| e-texts navigator |
| Wylie |
45b1 སྨྲས་པ། འཕགས་པ་དག་བདག་ཅག་སྨན་པ་དག་ནི་ལུས་གསོ་བར་བགྱིད་པ་ལགས་ཀྱི་སེམས་གསོ་བར་བགྱིད་པ་མ་ལགས་ཏེ། འདི་ལྟར་འཕགས་པ་དག་ཉིད་སེམས་གསོ་བར་མཛད་པ་ལགས་པས་འཕགས་པ་དག་ཉིད་ཀྱིས་མཁྱེན
45b2 པར་འགྱུར་རོ་ཞེས་སྨྲས་ཏེ་སོང་ངོ་། །དགེ་སློང་རྣམས་ཀྱིས་མཛེས་དགའ་ལ་སྨྲས་པ། ཚེ་དང་ལྡན་པ་འདི་ན་ཁྱོད་ཀྱི་ཕ་ཡང་མེད། མ་ཡང་མེད། རྩ་ལག་གཞན་ཡང་མེད་དེ། ཚངས་པ་མཚུངས་པར་སྤྱོད་པ་ངེད་ཅག་ཁོ་ནར་ཟད་པས་ངེད
45b3 ཀྱིས་ཁྱོད་ཀྱི་བསྙེན་བཀུར་བྱས་ཇི་ལྟར་གྱུར་པ་སྨྲོས་ཤིག་། མཛེས་དགས་དགེ་སློང་དེ་དག་ལ་སྐབས་དེ་རྒྱས་པར་བརྗོད་དོ། །དགེ་སློང་དེ་དག་གིས་སྨྲས་པ། ཚེ་དང་ལྡན་པ་ནི་འབྲས་བུ་ཁོ་ནས་ཚ་བར་གྱུར་ཏེ། ཚེ་དང་ལྡན་པས་རབ་ཏུ
45b4 བྱུང་བ་ཙམ་ཉིད་ཀྱིས་བསྟན་པ་ལ་ཆུ་བུར་ཕྱུང་བར་གྱུར་ཏོ་ཞེས་དགེ་སློང་དེ་དག་མཛེས་དགས་སྨྲས་པ་ལ་མངོན་པར་བསྟོད་པར་ཡང་མི་བྱེད། ཕྱིར་ཟློག་པར་ཡང་མི་བྱེད་ཅིང་མངོན་པར་བསྟོད་པ་མ་བྱས། ཕྱིར་བཟློག་པ་ཡང་མ
45b5 བྱས་པར་དོང་ནས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་ཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་ལ་དགེ་སློང་དེ་དག
45b6 གིས་སྐབས་དེ་རྒྱས་པར་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེས་ཀྱང་མི་གཏི་མུག་ཅན་དེ་ཕམ་པར་གྱུར་ཏོ། །དགེ་སློང་གི་སེམས་སྟེན་པ་ལ་གཞོལ་བ་དང་། སྟེན་པ་ལ་འབབ་པ་དང་། སྟེན་པ
45b7 ལ་བབ་པར་གྱུར་ཅིང་དེ་སེམས་སྟེན་པ་ལ་གཞོལ་བ་དང་། སྟེན་པ་ལ་འབབ་པ་དང་། སྟེན་པ་ལ་བབ་པས་ཟག་བྱེད་ཟག་བྱེད་ཀྱི་ཕྱི་རོལ་ཏུ་དྲུད་ཅིང་ནང་དུ་འབོ་བ་དང་། ནང་དུ་དྲུད་ཅིང་ཕྱི་རོལ་ཏུ་འབོ་བར་བྱེད་ན་ཕམ་པར་འགྱུར་རོ། །
45b8 སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་པ་དང་། ཆུང་མ་དེ་རང
iiif viewer powered by OpenSeadragon
