| e-texts navigator |
| Wylie |
41b1 དགའ་དང་ལྷན་ཅིག་སྐབས་ཀྱི་གཏམ་ཇི་སྙེད་བྱས་པར་གྱུར་པ་དེ་དག་ཐམས་ཅད་གཟུགས་འཚོང་མ་བཟང་མོ་ལ་བསྙད་དོ། །དེ་ནས་གཟུགས་འཚོང་མ་བཟང་མོས་བུ་མོ་མངག་གཞུག་མ་ལས་ཐོས་ནས་དགའ་བ་དང་ཡིད་བདེ་བ་སྐྱེས་ཏེ།
41b2 ཁྱིམ་བྱུག་པས་བསྐུས་ཤིང་བྱི་དོར་བྱེད་དུ་བཅུག་ནས་མེ་ཏོག་སྣ་ཚོགས་བཀྲམ་ཞིང་འདུག་སྤོས་ཞིམ་པོས་བདུགས་ཏེ། བླ་རེ་བྲེས་པ་དང་བཅས་པའི་མལ་བཤམས་ནས་གཙོ་ཆེར་དེད་དཔོན་མཛེས་དགའ་ལ་སྡོད་ཅིང་འདུག་གོ། །དེད་དཔོན
41b3 མཛེས་དགའ་ཡང་དྲི་དང་། ཕྲེང་བ་རྒྱུ་དང་། རྒྱན་གྱིས་ཀླུབས་ཏེ་བཞོན་པ་ལ་ཞོན་ནས་ཁྱེའུ་མངག་གཞུག་པས་ཡོངས་སུ་བསྐོར་ཅིང་ལང་ཚོའི་གཟུགས་མཆོག་ཏུ་སྡུག་པས་རྣམ་པར་མཛེས་ཤིང་གཟུགས་འཚོང་མ་བཟང་མོའི་གནས
41b4 ག་ལ་བ་དེར་སོང་ངོ་། །གཟུགས་འཚོང་མ་བཟང་མོ་དེད་དཔོན་མཛེས་དགའ་ལང་ཚོའི་གཟུགས་མཆོག་ཏུ་སྡུག་པས་རྣམ་པར་མཛེས་པ་མཐོང་ངོ་། །མཐོང་ནས་ཀྱང་བྲན་མོ་མངག་གཞུག་མ་ལ་དྲིས་པ། བུ་མོ་འདི་དེད་དཔོན་མཛེས
41b5 དགའ་ཡིན་ནམ། དེས་སྨྲས་པ། ཇོ་མོ་དེད་དཔོན་མཛེས་དགའ་ནི་འདི་ཁོ་ན་ལགས་སོ། །དེ་ནས་གཟུགས་འཚོང་མ་བཟང་མོ་དགའ་བ་དང་། ཡིད་བདེ་བ་སྐྱེས་ནས་ཚིགས་སུ་བཅད་པ་སྨྲས་པ། རིགས་སྐྱེས་རིགས་མིན་སྐྱེས་པ་འམ།
41b6 ནོར་ཉམས་ནོར་ཀྱིས་འབྱོར་བ་འང་རུང་། །གཟུགས་ཀྱིས་ཕྱུག་པ་མཐོང་བས་ནི། །བུད་མེད་རྣམས་ཀྱི་ཡིད་འཕྲོག་བྱེད། །དེ་བཞོན་པའི་ས་ཇི་སྲིད་པ་དེ་སྲིད་དུ་བཞོན་པས་སོང་ནས་བཞོན་པ་ལས་བབས་ཏེ་རྐང་པ་དག་ཁོ་ནས་གཟུགས
41b7 འཚོང་མ་བཟང་མོའི་ཁྱིམ་དུ་འཇུག་པར་བརྩམས་པ་དང་། དེས་མྱུར་བ་མྱུར་བར་ཁང་ཐོག་ནས་བབས་ཏེ་དེ་བསུ་ནས་ཡན་ལག་ཐམས་ཅད་ཀྱིས་འཁྱུད་དེ། ཁྱིམ་གྱི་ནང་དུ་ཁྲིད་ནས་བུད་མེད་ཀྱི་ཁྲི་ལ་བཞག་སྟེ་སྨྲས་པ། རྗེའི་སྲས
41b8 ཀྱི་མཚན་ཅི། དེས་སྨྲས་པ། མཛེས་དགའོ། །དེས་སྨྲས་པ། ཨེ་མའོ་ཁྱོད་ཀྱི་མཚན་ནི་གཟུགས་དང་འདྲ་ལ། གཟུགས་ཀྱང་མཚན་དང་འདྲ་སྟེ། གལ་ཏེ་ཡབ་ཡུམ་དག་གིས་ཁྱོད་ཀྱི་མཚན་མཛེས་དགའ་ཞེས་བགྱི་བར་མ
iiif viewer powered by OpenSeadragon
