| e-texts navigator |
| Wylie |
50b1 ཀྱིས་ན་འཇིག་རྟེན་དུ་མུན་པ་བྱུང་ན་འཇིག་རྟེན་དུ་ཉི་མ་དང་ཟླ་བ་དག་ཀྱང་འབྱུང་བར་འགྱུར་རོ། །འཇིག་རྟེན་དུ་རྒྱུ་སྐར་དག་དང་། མཚན་མོ་དང་། ཉིན་མོ་དག་དང་། སྐད་ཅིག་དང་། ཐང་ཅིག་དང་། ཡུད་ཙམ་དག་དང་། ཟླ་བ་དང་། ཟླ་བ
50b2 ཕྱེད་དང་། དུས་ཚིགས་དང་། ལོ་དག་ཀྱང་འབྱུང་བར་འགྱུར་རོ། །དེ་དག་དེ་ཟ་ཞིང་ཟས་དེ་དང་ལྡན་ལ་ཚེ་རིང་ཞིང་ཡུན་རིང་དུ་གནས་སོ། །དེ་དག་ལས་གང་ཟས་ཆེས་ཆུང་ངུ་ཟ་བ་དེ་ནི་ཁ་དོག་དང་ལྡན་པར་འགྱུར་ལ། གང
50b3 ཟས་ཆེས་ཆེར་ཟ་བ་དེ་ནི་ཁ་དོག་ངན་པར་འགྱུར་རོ། །དེ་ལྟར་ཟས་རྣམ་གཉིས་ཉིད་ལ་བརྟེན་ནས་ཁ་དོག་རྣམ་གཉིས་ཉིད་དུ་མངོན་ལ། ཁ་དོག་རྣམ་གཉིས་ཉིད་དུ་གྱུར་པ་ན་སེམས་ཅན་གྱིས་སེམས་ཅན་ལ་ཀྭའེ་སེམས་ཅན
50b4 ང་ནི་ཁ་དོག་དང་ལྡན་པ་ཡིན་ལ། ཁྱོད་ནི་ཁ་དོག་ངན་པ་ཡིན་ནོ་ཞེས་ཁྱད་དུ་གསོད་པར་བྱེད་དོ། །དེ་དག་ཁ་དོག་གིས་མངོན་པའི་ང་རྒྱལ་ཅན་དུ་གྱུར་པ་ན་སྡིག་པ་ཅན་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་རྒྱུས་སའི་བཅུད་མེད
50b5 པར་གྱུར་ཏོ། །དགེ་སློང་དག་སེམས་ཅན་དེ་དག་སའི་བཅུད་མེད་པར་གྱུར་པ་ན་འདུས་ཤིང་ལྷགས་ནས་མྱ་ངན་བྱེད། སྒྱིད་ལུག་པར་བྱེད། སྨྲེ་སྔགས་འདོན་པར་བྱེད་ཅིང་འདི་སྐད་ཅེས་ཀྱེ་མའོ་བཅུད། ཀྱེ་མའོ་བཅུད་ཅེས་ཀྱང་ཟེར་ཏེ། འདི
50b6 ལྟ་སྟེ། དཔེར་ན་དེང་སང་མི་དག་ཟས་ཞིམ་པ་བཟང་པོ་ཅུང་ཞིག་རྙེད་ནས་ཡི་གེ་དང་སྦྱར་བ་དང་ཚིག་རྙིང་པ་དེ་དག་ཉིད་ཀྱིས་རྗེས་སུ་ཐ་སྙད་འདོགས་ཤིང་འདི་སྐད་ཅེས་ཀྱེ་མའོ་བཅུད། ཀྱེ་མ་འོ་བཅུད་ཅེས་ཀྱང་ཟེར་བ
50b7 དེ་བཞིན་དུ། སེམས་ཅན་དེ་དག་ཀྱང་སའི་བཅུད་མེད་པར་གྱུར་པ་ན་འདུས་ཤིང་ལྷག་ནས་མྱ་ངན་བྱེད། སྒྱིད་ལུག་པར་བྱེད། སྨྲེ་སྔགས་འདོན་པར་བྱེད་ཅིང་འདི་སྐད་ཅེས་ཀྱེ་མའོ་བཅུད། ཀྱེ་མ
50b8 འོ་བཅུད་ཅེས་ཟེར་ཡང་སྨྲས་པ་འདིའི་དོན་ནི་འདིའོ། །སྨྲས་པ་འདིའི་དོན་ནི་འདིའོ་ཞེས་སྨྲས་པ་དེའི་དོན་ནི་མི་ཤེས་སོ། །དགེ་སློང་དག་སེམས་ཅན་དེ་དག་གི་སའི
iiif viewer powered by OpenSeadragon
