| e-texts navigator |
| Wylie |
43a1 ལྔ་བརྒྱ་ཕུལ་བར་གྱུར་པ་དེས་ཕྱིན་ཆད་འབུལ་བར་མི་བྱེད་དོ། །དེ་ནས་དུས་གཞན་ཞིག་ན་བཟང་མོས་མི་དེ་ལ་དྲིས་ཤིང་སྨྲས་པ། ཀྱེ་ཁྱོ་ག་ཅིའི་ཕྱིར་ཕྱིན་ཆད་ཀར་ཤ་པ་ཎ་དག་འབུལ་བར་མི་བྱེད། དེས་སྨྲས་པ། དོན་འཐུན
43a2 དག་དོང་བས་བདག་གིས་ག་ལས་དབུལ། ཅི་དོན་འཐུན་དག་གིས་མཛེས་དགའི་ཟོང་ཡང་ཁྱེར་རམ། ཁྱེར་རོ། །བཟང་མོས་མཛེས་དགའ་དང་ལྷན་ཅིག་ཉི་མ་གཉིས་སམ། གསུམ་དགའ་མགུར་སྤྱད་ནས་སྨྲས་པ། རྗེའི་སྲས་བདག་ལ་ཞིང
43a3 ཡང་མ་མཆིས། ལས་ཀྱི་མཐའ་བགྱིད་པ་དག་ཀྱང་མ་མཆིས། གྲོང་མི་ཟོང་མནོས་ཏེ་ཡུལ་གཞན་དུ་མཆི་བ་དག་ཀྱང་མ་མཆིས་ཏེ། ཁྱོད་ལྟ་བུ་དག་གི་དྲུང་ནས་གང་ཐོབ་པ་དེས་བདག་འཚོ་བར་འགྱུར་བ་ཁོ་ནར་བས་ན་ཡང་ན་ནི་ཀར་ཤ་པ་ཎ
43a4 དག་སྩོལ་ཅིག་། ཡང་ན་ནི་སྐྱེས་པ་གཞན་གྱི་སྐབས་དབྱེ་བ་མཛོད་ཅིག་།མཛེས་དགའས་སྨྲས་པ། བཟང་མོ་ཁྱོད་ལ་སྡུག་པ་འགའ་ཡང་མེད་དམ། བཟང་མོས་སྨྲས་པ། རྗེའི་སྲས་ཁྱོད་ཀྱིས། ཚོགས་ཅན་རྣམས་ལ་སྡུག་པ་མེད། །དེ
43a5 དག་རང་བཞིན་རིང་མི་གནས། །བྱ་རྣམས་འབྲས་མེད་ལྗོན་པ་བཞིན། །དེ་དག་རྙིང་པ་རྣམ་པར་སྤོང་ཞེས་བགྱི་བ་མ་གསན་ཏམ། མཛེས་དགས་སྨྲས་པ། བཟང་མོ་ཁྱོད་ལ་ཇི་སྲིད་དུ་ནོར་སྦྱིན་པར་བྱེད་པ་དེ་སྲིད་དུ་ཁྱོད་སྐྱེས
43a6 པའི་དབང་དུ་འགྱུར་རམ། བཟང་མོས་སྨྲས་པ། རྗེའི་སྲས་ཁྱོད་ཀྱིས། ཇི་སྲིད་བརྒྱ་བྱིན་ཆར་འབེབས་པ། །དེ་སྲིད་རི་ཀླུང་ཆུ་འབེབས་ལྟར། །ཇི་སྲིད་ནོར་ནི་སྦྱིན་བྱེད་པ། །དེ་སྲིད་འཇུད་འཐུན་སྐྱེས་བུ་དབང་། །ཞེས་བགྱི་བ་མ་གསན་ཏམ། མཛེས
43a7 དགས་སྨྲས་པ། བཟང་མོ་ཁྱོད་སུ་ལ་ཡང་ཡིད་འབེབས་པར་མི་བྱེད་དམ། བཟང་མོས་སྨྲས་པ། རྗེའི་སྲས་ཁྱོད་ཀྱིས། འཇུད་འཐུན་དགོངས་ཀར་རང་ལུས་བཞིན། །གཅུགས་དང་གཏམ་གྱིས་དགའ་བར་བྱེད། །དེ་ནས་ནམ་ཕྱེད་དབུས་གནས
43a8 ཤིང་། །ནམ་ནངས་ཕན་ཆད་རྩཝ་བཞིན་སྤོང་། །ཞེས་བགྱི་བ་མ་གསན་ཏམ། མཛེས་དགའས་སྨྲས་པ། བཟང་མོ་ཁྱོད་ནོར་དང་བཅས་པའི་མི་དག་ལ་སྤྱོད་པར་བྱེད་དམ། བཟང་མོས་སྨྲས་པ། རྗེའི་སྲས་ཁྱོད་ཀྱིས། ནོར་དང་བཅས་པའི
iiif viewer powered by OpenSeadragon
