| e-texts navigator |
| Wylie |
53a1 དང་། ལམ་གྱིས་འཚོ་བ་དག་དང་། ལམ་གོལ་བས་འཚོ་བའི་མི་དག་གིས་སྤྱིལ་བུ་བཅོམ་ཞིང་རྣམ་པར་དཀྲུགས་ཏེ། རྩཝ་དང་། ཤིང་ཐམས་ཅད་ཀྱང་ཁྱེར་རོ། །དེའི་འོག་ཏུ་སྔོན་རྫ་མཁན་དགེ་སློང་ནོར་ཅན་འོངས་པ་དང་། སྔོན
53a2 རྫ་མཁན་དགེ་སློང་ནོར་ཅན་གྱིས་སྤྱིལ་བུ་བཅོམ་ཞིང་རྣམ་པར་དཀྲུགས་ཏེ། རྩཝ་དང་། ཤིང་ཐམས་ཅད་ཀྱང་ཁྱེར་བ་མཐོང་ངོ་། །མཐོང་ནས་ཡང་རྩཝ་དང་། ཤིང་བླངས་ཏེ་སྤྱིལ་བུ་གཞན་བྱེད་དོ། །སྔོན་རྫ་མཁན་དགེ་སློང་ནོར་ཅན་ལན
53a3 གཉིས་ལན་གསུམ་དུ་རྒྱལ་པོའི་ཁབ་ཏུ་སྤྱོད་ཡུལ་དུ་ཞུགས་པ་དང་། རྒྱལ་པོའི་ཁབ་ཀྱི་མི་བ་ལང་རྫི་དག་དང་། ཕྱུགས་རྫི་དག་དང་། རྩཝ་ཐུན་དག་དང་། ཤིང་ཐུན་དག་དང་། ལམ་གྱིས་འཚོ་བ་དག་དང་། ལམ་གོལ་བས་འཚོ་བའི་མི་དག་གིས
53a4 སྤྱིལ་བུ་བཅོམ་ཞིང་རྣམ་པར་དཀྲུགས་ཏེ། རྩཝ་དང་། ཤིང་ཐམས་ཅད་ཀྱང་ཁྱེར་རོ། །དེའི་འོག་ཏུ་སྔོན་རྫ་མཁན་དགེ་སློང་ནོར་ཅན་འོངས་པ་དང་། སྔོན་རྫ་མཁན་དགེ་སློང་ནོར་ཅན་གྱིས་སྤྱིལ་བུ་བཅོམ་ཞིང་རྣམ་པར་དཀྲུགས་ཏེ། རྩཝ་དང་། ཤིང
53a5 ཐམས་ཅད་ཀྱང་ཁྱེར་བ་མཐོང་ངོ་། །དེ་ནས་སྔོན་རྫ་མཁན་དགེ་སློང་ནོར་ཅན་འདི་སྙམ་དུ་སེམས་ཏེ། འདི་ལྟར་བདག་རྒྱལ་པོའི་ཁབ་ཏུ་སྤྱོད་ཡུལ་དུ་ཞུགས་པ་དང་རྒྱལ་པོའི་ཁབ་ཀྱི་མི་བ་ལང་རྫི་དག་དང་། ཕྱུགས་རྫི་དག་དང་། རྩཝ་ཐུན
53a6 དག་དང་། ཤིང་ཐུན་དག་དང་། ལམ་གྱིས་འཚོ་བ་དག་དང་། ལམ་གོལ་བས་འཚོ་བའི་མི་དག་གིས་ལན་གསུམ་གྱི་བར་དུ་སྤྱིལ་བུ་བཅོམ་ཞིང་རྣམ་པར་དཀྲུགས་ཏེ། རྩཝ་དང་། ཤིང་ཐམས་ཅད་ཀྱང་ཁྱེར་བ་ནི་ཀྱེ་མའོ་སྡུག་བསྔལ། ཀྱེ་མའོ་མི
53a7 བཟད་དེ། བདག་ཕའི་བཟོའི་གནས་དང་། ལས་ཀྱི་གནས་ལ་མཁས་ཀྱིས་བདག་གི་གནས་ཁང་ཐམས་ཅད་ས་ལས་བྱས་པ་ཞིག་བྱའོ་སྙམ་མོ། །དེ་ནས་སྔོན་རྫ་མཁན་དགེ་སློང་ནོར་ཅན་གྱིས་ལུས་ཀྱིས་ས་དག་བསྐྱས་ཤིང་བསྐྱས་ཤིང་སྲོག
53a8 ཆགས་མེད་པའི་ཆུས་སྦངས་ཏེ། གནས་ཁང་གི་གཞིའི་རྨང་དང་། ཐོག་དང་། ཀ་བ་དང་། སྟེང་རིམ་རྩིག་པར་བྱེད་ཅིང་། ཆོས་གོས་ཀྱི་རྡང་ཁུང་དང་། ཆོས་གོས་ཀྱི་རྡང་དང་། སྟེགས་དང་། ཁྲི་དང་། ཁྲིའུ་དང་། ཨན་ཁྲིའུ་དང་། སྒོ་སྐྱེས་དག་ཀྱང་བྱེད་དོ་དེ
iiif viewer powered by OpenSeadragon
