| e-texts navigator |
| Wylie |
36b1 དུ་སེམས་ཏེ། གང་གི་ཕྱིར་ཁྱེའུ་འདིའི་རྒྱབ་འདི་ལྟ་སྟེ། དཔེར་ན་རི་བོང་ངམ། བྱི་ལའི་ལྟར་མཉེན་པ་དང་། ཤིན་ཏུ་མཉེན་པ་དེའི་ཕྱིར། ཁྱེའུ་འི་མིང་རྒྱབ་མཉེན་ཞེས་བྱའོ། །ཞེས་དེའི་མིང་རྒྱབ་མཉེན་ཞེས་བྱ་བར་བཏགས་སོ། །དེ་འོ
36b2 མ་དང་། ཞོ་དང་། མར་དང་། ཞུན་མར་དང་། མར་གྱི་སྙིང་ཁུ་དང་། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང་རྫིང་ན་གནས་པའི་པད་མ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར
36b3 གྱུར་པ་དེའི་ཚེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ་། །དེ་དེ་ལྟར་རབ་ཏུ་བྱུང་ནས་དེ་སྔ་དྲོ་ཤམ་ཐབས་བགོས། ཆོས་གོས་དང་ལྷུང་བཟེད་ཐོགས་ཏེ། གྲོང་ངམ། གྲོང་རྡལ་གང་ན་ཉེ་བར་རྟེན་ཅིང་གནས་པའི་གྲོང
36b4 ངམ། གྲོང་རྡལ་དེ་ཉིད་དུ་ལུས་མ་སྲུངས། དབང་པོ་དག་མ་བསྡམས། དྲན་པ་ཉེ་བར་མ་བཞག་པར་བསོད་སྙོམས་ལ་ཞུགས་སོ། །དེས་གྲོང་ངམ། གྲོང་རྡལ་དེ་ཉིད་དུ་བསོད་སྙོམས་ལ་བརྒྱུས་ནས་ཟས་ཀྱི་བྱ་བ་བྱས་ཏེ། ཕྱི
36b5 མའི་ཟས་ཀྱི་བསོད་སྙོམས་ལས་ཕྱིར་ལོག་པས་ལྷུང་བཟེད་དང་ཆོས་གོས་ཁོས་སུ་ཕབ་ནས་རྐང་པ་གཉིས་བཀྲུས་ཏེ། ནང་དུ་ཡང་དག་འཇོག་གི་ཕྱིར་གནས་སུ་ཞུགས་སོ། །དེའི་སེམས་གང་གི་ཚེ་འདོད་པ་ལ་འདོད་ཆགས
36b6 ཀྱིས་ཀུན་ནས་བཀྲིས་པར་གྱུར་པ་དེའི་ཚེ་དེས་རང་གི་ཡན་ལག་གི་རྣམ་པ་ལས་སུ་རུང་བར་བྱས་ཏེ། རང་གི་ཁར་བཅུག་ནས་རྩོལ་བ་བྱེད་དོ། །དེ་ནས་དུས་གཞན་ཞིག་ན་དགེ་སློང་རབ་ཏུ་མང་པོ་གནས་ཉུལ་ཞིང་རྒྱུ་བ་དག་དགེ་སློང
36b7 དེའི་གནས་ག་ལ་བ་དེར་ཕྱིན་པ་དང་། དགེ་སློང་དེ་དག་གིས་དགེ་སློང་དེ་དེ་ལྟར་བྱེད་པ་མཐོང་ངོ་། །མཐོང་ནས་ཀྱང་ཡིད་མི་དགའ་ཞིང་མངོན་པར་མ་མགུ་ནས་དགེ་སློང་དེ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཅི་བྱེད། རེག་པ་བདག
36b8 གིར་བྱེད་དོ། །ཚེ་དང་ལྡན་པ་འོ་ན་བཅོམ་ལྡན་འདས་ཀྱིས་མི་ཚངས་པར་སྤྱོད་པ་འཁྲིག་པའི་ཆོས་མ་བཀག་གམ། ཚེ་དང་ལྡན་པ་དག་བཀག་སྟེ། དེ་ནི་གཞན་གྱི་ལ་ཡིན་གྱི་རང་གི་ལ་ནི་མ་ཡིན་ནོ། །དགེ་སློང་དེ་དག་དེ་ལ་མངོན་པར་བསྟོད་པར
iiif viewer powered by OpenSeadragon
