| e-texts navigator |
| Wylie |
44a1 སྨྲས་པ། བཞིན་བཟངས་ལྷུང་བཟེད་ཀྱི་ལྷག་མ་འདོད་དམ། མཛེས་དགས་གལ་ཏེ་མ་ཟོས་ན་བཀྲེས་པས་འཆི་བར་འགྱུར་བར་ཤེས་ཤིང་རིག་ནས་སྨྲས་པ། འཕགས་པ་འཚལ་ལོ། །དགེ་སློང་དེས་མཛེས་དགའ་ལ་ལྷུང
44a2 བཟེད་ཀྱི་ལྷག་མ་བྱིན་པ་དང་། མཛེས་དགས་ཟོས་སོ། །ཟོས་ནས་དྲིས་པ། བཞིན་བཟངས་ཁྱོད་ག་ལས་འོང་། མཛེས་དགས་སྨྲས་པ། འཕགས་པ་བདག་ནི་ཡུལ་སྲུང་བྱེད་དག་ན་གྲོང་ཁྱེར་འཕགས་རྒྱལ་ཞེས་བགྱི་བ་དེ་ན་དེད
44a3 དཔོན་དགའ་བོ་ཞེས་བགྱི་བ་མཆིས་པ་དེའི་བུ་མཛེས་དགའ་ཞེས་བགྱི་བ་ལགས་ཏེ། བདག་ཟོང་མང་པོ་འཚལ་ཏེ་མཆིས་པ་ལས་འཇུད་འཐུན་མས་ཚུལ་མ་ལགས་པས་གནོད་པ་བསྒྲུབས་པར་གྱུར་ཏོ། །དགེ་སློང་དེས་སྨྲས
44a4 པ། བཞིན་བཟངས་ཅིའི་ཕྱིར་རབ་ཏུ་མི་འབྱུང་། མཛེས་དགས་གལ་ཏེ་བདག་འཕགས་རྒྱལ་དུ་སོང་བར་གྱུར་ན་སུ་ཞིག་མཆིལ་མ་དག་ས་ལ་འདོར་བར་འགྱུར་ཏེ། བདག་ཁོ་ནའི་སྟེང་འབའ་ཞིག་ཏུའོ་སྙམ་དུ་ཤེས་ཤིང་རིག་ནས་སྨྲས་པ། འཕགས
44a5 པ་བདག་རབ་ཏུ་འབྱུང་ངོ་། །དགེ་སློང་དེས་མཛེས་དགའ་རབ་ཏུ་ཕྱུང་བསྙེན་པར་རྫོགས་པར་བྱས་ནས་དེའི་འོག་ཏུ་ཉི་མ་གཉིས་སམ། གསུམ་དུ་ཀུན་དུ་སྤྱད་པའི་ཆོས་དག་སློབ་ཏུ་བཅུག་ནས་སྨྲས་པ། བཞིན་བཟངས་རི་དགས་ཀྱིས་རི
44a6 དགས་མི་སོས། མཉན་ཡོད་རྒྱ་ཆེ་ལ་རང་གི་སྤྱོད་ཡུལ་དང་། ཡབ་ཀྱི་ཡུལ་ཡིན་གྱིས་བསོད་སྙོམས་བསྒྲུབས་ལ་འཚོ་བར་གྱིས་ཤིག་།མཛེས་དགའ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ
44a7 བསོད་སྙོམས་ལ་ཞུགས་སོ། །གཟུགས་འཚོང་མ་བཟང་མོ་ཡང་འགྱོད་པ་སྐྱེས་ཏེ། བདག་གིས་ཀར་ཥ་པ་ཎ་འདོད་པའི་རྒྱུས་དེད་དཔོན་མཛེས་དགའ་དེ་ཙམ་དུ་མཛེས་ཤིང་ལང་ཚོ་ལ་བབ་པ་དེ་བསྐྲད་པ་ནི་མ་ལེགས་པ་བྱས
44a8 ཏེ། ཤིན་དུ་ཐག་རིང་བར་སོང་ཡང་སྐྱེས་བུ་དེ་ལྟ་བུ་ལྷན་ཅིག་དགའ་མགུར་སྤྱད་པར་བྱ་བ་ཡིན་པར་ཤེས་ཤིང་རིག་ནས། བུ་མོ་མངག་གཞུག་མ་ལ་བུ་མོ་གལ་ཏེ་དེད་དཔོན་མཛེས་དགའ་མཐོང་ན་ཡང་འཇུག་ཏུ་ཆུག་ཤིག་ཅེས
iiif viewer powered by OpenSeadragon
