| e-texts navigator |
| Wylie |
40b1 དུ་དྲིལ་བསྒྲག་པ་བྱེད་དུ་བཅུག་སྟེ། འཕགས་རྒྱལ་ན་གནས་པ་དང་། ཕྱོགས་ཐ་དད་པ་ནས་ལྷགས་པའི་ཚོང་པ་རྣམས་ལ་ཤེས་ལྡན་དག་ཉོན་ཅིག་།དེད་དཔོན་མཛེས་དགས་ཟོང་མནོས་ཤིང་ཡུལ་གཞན་དུ་འགྲོས། ཁྱེད
40b2 ཅག་ལས་དེད་དཔོན་མཛེས་དགའ་དང་ལྷན་ཅིག་ཏུ་ཤོ་གམ་མེད་པ་དང་། ལ་གཅན་མེད་པ་དང་། གྲུ་བཙས་མེད་པར་ཡུལ་གཞན་དུ་འགྲོ་བར་སྤྲོ་བ་གང་ཡིན་པ་དེས་ཡུལ་གཞན་དུ་འགྲོ་བ་དང་འཐུན་པའི་ཟོང་བསྡོགས་ཤིག་།ཚོང་པ་ལྔ་བརྒྱས
40b3 ཡུལ་གཞན་དུ་འགྲོ་བ་དང་འཐུན་པའི་ཟོང་བསྡོགས་སོ། །དེད་དཔོན་དགའ་བོས་ཚོང་པ་དེ་དག་འགྲོན་དུ་བོས་ཏེ་ཟན་བྱིན་ནས་སྨྲས་པ། ཤེས་ལྡན་དག་ཇི་ལྟར་མཛེས་དགའ་འདི་ཁོ་བོའི་བུ་ཡིན་པ་དེ་ཁོ་ན་བཞིན་དུ་ཁྱེད་ཅག་གི་ཡང་ཡིན་གྱིས། ཚོང
40b4 པ་ཡུལ་གཞན་དུ་དོང་བ་རྣམས་ཀྱི་བར་ཆད་ནི་གསུམ་ཡོད་དེ། རྒྱན་པོ་དང་། འཇུད་འཐུན་མ་དང་། ཆང་གི་གནས་སོ། །ཁྱེད་ཅག་གི་འདི་གནོད་པ་ལས་ངེས་པར་བཟློག་པར་བྱ་ཞིང་ཕན་པ་ལ་ཡང་དག་པར་སྦྱར་བར་བྱའོ། གལ་ཏེ་གནོད་པ
40b5 ལས་ངེས་པར་བཟློག་ཅིང་ཕན་པ་ལ་ཡང་དག་པར་སྦྱོར་བར་བྱེད་པ་ན་རབ་ཏུ་གནས་པར་གྱུར་ན་དེ་ལྟ་ན་ལེགས། གལ་ཏེ་རབ་ཏུ་མི་གནས་པར་གྱུར་ན་ཁྱེད་ཀྱིས་ཟོང་རྣམ་པར་སྤོངས་ཤིང་རིན་མནོས་ཏེ་འགྲོ་བར་བྱའོ། །མཛེས་དགའ་ལ་ཡང
40b6 སྨྲས་པ། བུ་མཛེས་དགའ་ཇི་ལྟར་ཁྱོད་ཁོ་བོའི་བུ་ཡིན་པ་དེ་ཁོ་ན་བཞིན་དུ་ཚོང་པ་འདི་དག་གི་ཡང་ཡིན་གྱིས། ཁྱོད་ཀྱིས་འདི་དག་གི་ཚིག་དད་པས་མཉན་ཅིང་བྱ་བར་སེམས་ཤིག་།དེད་དཔོན་མཛེས་དགའ་ཡབ་བཀའ་བཞིན་འཚལ་ཞེས
40b7 དེད་དཔོན་དགའ་བོ་ལས་མཉན་ནས་དགེ་མཚན་དང་། བཀྲ་ཤིས་དང་། བདེ་ལེགས་སུ་འགྱུར་བ་བྱས་ཏེ། ཤིང་རྟ་དག་དང་། ཁུར་དག་དང་། སྤྱང་དག་དང་། གླེ་བ་དག་དང་། རྔ་མོ་དག་དང་། བ་ལང་དག་དང་། བོང་བུ་དག་གིས་ཟོང་མང་པོ
40b8 བླངས་ཏེ། ཚོང་པ་ལྔ་བརྒྱ་དང་ལྷན་ཅིག་ཡུལ་གཞན་དུ་འཕགས་སོ། །དེ་མཐར་གྱིས་གྲོང་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་གི་གནས་དག་ཏུ་ཁད་ཀྱིས་རྒྱུ་བ་ན་མཉན་ཡོད་དུ་ཕྱིན་ནས་མཉན་ཡོད་དུ་མཛོད་ཅིག་ཏུ་ཟོང
iiif viewer powered by OpenSeadragon
