| e-texts navigator |
| Wylie |
113b1 དགེ་སློང་མ་ལ་འདི་སྐད་ཅེས་ཁྱོད་ཚུར་མ་ཆགས་པར་གྱུར་ནས་སྐྱེས་པ་ཆགས་པ་ལས་ཅུང་ཟད་ལོང་ལ་བདག་གིར་གྱིས་ཤིག་ཅེས་ཟེར་ན་ཐམས་ཅད་དུ་དགེ་འདུན་ལྷག་མར་འགྱུར་རོ། །དགེ་སློང་མའི་རྣམ་པར་འབྱེད་པ་ལས་དགེ་འདུན་ལྷག་མ་ལྔ
113b2 པ་རྫོགས་སྷོ། ། །།དགེ་སློང་མའི་འདུལ་བ་རྣམ་པར་འབྱེད་པ། བམ་པོ་དགུ་པ། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །གང་གི་ཚེ་དགེ་སློང་མ་མཛའ་མོ་རང
113b3 གིས་ཁས་བླངས་པས་བསྙིལ་བ་དེའི་ཚེ་སྐྱེས་པས་བླངས་ནས་ཁྱིམ་གྱི་འཚོ་ཚིས་བྱེད་དུ་བཅུག་ཅིང་དེ་དང་རྩེ་བར་བྱེད་པ་ན་བུ་དང་བུ་མོ་དག་ཀྱང་སྐྱེས་སོ། །དེ་དུས་གཞན་ཞིག་ན་ནད་ཀྱིས་ཐེབས་པ་དང་། དེའི་ཕུ་ནུ་མོ་དགེ་སློང་མ་མཛའ་ཅན
113b4 མ་ཞེས་བྱ་བས་དེ་ནད་ཀྱིས་ཐེབས་པར་ཐོས་ནས་བལྟ་བའི་ཕྱིར་གཅིག་པུ་སོང་སྟེ་དེས་དེ་ལ་བལྟས་ནས་སླར་ལོག་གོ། །དེ་ནས་མཛའ་མོས་ཕུ་ནུ་མོ་ལ་འདི་སྐད་ཅེས་འཕགས་མ་གལ་ཏེ་ན་བདག་དོ་མོད་འགུམ་ཡང་གངས་མ་བཞུད་པར་འདིར
113b5 བཞུགས་ཤིག་ཅེས་སྨྲས་པ་དང་། དེ་ཡང་དེར་འདུག་གོ། །དེ་ནས་མཛའ་མོ་ཡང་དེ་ཉིད་ཀྱི་ནུབ་མོ་དུས་ལས་འདས་སོ། །དེ་ནས་མཛའ་མོའི་ཁྱོས་མྱ་ངན་བྱ་བར་བརྩམས་པ་དང་། དེའི་གྲོགས་པོ་ཞིག་གིས་སྨྲས་པ། འདི་ནི་དེའི་ཕུ་ནུ་མོ་མཛའ་ཅན
113b6 མ་ཞེས་བྱ་བ་ཡིན་གྱིས་དེ་ཉིད་བླངས་པར་གྱིས་ཤིག་། དེ་ནས་མཛའ་མོའི་ཁྱོས་མཛའ་ཅན་མ་ལ་འདི་སྐད་ཅེས་སྨྲས་སོ། །གལ་ཏེ་མཛའ་ཅན་མ་སྤྲོ་ན་ཁྱིམ་འདི་དང་། མཛའ་མོའི་བུ་དང་། བུ་མོ་དག་ཡོངས་སུ་སྐྱོངས་ཤིག་།མཛའ་ཅན་མ་འདི་སྙམ་དུ་གལ་ཏེ
113b7 འདིར་ཅུང་ཟད་ཅིག་སྨྲས་ན་དེ་ཉིད་དུ་བདག་བརྟུལ་ཞུགས་དང་ཕྲལ་བར་འགྱུར་བས་མི་སྨྲ་བར་བྱའོ་སྙམ་དུ་བསམས་ནས་ནམ་ནངས་པ་དང་དེ་འགྲོ་བར་བྱས་སོ། །དེ་ནས་སྐྱེས་པ་དེས་མཛའ་ཅན་མ་ལ་འདི་སྐད་ཅེས་སྨྲས་སོ། །འཕགས་མ་ཁྱིམ་འདི་ཁྱོད་ཀྱི
113b8 ལགས་ཀྱིས་མ་བཞུད་ཅིག་། དེས་འདི་སྐད་ཅེས་སྨྲས་སོ། །ཁྱོད་ཀྱི་ཁྱིམ་བཙོན་རར་གྱུར་ཅིག་།ཁྱོད་ཀྱི་ཁྱིམ་མེས་ཚིག་པར་གྱུར་ཅིག་སྨྲས་ནས་སོང་ངོ་། །དེ་ལ་དགེ་སློང་མ་རྣམས་ཀྱིས་ཁྱོད་མདང་གསུམ་ག་ལ་ཉལ་ཉལ་ཞེས་དྲིས་པ་དང་། དེས་སྨྲས་པ།
iiif viewer powered by OpenSeadragon
