོ་དེ་དང་དེར་རྒྱང་གྲགས་དང་རྒྱང་གྲགས་ཕྱེད་ཙམ་དུ་འགྲོ་བར་བྱེད་ཅིང་ལྡོག་པར་ཡང་བྱེད་དོ། །དེ
114b8 བཞིན་དུ་ཇི་ཙམ་ན་ཉི་མ་ནུབ་པ་ན་དབྱར་ཁང་དུ་འོངས་ནས་གཞོན་རབས་དག་ལ་འདི་སྐད་ཅེས་སྨྲས་སོ། །ད་བདག་གི་རྒྱབ་རྫིས་ཤིག་།བདག་གི་རྐེད་པ་དང་། རྩིབ་ལོགས་རྫིས་ཤིག་།དེ་དག་གིས་འདི་སྐད་ཅེས་སྨྲས་སོ། །འཕགས་མ་གར
iiif viewer powered by OpenSeadragon
