| e-texts navigator |
| Wylie |
114a1 བདག་གི་ཕུ་ནུ་མོ་དུས་ལས་འདས་པའི་དེ་ནའོ། །དེ་དག་གིས་སྨྲས་པ། གལ་ཏེ་འགའ་ཞིག་གིས་ཁྱོད་བརྟུལ་ཞུགས་དང་ཕྲལ་ན་ཁྱོད་ཀྱིས་ཅི་བྱར་ཡོད། དེས་འདི་སྐད་ཅེས་སྨྲས་སོ། །གལ་ཏེ་བདག་གིས་ཁ་རོག་པར་མ་འདུག
114a2 ན་དེང་ཉིད་དུ་བདག་བརྟུལ་ཞུགས་དང་བྲལ་བར་གྱུར་ཏོ་ཞེས་བྱ་བའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་སོ་ཞེས་བྱ་བ་ནས་བསླབ་པ་བཅས་པའི་བར་དུའོ། །ཡང་དགེ་སློང་མ་གང་མཚན་མོ་གཅིག་པུ་ཕྱི་རོལ་དུ་གནས་པར་བྱེད་ན་ཆོས་འདི་ཡང་དང
114a3 པོ་ཉིད་ཀྱིས་ལྟུང་བར་འགྱུར་ལ། ངེས་པར་འབྱུང་བ་དང་བཅས་པ་སྟེ་དགེ་འདུན་ལྷག་མར་འགྱུར་རོ། །ཡང་དགེ་སློང་མ་གང་ཞེས་བྱ་བ་ནི་མཛའ་ཅན་མའོ་མཚན་མོ་ཞེས་བྱ་བ་ནི་ཉི་མ་ནུབ་ནས་སོ། །གཅིག་པུ་ཞེས་བྱ་བ་ནི་གཉིས་པ་མེད་པར་རོ། །ཕྱི་རོལ་དུ་གནས
114a4 པར་བྱེད་ན་ཞེས་བྱ་བ་ནི་དབྱར་ཁང་ལས་གཞན་དུ་སྐྱ་རེང་ཤར་བར་བྱེད་ནའོ། །གཞན་དག་ནི་སྔ་མ་བཞིན་ནོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་མ་མཚན་མོ་གཅིག་པུ་ཕྱི་རོལ་ཏུ་གནས་པར་བྱེད་ན་ཇི་ལྟར་གྱུར་ཀྱང་རུང་སྟེ་དགེ་འདུན་ལྷག་མར
114a5 འགྱུར་རོ། །དགེ་ཚུལ་མ་དང་ལྷན་ཅིག་ཕྱི་རོལ་དུ་གནས་པར་བྱེད་ན་ཉེས་པ་སྦོམ་པོར་འགྱུར་རོ། །དགེ་སློང་མ་དང་ལྷན་ཅིག་ཕྱི་རོལ་དུ་གནས་པར་བྱེད་ན་ཉེས་བྱས་སོ། །གལ་ཏེ་ཕྱི་བཞིན་འབྲང་བའི་དགེ་སློང་མ་ཤི་བར་གྱུར་ཏམ། ཉམས་པར་གྱུར
114a6 ཏམ། བྲོས་པར་གྱུར་ཏམ། བབས་པར་གྱུར་ན་ལྟུང་བ་མེད་དོ། །དགེ་སློང་མའི་རྣམ་པར་འབྱེད་པ་ལས་དགེ་འདུན་ལྷག་མ་དྲུག་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོ་བྲམ་ཟེ་དང་ཁྱིམ་བདག་གིས་ཁྱིམ་དག་ན་གཅིག་པུ་ཉི
114a7 མ་ནུབ་ནུབ་ཏུ་ཆོས་འཆད་པར་བྱེད་དོ། །ཉི་མ་ནུབ་པ་དང་དབྱར་ཁང་དུ་འོངས་ནས་དེས་དགེ་སློང་མ་དག་ལ་འདི་སྐད་ཅེས་སྨྲས་སོ། །ཁོ་མོའི་རྒྱབ་དང་རྐེད་པ་དག་རྫིས་ཤིག་།དེ་དག་གིས་དྲིས་པ། འཕགས་མ་ཁྱོད་གང་ནས་འོངས། དེས་འདི་སྐད་ཅེས་སྨྲས
114a8 སོ། །བྲམ་ཟེ་དང་ཁྱིམ་བདག་རྣམས་ལ་ཆོས་བསྟན་པ་ནས་སོ། །ཁྱོད་ཀྱི་ཕྱི་བཞིན་འབྲང་བའི་དགེ་སློང་མ་སུ་དང་ལྷན་ཅིག་སོན། དེས་སྨྲས་པ། ཁོ་མོ་གཅིག་པུ་སོན་ཏོ། །དེ་དག་གིས་སྨྲས་པ། གལ་ཏེ་འགའ་ཞིག་གིས་ཁྱོད་བརྟུལ་ཞུགས་དང་ཕྲལ་ན་ཁྱེད་ཀྱིས་ཅི་བྱར་ཡོད།
iiif viewer powered by OpenSeadragon
