| e-texts navigator |
| Wylie |
43b1 མི་དག་དང་། །ནོར་མ་སྤྱད་པ་རྣམས་ལ་ཡང་། །སར་པའི་རྩཝ་ལ་བ་ལང་བཞིན། །བདག་ཅག་རྣམས་ཀྱིས་སྤྱད་པར་བྱ། །ཞེས་བགྱི་བ་མ་གསན་ཏམ། མཛེས་དགས་འབྱུང་བར་བརྩམས་པ་དང་། བཟང་མོས་བསམས་པ། མཛེས
43b2 དགའ་འདི་ནི་གཟུགས་བཟང་བ། བལྟ་ན་སྡུག་པ། མཛེས་པ་ཡིན་པས་ཤིན་དུ་ཐག་རིང་བར་སོང་ཡང་སྐྱེས་བུ་འདི་ལྟ་བུ་དང་ལྷན་ཅིག་རྩེ་བར་བྱ། དགའ་བར་བྱ། དགའ་མགུར་སྤྱོད་པར་བྱ་བ་ཡིན་པས་དེའི་ཕྱིར་ཇི་སྲིད་དུ་གཞན་ཀར
43b3 ཤ་པ་ཎ་དག་ཐོགས་ཏེ་མི་འོང་བ་དེ་སྲིད་དུ་འདི་དང་ལྷན་ཅིག་རྩེ་བར་བྱ། དགའ་བར་བྱ། དགའ་མགུར་སྤྱད་པར་བྱའོ་སྙམ་དུ་རིག་ནས། བཟང་མོས་མཛེས་དགའི་གོས་ཀྱི་མཐའ་ནས་བཟུང་སྟེ་འཛིན་ཅིང་སྨྲས་པ། རྗེའི་སྲས་ཁྱོད་ལ
43b4 ཁབ་ན་བཞད་གད་མི་བགྱི་དམ། དེ་ནི་བདག་གིས་བཞད་གད་བགྱིས་པ་ལགས་གྱིས་བཞེས་ཤིག་།མ་བཞུད་ཅིག་།མཛེས་དགའ་འདོད་ཆགས་ཤས་ཆེན་པོས་འདུག་པ་དང་། སྐྱེས་པ་གཞན་ཞིག་ཀར་ཥ་པཱ་ན་ལྔ་བརྒྱ་ཐོགས་ཏེ་དེར
43b5 ཞུགས་ནས། དེས་བཟང་མོ་དགའ་མགུར་སྤྱད་ཀྱིས་བཞུད་ཅེས་སྨྲས་པ་དང་། བཟང་མོ་མཛེས་དགའ་ཉིད་ཀྱི་མདུན་དུ་ཡོལ་བས་བཅད་དེ་དགའ་མགུར་སྤྱད་པར་བརྩམས་ནས། མཛེས་དགས་འདི་བདག་ཁོ་ནའི་མདུན་དུ་སྐྱེས
43b6 པ་འདི་དང་ལྷན་ཅིག་དགའ་མགུར་སྤྱོད་པར་བྱེད་དོ་སྙམ་དུ་ཤེས་ཤིང་རིག་ནས་སོང་ངོ་། །མཛེས་དགའ་ལམ་པོ་ཆེ་ལ་མི་མཁས་པས་གང་དུ་འགྲོ་བར་བྱ་བ་མི་ཤེས་ནས། ཇི་ཙམ་ན་དགེ་སློང་ཞིག་མཉན་ཡོད་དུ་བསོད་སྙོམས་ལ
43b7 བརྒྱུས་ནས་ཕྱིར་བྱུང་བ་དེ་མཛེས་དགས་མཐོང་ནས་དགེ་སློང་དེའི་ཕྱིར་ཐོག་ཐག་རྗེས་སུ་སོང་ངོ་། །དེ་ནས་དགེ་སློང་དེ་གཙུག་ལག་ཁང་དུ་སོང་སྟེ། ལྷུང་བཟེད་དང་ཆུ་ཚགས་མཐའ་གཅིག་ཏུ་བཞག་ནས་སྣམ་སྦྱར་སྤྲུགས་ཏེ
43b8 རྐང་པ་གཉིས་བཀྲུས་ནས་ལག་པ་གཉིས་བསྙལ་ཏེ། ཆུ་བཙགས་ནས་ལོ་མ་ལྷགས་པ་དག་བླངས་ཏེ། འདུག་ནས་ཟས་ཀྱི་བྱ་བ་བྱ་བར་བརྩམས་པ་དང་། མཛེས་དགའ་དེའི་མདུན་ན་འགྲེང་ངོ་། །དགེ་སློང་དེས་མཛེས་དགའ་ལ
iiif viewer powered by OpenSeadragon
