| e-texts navigator |
| Wylie |
46a1 གི་ལས་དག་གིས་དུས་ལ་བབ་བོ། །གཉིས་པ་བླངས་པ་དང་དེ་ཡང་དུས་ལ་བབ་བོ། །དེ་བཞིན་དུ་ཆུང་མ་བདུན་པའི་བར་དུ་བླངས་པ་དང་དེ་ཡང་དུས་ལ་བབ་བོ། །ཁྱིམ་བདག་དེ་ཡང་སྐུར་པ་གདབ་པར་འགྱུར་བའི་ལས་དག
46a2 གིས་ཆུང་མ་གསོད་པ་ཆུང་མ་གསོད་པ་ཞེས་བྱ་བའི་མིང་དུ་གྱུར་ཏོ། །ཁྱིམ་བདག་དེས་ཡང་བུ་མོ་བསླངས་པ་དང་། མི་སྟེར་ཅིང་ངེད་ཀྱིས་ཅིའི་ཕྱིར་བུ་མོ་ཡོངས་སུ་གཏང་མི་སྦྱིན་ནོ་ཞེས་ཀྱང་ཟེར་རོ། །ཁྱིམ་བདག་དེས་ཡུགས
46a3 ས་མོ་དག་བསླངས་པ་དང་། ཡུགས་ས་མོ་དེ་དག་ཀྱང་ཁོ་མོ་ཅག་གིས་ཅིའི་ཕྱིར་བདག་ཡོངས་སུ་གཏང་ན་ཁྱོད་ཀྱི་ཁྱིམ་དུ་འཇུག་ཅེས་ཟེར་རོ། །ཁྱིམ་བདག་དེ་རྣམ་པ་ཐམས་ཅད་དུ་ཡི་ཆད་ནས་རང་ཉིད་ཀྱིས་ཁྱིམ་གྱི་སོ་ཚིས་དག་བྱ་བར
46a4 བརྩམ་པ་དང་། དུས་གཞན་ཞིག་ན་ཁྱིམ་བདག་དེའི་ཆུང་པོ་གྲོགས་ཤིག་འོངས་ནས་དེས་ཁྱིམ་བདག་དེ་མཐོང་ནས་དྲིས་པ་དང་། ཁྱོད་ཅི་བྱེད། ཁྱིམ་གྱི་སོ་ཚིས་དག་བྱེད་དོ། །དེས་སྨྲས་པ། ཁྱོད་ཅིའི་ཕྱིར་རང་ཉིད་ཀྱིས་ཁྱིམ
46a5 གྱི་སོ་ཚིས་བྱེད། ཁྱིམ་བདག་གིས་སྨྲས་པ། ཁོ་བོས་ཆུང་མ་གཅིག་བླངས་པ་དང་དེ་རང་གི་ལས་དག་གིས་དུས་ལ་བབ་བོ། །གཉིས་པ་བླངས་པ་དང་དེ་ཡང་དུས་ལ་བབ་བོ། །དེ་བཞིན་དུ་ཆུང་མ་བདུན་པའི་བར་དུ་བླངས
46a6 པ་དང་དེ་ཡང་དུས་ལ་བབ་བོ། །དེས་སྨྲས་པ། གཞན་དག་ཅིའི་ཕྱིར་མི་སློང་། ཁྱིམ་བདག་གིས་སྨྲས་པ། བསླངས་ན་མི་སྟེར་ཅིང་ངེད་ཀྱིས་ཅིའི་ཕྱིར་བུ་མོ་ཡོངས་སུ་གཏང་མི་སྦྱིན་ནོ་ཞེས་ཟེར་རོ། །དེས་སྨྲས་པ། ཡུགས་ས
46a7 མོ་དག་ཅིའི་ཕྱིར་མི་སློང་། ཁྱིམ་བདག་གིས་སྨྲས་པ། བསླངས་ཏེ་དེ་དག་ཀྱང་ཁོ་མོ་ཅག་གིས་ཅིའི་ཕྱིར་བདག་ཡོངས་སུ་གཏང་ན་ཁྱོད་ཀྱི་ཁྱིམ་དུ་འཇུག་ཅེས་ཟེར་རོ། །ཁྱིམ་བདག་དེའི་ཁྱིམ་གྱི་ཧ་ཅང་ཡང་མི་རིང་བ་ན་ཚོགས་ཅན་མ་རྒན་མོ་ཞིག
46a8 འདུག་ནས་ཆུང་པོ་གྲོགས་དེས་ཁྱིམ་བདག་ལ་སྨྲས་པ། ཚོགས་ཅན་མ་རྒན་མོ་དེ་ཅིའི་ཕྱིར་འཇུག་ཏུ་མི་གཞུག་།ཁྱིམ་བདག་གིས་སྨྲས་པ། ཅི་ཁོ་བོས་འཇུད་འཐུན་མའི་ཁྱིམ་བྱ་འམ། དེས་སྨྲས་པ། ཚོགས་ཅན་མ་དེ་སྡིག་པ་ཅན་དམ་པ་མ་ཡིན
iiif viewer powered by OpenSeadragon
