| e-texts navigator |
| Wylie |
44b1 བསྒོའོ། །མཛེས་དགའ་སྤྱོད་ཡུལ་ལ་མི་མཁས་པས་བསོད་སྙོམས་སྒྲུབ་པ་ན་འཇུད་འཐུན་མའི་ཁྱིམ་དེ་ཉིད་དུ་ཕྱིན་པ་དང་། བུ་མོ་མངག་གཞུག་མ་དེས་མཐོང་ནས་ཡོངས་སུ་དགའ་བས་བཟང་མོ་ལ་ཇོ་མོ་མཛེས་དགའ་ཁབ་སྒོར་མཆིས་སོ། །
44b2 ཞེས་སྦྲན་ཏོ། །བཟང་མོས་སྨྲས་པ། འཇུག་ཏུ་ཆུག་ཤིག་།བུ་མོས་སྨྲས་པ། རབ་ཏུ་བྱུང་ངོ་། །བཟང་མོས་སྨྲས་པ། རབ་ཏུ་བྱུང་ཡང་འཇུག་ཏུ་ཆུག་ཤིག་།མངག་གཞུག་མ་དེས་མཛེས་དགའ་འཇུག་ཏུ་བཅུག་ནས་གཟུགས་འཚོང་མ་བཟང་མོས
44b3 མཐོང་བ་དང་། བཟང་མོས་བྲང་བརྡུངས་ཏེ་སྨྲས་པ། མཛེས་དགའ་ཁྱོད་ཀྱིས་ཅིའི་སླད་དུ་ངན་བུ་སྤངས་ཏེ་རབ་ཏུ་བྱུང་། མཛེས་དགས་སྨྲས་པ། སྐལ་ཆད་མ་ཁྱོད་ཁོ་བོ་ཁོ་ནའི་མདུན་དུ་སྐྱེས་པ་གཞན་དང་ལྷན་ཅིག་དགའ་མགུར་སྤྱོད་པར
44b4 བྱེད་ན་ཁོ་བོ་ཇི་ལྟར་རབ་ཏུ་མི་འབྱུང་། བཟང་མོས་སྨྲས་པ། རྗེའི་སྲས་བུད་མེད་ཀྱི་ཡུལ་ནི་རྟག་ཏུ་ནོངས་པ་མཆིས་པས་བདག་ནོངས་པ་མཆིས་པ་དེ་བཟོད་པར་མཛོད་ཅིག་།ད་ནི་བདག་དང་རྫས་ཀྱང་ཁྱོད་ཀྱི་ལགས་ཀྱིས་ཚུར་སྤྱོན་བདག
44b5 དང་ལྷན་ཅིག་དགའ་མགུར་སྤྱད་དུ་གསོལ། མཛེས་དགས་སྨྲས་པ། དེའི་ཚེ་ཡང་ཁྱོད་ཀྱིས་ཁོ་བོ་རེ་ཤིག་ནོར་དང་དོན་འཐུན་དག་ལས་ཡོངས་སུ་ཉམས་པ་བྱས་ན། ཅི་ད་ཚུལ་ཁྲིམས་ལས་ཀྱང་ཡོངས་སུ་ཉམས་པར་བྱེད་འདོད་དམ།
44b6 བཟང་མོས་སྨྲས་པ། འཕགས་པ་སླད་རོལ་དུ་དྲུད་ཅིང་ནང་དུ་ཕོ་ལ། ནང་དུ་དྲུད་ཅིང་སླད་རོལ་ཏུ་ཕོ་ཤིག་དང་འདིས་ཚུལ་ཁྲིམས་འཆལ་བ་ཅི་མཆིས། མཛེས་དགས་དགེ་སློང་གནས་བརྟན་ནོ་ཅོག་འདིར་བསོད་སྙོམས་ལ་འཇུག་པ་དེ་དག
44b7 ཀྱང་གོར་མ་ཆག་པར་འདི་ལྟར་བྱེད་པས་དེས་ན་འདི་སྐད་ཅེས་ཟེར་རོ་སྙམ་དུ་ཤེས་ཤིང་རིག་ནས། མཛེས་དགས་ལྷུང་བཟེད་དང་ཆོས་གོས་མཐའ་གཅིག་ཏུ་གཞག་སྟེ། ཕྱི་རོལ་དུ་དྲུད་ཅིང་ནང་དུ་ཕོ། ནང་དུ་དྲུད་ཅིང་ཕྱི་རོལ་དུ་ཕོ་ནས་ཡ
44b8 མཚན་དང་བྲལ་བར་གྱུར་ཏོ། །དེ་ནས་བཟང་མོས་བཅའ་བ་དང་བཟའ་བ་གཙང་མ་བསོད་པས་ལྷུང་བཟེད་འགེངས་སུ་བཅུག་སྟེ་ཕྱིན་ནས། འཕགས་པ་གལ་ཏེ་ཡང་བཞེད་པར་གྱུར་ན་སྤྱོན་ཅིག་ཅེས་ཀྱང་སྨྲས་སོ། །མཛེས་དགས
iiif viewer powered by OpenSeadragon
