| e-texts navigator |
| Wylie |
42b1 འབྱུང་བར་བརྩམས་པ་དང་། བཟང་མོས་གོས་ཀྱི་མཐའ་ནས་བཟུང་སྟེ་སྨྲས་པ། རྗེའི་སྲས་འདོད་པ་དག་ནི་རྒྱུ་གཉིས་ཀྱིས་བསྟེན་པར་བགྱི་སྟེ། གཟུགས་བཟང་བ་ཉིད་དང་། ལང་ཚོ་ཉིད་ཀྱིས་སོ། །ཁྱོད་ནི་གཟུགས་བཟང་བ
42b2 དང་། ལང་ཚོ་ལ་བབ་པ་ལགས་ན་གཞོན་པའི་གནས་སྐབས་སུ་རེ་ཤིག་རྩེ་བ་དང་། དགའ་བ་དང་། དགའ་མགུར་སྤྱོད་པ་མཛོད་ལ་བགྲེས་པའི་གནས་སྐབས་སུ་ནོར་བསྒྲུབ་པ་མཛོད་ཅིག་།མཛེས་དགའས་བང་ཆེན་དེ་ལ་སྨྲས་པ།
42b3 ཀྱེ་ཁྱོད་སོང་ཤིག་དང་འོང་ངོ་། །བང་ཆེན་དེ་སོང་སྟེ་ཚོང་པ་རྣམས་ལ་སྨྲས་པ། དེད་དཔོན་གྱི་ཞལ་ནས་སོང་ཤིག་དང་འོང་ངོ་ཞེས་གསུང་ངོ་། །ཚོང་པ་དེ་དག་འདུས་དེ། སྡོད་པ་ན་མཛེས་དགའ་ཐོགས་ནས། ཚོང་པ་དེ་དག
42b4 ཐམས་ཅད་འདུས་ཏེ་འཇུད་འཐུན་མའི་ཁྱིམ་དུ་དོང་ནས་ཚོང་པ་དེ་དག་གིས་བསྒོར་སྡད་དེ། མི་ལ་སྨྲས་པ། ཀྱེ་ཁྱོ་ག་སོང་ལ་དེད་དཔོན་ལ་ཚོང་པའི་ཚོགས་རྣམས་སྒོ་ན་སྡོད་ཅིང་དེད་དཔོན་བལྟ་བར་འཚལ་ལོ། །ཞེས་གྱིས་ཤིག་།
42b5 མི་དེས་སོང་སྟེ་མཛེས་དགའ་ལ་བརྗོད་ནས་མཛེས་དགའས་འབྱུང་བར་བརྩམས་པ་དང་། ཡང་གཟུགས་འཚོང་མ་བཟང་མོས་གོས་ཀྱི་མཐའ་ནས་བཟུང་སྟེ་སྨྲས་པ། རྗེའི་སྲས་ཚོང་པ་དེ་དག་ཀྱང་བདག་དང་ལྷན་ཅིག་དགའ་མགུར
42b6 སྤྱོད་འཚལ་ཏེ། དེ་དག་དང་ལྷན་ཅིག་དགའ་མགུར་སྤྱད་དུ་ག་ལ་རུང་བཞུགས་ཤིག་།འདོད་པ་དག་ནི་བསྟེན་པ་ན་ཀུན་དུ་སྦྱོར་བ་དག་འཕེལ་བར་བྱེད་པ་ཡིན་པས་མཛེས་དགས་སྨྲས་པ། གང་གི་ཚེ་ཁོ་བོ་ཀུན་ནས་དཀྲིས
42b7 པ་དང་བྲལ་བར་གྱུར་པ་དེའི་ཚེ་འབྱུང་བར་འགྱུར་རོ། །མི་དེས་སོང་སྟེ་ཚོང་པའི་ཚོགས་རྣམས་ལ་སྨྲས་པ། དེད་དཔོན་གྱི་ཞལ་ནས་གང་གི་ཚེ་ཁོ་བོ་ཀུན་ནས་དཀྲིས་པ་དང་བྲལ་བར་གྱུར་པ་དེའི་ཚེ་འབྱུང་ངོ་ཞེས་གསུང་ངོ་། །ཚོང
42b8 པ་དག་གིས་སྨྲས་པ། ཀྱེ་མ་མཛེས་དགའ་འདི་བྱ་བ་མ་ཡིན་པ་ལ་ཞུགས་ཀྱིས་འདོང་ངོ་ཞེས་དེ་དག་གིས་ཟོང་རྣམ་པར་སྤངས་ནས་རིན་བླངས་ཏེ་འཕགས་སོ། །དེ་ནས་མི་གང་གིས་ཉི་མ་རེ་རེ་ཞིང་བཟང་མོ་ལ་ཀར་ཥ་པཱ་ཎ་ལྔ་བརྒྱ
iiif viewer powered by OpenSeadragon
