| e-texts navigator |
| Wylie |
109b1 མདོག་ཀྱང་མཐོང་ནས་ཆ་འདིས་བརྒལ་ཏོ་ཞེས་སྨྲས་སོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས་གང་གི་ཚེ་བཅོམ་ལྡན་འདས་ཀྱིས་དགེ་སློང་རྣམས་ལ་བསླབ་པའི་གཞི་བཅའ་བར་མཛད་པ་དེའི་ཚེ་དགེ་སློང་མ་རྣམས
109b2 ཀྱིས་ཆ་དེས་ཨུཏྤ་ལའི་མདོག་ལ་བརྒལ་ཏོ། །སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་སོ། །དགེ་སློང་རྣམས་ཀྱིས་ཀྱང་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅས་པའི་བར
109b3 དུའོ། །ཡང་དགེ་སློང་མ་གང་ཁྲོས་ཤིང་ཞེ་སྡང་མ་སྤངས་པས་ཅི་ནས་ཀྱང་འདི་ཚངས་པར་སྤྱོད་པ་དང་དབྲལ་ལོ་སྙམ་ནས་དགེ་སློང་མ་དག་པ་ལྟུང་བ་མེད་པ་ལ་རྩོད་པ་གཞན་གྱི་ཆ་མ་ཡིན་པའི་ཆ་ཅུང་ཟད་ཙམ་གྱིས་ཆོས་འགའ་ཞིག་བླངས་ནས་དགེ་སློང་མ་ཕས་ཕམ་པ་མ
109b4 བྱུང་བ་ལ་ཕས་ཕམ་པའི་ཆོས་ཀྱིས་སྐུར་པ་ལས་དེ་ཡང་དུས་གཞན་ཞིག་ན་དྲིས་ཀྱང་རུང་མ་དྲིས་ཀྱང་རུང་རྩོད་པ་དེ་ཉིད་ཀྱང་གཞན་གྱི་ཆ་མ་ཡིན་ཞིང་། རྩོད་པ་དེ་ཡང་གཞན་གྱི་ཆ་མ་ཡིན་པའི་ཆ་ཅུང་ཟད་ཙམ་གྱི་ཆོས་འགའ་ཞིག་བླངས་པར་གྱུར་ལ་དགེ
109b5 སློང་མ་ཞེ་སྡང་ལ་གནས་པས་ཞེ་སྡང་གིས་སྨྲས་སོ་ཞེ་ན། ཆོས་འདི་དང་པོ་ཉིད་ཀྱིས་ལྟུང་བར་འགྱུར་ལ། ངེས་པར་འབྱུང་བ་དང་བཅས་པ་སྟེ་དགེ་འདུན་ལྷག་མར་འགྱུར་རོ། །ཡང་དགེ་སློང་མ་གང་ཞེས་བྱ་བ་ནི་མཛའ་མོའོ། །ཁྲོས་ཤིང
109b6 ཞེས་བྱ་བའི་བར་ནི་སྔ་མ་བཞིན་ནོ། །རྩོད་པ་ཞེས་བྱ་བ་ནི་རྩོད་པ་བཞི་པོ་རྣམས་ཏེ་སྔ་མ་བཞིན་ནོ། །གཞན་གྱི་ཆ་མ་ཡིན་པ་ཞེས་བྱ་བ་ལ། གཞན་ཞེས་བྱ་བ་ནི་མྱ་ངན་ལས་འདས་པའོ། །དེའི་ཆ་མ་ཡིན་པ་ནི་ཕས་ཕམ་པར་འགྱུར་བའི་ཆོས
109b7 བརྒྱད་པོ་དག་གོ། །ཆ་ཅུང་ཟད་ཙམ་ཞེས་བྱ་བ་ནི་རི་དགས་དང་། རི་དགས་མོ་དག་ལྟ་བུའོ། །ཆོས་ཤེས་བྱ་བ་ནི་ཆོས་མ་ཡིན་པ་ལ་ཆོས་ཀྱི་སྒྲར་གསུངས་པའོ། །བླངས་ནས་ཞེས་བྱ་བ་ནི་བཟུང་ནས་སོ། །དགེ་སློང་མ་ཕས་ཕམ་པ་མ་བྱུང་བ་ལ་ཞེས་བྱ་བ་ནི
109b8 ཨུཏྤ་ལའི་མདོག་གོ། །ཕས་ཕམ་པའི་ཆོས་ཤེས་བྱ་བ་ནི་ཕས་ཕམ་པ་བརྒྱད་པོ་གང་ཡང་རུང་བས་སོ། །སྐུར་པ་ལས་ཞེས་བྱ་བ་ནི་སྐུར་པ་བཏབ་པ་ལས་སོ་ཞེས་བྱ་བ་ནས་གཞི་མེད་པའི་བསླབ་པའི་གཞི་ཇི་ལྟ་བ་བཞིན་དུ་ཐམས་ཅད་སྔ་མ་བཞིན
iiif viewer powered by OpenSeadragon
