| e-texts navigator |
| Wylie |
48a1 འཕགས་པ་བཤོས་བསོད་པ་གསོལ་ལ་ཡུང་མར་གྱི་སྐུ་དག་བསྐུས་ཏེ་གདུགས་ལ་བཞུགས་ཤིག་དང་ཁྱོད་སོས་པར་འགྱུར་རོ། །བཞིན་བཟངས་ཁོ་བོ་ལ་ཡུངས་མར་སྩོལ་ཅིག་།འཕགས་པ་བདག་ཅག་སྨན་པ་དག་ནི་སྨན་སྟོན
48a2 པ་ལགས་ཀྱི་འབུལ་བ་ནི་མ་ལགས་ཏེ། གལ་ཏེ་རེ་རེ་ལ་ཡང་འབུལ་ན་བདག་ཅག་ལ་འཚལ་མ་ཡང་མ་མཆིས། རད་པ་ཡང་མ་མཆིས་པར་འགྱུར་རོ། །འདི་ལྟར་ཁྱིམ་བདག་ཆེ་གེ་མོ་ཞིག་ལ་བྲོ་ནད་འདི་ལྟ་བུ་བྱུང་བར་གྱུར་ནས། བདག་གིས་དེའི
48a3 གཡན་པའི་ནད་རབ་ཏུ་ཞི་བར་འགྱུར་བའི་ཡུངས་མར་བསྐོལ་གྱིས་དེའི་གན་དུ་བཞུད་ལ་སློངས་ཤིག་། བཞིན་བཟངས་མི་སྟེར་བར་འགྱུར་རོ། །འཕགས་པ་བཞུད་ཅིག་དང་དེ་དད་པ་ཅན་ལགས་པས་འབུལ་བར་འགྱུར་རོ། །བཞིན་བཟངས་ཨ
48a4 རོག་ཁྱ་དོན་གྱིས་ན་ཁྱོད་ཉིད་ཀྱིས་བྱིན་ནོ་ཞེས་སྨྲས་ཏེ་སོང་ནས་ཁྱིམ་བདག་དེའི་ཁྱིམ་ག་ལ་བ་དེར་སོང་བ་དང་། ཁྱིམ་བདག་དེས་ཐག་རིང་པོ་ནས་མཐོང་ནས་སྨྲས་པ། འཕགས་པ་ཁྱོད་ལ་གཡན་པའི་སྙུན་བྱུང་ངམ། བཞིན་བཟངས་དེ་དེ
48a5 བཞིན་ནོ། །འཕགས་པ་ཡུངས་མར་གྱིས་སྐུ་དག་བསྐུས་ཏེ་གདུགས་ལ་བཞུགས་ཤིག་དང་ཁྱོད་སོས་པར་འགྱུར་རོ། །བཞིན་བཟངས་དེའི་དོན་ཁོ་ནར་ཁོ་བོ་འོངས་ཏེ་ཁོ་བོས་ཁྱོད་ལ་གཡན་པའི་ནད་རབ་ཏུ་ཞི་བར་འགྱུར་བའི་ཡུངས་མར
48a6 ཡོད་པར་ཤེས་ཀྱིས་དེ་བྱིན་ཅིག་དང་། ཁྱོད་ལ་བསོད་ནམས་སུ་འགྱུར་རོ། །འཕགས་པ་དམ་ཚིག་ལ་དབུལ་བར་བགྱིད་སྟེ། གལ་ཏེ་བདག་ལས་བསོད་སྙོམས་གསོལ་བར་འགྱུར་ནའོ། །བཞིན་བཟངས་བཟའ་བར་བྱའོ། །ཁྱིམ་བདག་དེས
48a7 དེ་ཟས་བསོད་པས་ཚིམ་པར་བྱས་ནས་གཡན་པའི་ནད་རབ་ཏུ་ཞི་བར་འགྱུར་བའི་ཡུངས་མར་གྱིས་ལྷུང་བཟེད་ཆུང་ངུ་འགེངས་སུ་བཅུག་སྟེ་བྱིན་ནོ། །དགེ་སློང་དེས་ཨ་རོག་ཁྱ་ཞེས་བརྗོད་དེ་སོང་ནས་དགོན་པའི་གནས་སུ་སོང་སྟེ་དམ་དུམ
48a8 ད་ཨག་གྱོན་ནས་ཡུངས་མར་དེས་ལུས་དག་བསྐུས་ཏེ་ཉི་མ་ལ་འདུག་པ་དང་དེ་ལ་བདེ་བའི་འདུ་ཤེས་སྐྱེས་པར་གྱུར་ནས་གཉིད་ལོག་པ་དང་དེའི་ཡན་ལག་གི་རྣམ་པ་སྲོག་ཆགས་ཨུད་ཙ་ཏིང་གས་ཟིན་ཅིང་ལས་སུ་རུང་བར་གྱུར་ནས་དེའི་གོས
iiif viewer powered by OpenSeadragon
